BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرتىس ٴوڭىرىنىڭ شارۋا قوجالىقتارى جۇمىسشىلاردىڭ جالاقىسىن 30% كوتەرە باستادى

پاۆلودار، baq.kz ٴتىلشىسى. ەرتىس ٴوڭىرىنىڭ شارۋالارى ەلباسى جولداۋىنا ٴۇن قوسىپ، جۇمىسكەرلەرىنىڭ جالاقىسىن وسىرە باستادى.

مەملەكەت باسشىسىنىڭ جالاقىنى كوتەرۋ باستاماسىن العاشقىلاردىڭ ٴبىرى بولىپ پاۆلودار اۋدانىنىڭ شارۋا قوجالىقتارى قولدادى. جاڭا قالا اۋىلىنداعى كاسىپورىننىڭ 100-گە جۋىق مامانىنىڭ ايلىعى بىردەن 30%-عا ۇلعايدى.

24 جاسارارداق قاجات باسشىلىق ەتەتىن شارۋاشىلىقتا ٴىرى قارا مالدىڭ 1500 باسى وسىرىلەدى. ولاردىڭ 600-دەن استامى – ساۋىندى سيىرلار. بۇگىندە ەڭبەكقور جاندار تۇتىنۋشىلارىنا كۇنبە-كۇن 8 مىڭ ليتر ٴسۇت تاسىمالدايدى. ارداق قاجاتتىڭ ايتۋىنشا، بۇگىندە شارۋا قوجالىعىنى ەكونوميكالىق جاعدايى تۇراقتى، سوندىقتان، جۇمىسشىلار ايلىعىن كوتەرۋگە بارلىق مۇمكىندىك بار.

«ٴبىزدىڭ شارۋاشىلىق 20 جىل بۇرىن قۇرىلدى. كاسىبىمىزدى 60 سيىردان باستادىق. بۇگىندە گۇلدەنىپ، تۇرلەنىپ جاتقان جايىمىز بار. سيىر ساۋۋ ٴىسى تولىق اۆتوماتتاندىرىلعان. زاماناۋي تەحنيكانى قولدانىپ جاتىرمىز. قاراماعىمىزدا مال ازىعى وسىرىلەتىن 5 مىڭ گەكتارلىق جەرىمىز بار. مەملەكەت قولداۋ كورسەتپەسە، وسىنداي دارەجەگە كوتەرىلمەس ەدىك. قازىرگى تاڭدا مال ازىعى، جاڭا تەحنيكا مەن ٴسۇت ٴۇشىن سۋبسيديا الىپ وتىرمىز. سونىڭ ارقاسىندا تەحنيكالىق پاركىمىزدى جاڭارتىپ، جاس ماماندارعا تۇرعىن ٴۇي سالىپ بەردىك»، - دەيدى ارداق قاجات.

ايتا كەتەرلىگى، كاسىپورىن باسشىلىعى مامانداردىڭ الەۋمەتتىك تولەمدەرىن، اتاپ ايتقاندا، زەينەتاقى، مەديسينالىق ساقتاندىرۋ جانە سالىقتارىن ٴوز موينىنا العان.

«وسى شارۋاشىلىقتا ەڭبەك ەتكەنىمە 10 جىلدان استى. باس مال ٴوسىرۋشى بولىپ جۇمىس ىستەيمىن. بيىلعى جىلى جالاقىمىز ٴوسىپ، قاۋانىشىمىزدا شەك جوق. ٴقازىر ايلىعىم 125 مىڭ تەڭگەگە جەتتى. اۋىل تۇرعىندارى ٴۇشىن جاقسى قارجىلىق قولداۋ»، - دەيدى مال ٴوسىرۋشى ساعادات ٴسۇيىنىش.

بۇگىندە وبلىستاعى شاعىن جانە ورتا بيزنەس وكىلدەرى دە جۇمىسشىلارىنىڭ جالاقىلارىن وسىرە باستادى. ناقتىراق ايتقاندا، 10-عا جۋىق جۇيەقۇراۋشى كاسىپورىن مينيمالدى ەڭبەك الاتىن مامانداردىڭ جالاقىسىن ٴوسىردى. ەلباسىنىڭ جولداۋىندا ايتىلعان مىندەتتەردى ورىنداۋ شەڭبەرىندە وبلىستىڭ 130 مىڭ تۇرعىنى قارجىلىق دەمەۋ كورمەك. بىرنەشە كۇن بۇرىن گوفوروتارا زاۋىتى دا كادرلارىنىڭ ايلىعىن ۇلعايتىپ، ٴبىر قۋانتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي