BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەربولات دوسايەۆ پرەزيدەنت جولداۋىن الماتىلىقتارمەن تالقىلادى

فوتو: Atameken Business Channel

پرەمەر-مينيستردىڭ ورىنباسارى ەربولات دوسايەۆتىڭ الماتى قالاسىنىڭ اكتيۆىمەن كەزدەسۋى بارىسىندا پرەزيدەنتتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن ورىنداۋداعى ۇكىمەتتىڭ الداعى اتقاراتىن جۇمىستارىنىڭ باستى باعىتتارى تالقىلاندى. بۇل تۋرالى الماتى قالاسى اكىمدىگىنىڭ ٴباسپاسوز قىزمەتى حابارلايدى.

مىسالى، مەملەكەت باسشىسى تاپسىرمالارىنىڭ نەگىزگى بولىكتەرىنىڭ ٴبىرى وڭىرلەردەگى ازاماتتاردىڭ ٴومىرىن جاقسارتۋعا باعىتتالعان. ەربولات دوسايەۆ ٴوزىنىڭ سوزىندە ەگەر بۇرىن رەسپۋبلكالىق ٴمانى بار ينفراقۇرىلىمداردى دامىتۋعا ٴمان بەرىلسە، بۇدان بىلاي وڭىرلىك جانە قالالىق ينفراقۇرىلىمداردى وركەندەتۋگە ەرەكشە نازار اۋدارىلاتىنىن، ال بۇل الماتى ٴۇشىن وتە ماڭىزدى ەكەنىن اتاپ ٴوتتى.

«كەلەر جىلدىڭ 1 قىركۇيەگىنە دەيىن 2030 جىلعا دەيىنگى اۋماقتىق- كەڭىستىكتىك دامۋدىڭ ستراتەگياسى جاسالادى، مۇندا باسقارىلاتىن ۋربانيزاسياعا اكسەنت بەرىلەدى. حالىقتى ورنالاستىرۋ، وڭىرلەردىڭ ارنايى سالالارىن انىقتاۋ، ٴونىدىرىستى دامىتۋ، ينفراقۇرىلىمدى قامتاماسىز ەتۋ وسى پريزما ارقىلى جۇزەگە اسادى، ال بۇل ەل وڭىرلەرىندە كىشى ۋربانيزاسيانىڭ قانات جايۋىنا تىڭ سەرپىن بەرەدى. ٴتۇرلى ەلدى مەكەندەر – اۋىلدار مەن رەسپۋبليكالىق ٴمانى بار قالالار ٴۇشىن ايماقتىق ستاندارتتار ٴجۇيسىن جاساۋ جوسپارلانۋدا، وندا الەۋمەتتىك قولداۋ مەن مەملەكەتتىك قىزمەت كورسەتۋدىڭ قولجەتىمدىلىگى ناقتىلى ايقىندالادى»، - دەپ اتاپ ٴوتتى ەربولات دوسايەۆ.

ۇكىمەت باسشىسىنىڭ ورىنباسارى وڭىرلەردى دامىتۋعا جاڭاشا تۇرپاتتا كەلۋ قالا تۇرعىندارىنىڭ تۇرمىس ساپاسىن جاقسارتىپ، وڭىرلىك ەكنوميكانىڭ دامۋىنا وڭ اسەر ەتەتىنىن ايتتى. وڭىرلەردەگى تۇرعىنداردىڭ ٴومىرىن جاقسارتۋ «نۇرلى جول» جانە «نۇرلى جەر» سىندى باعدارلامالاردى 2025 جىلعا دەيىن جۇزەگە اسىرۋمەن تىكەلەي بايلانىستى.تەك الماتىنىڭ وزىندە عانا جىل اياعىنا دەيىن 2 ملن.كۆ.م. تۇرعىن ٴۇيدى ىسكە قوسۋ جوسپارلانعان.

مەكتەپ جاسىنا دەيىنگى مەكەمەلەردە جانە مەكتەپتەردە ٴبىلىم بەرۋدىڭ ساپاسىن ارتتىرۋ ٴۇشىن بيىلعى جىلدىڭ سوڭىنا دەيىن جول كارتاسى جاسالىپ، بەكىتىلەدى، بۇل قۇجاتتا مەكتەپ جاسىنا دەيىنگى مەكەمەلەر تاربيەشىلەرىنىڭ ٴبىلىمىن ارتتىرۋ جانە ٴبىرىڭاي بىلىكتىلىك تالاپتارى كورىنىس تابادى، piza، sat، ast سىندى حالىقارالىق ستاندارتتارعا كوشۋ ىسكە اسادى.

بۇلاردان وزگە، مەكتەپتەر قۇرىلىسىن ەلدى مەكەندەردىڭ دامۋ جوسپارلارىمەن سايكەستەندىرۋ تاپسىرىلدى، ال بۇل جەكە سەكتور ينۆەستيسياسى ەسەبىنەن مەكتەپ قۇرىلىستارىن سالۋ قارقىنىن ارتتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي