ەڭ تومەنگى جالاقىنى ٴوسىرۋ قازاقستاندىقتاردىڭ تۇرمىسىن كوتەرەدى – اشىمبايەۆ - جولداۋ|06 قازان 2018، 12:52
كۋرسى ۆاليۋت وبنوۆليايۋتسيا
استانا:

ەڭ تومەنگى جالاقىنى ٴوسىرۋ قازاقستاندىقتاردىڭ تۇرمىسىن كوتەرەدى – اشىمبايەۆ

فوتو: Нұржас Жақсыбай

بۇگىن دەموكراتيالىق كۇشتەردىڭ «قازاقستان-2050» جالپىۇلتتىق كواليسياسىنىڭ كەزەكتى وتىرىسىندا «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ قر پرەزيدەنتى نۇرسۇلتان نازاربايەۆتىڭ جىل سايىنعى جولداۋىندا كورسەتىلگەن باسىمدىقتارعا توقتالدى، دەپ حابارلايدى baq.kz ٴتىلشىسى.

«ەڭ تومەن جالاقىنى 1،5 ەسە كوبەيتۋ جۇيەلى شارا بولىپ وتىر. مۇنداي شەشىم ميلليونداعان قازاقستاندىقتىڭ تۇرمىسىنا جاعىمدى اسەر ەتەدى. بۇدان بولەك، ٴبىلىم بەرۋ، دەنساۋلىق ساقتاۋ سالاسىنا بولىنەتىن قارجىنى ٴجىو 10%-نا دەيىن ارتتىرۋدى تاپسىردى. 2018 جىلى بۇل جۇيەلەرگە دەگەن شىعىن 7%-دى قۇراعان بولاتىن»، - دەدى پارتيا ٴتوراعاسىنىڭ ٴبىرىنشى ورىنباسارى.

ونىڭ ايتۋىنشا، مۇنداي شارالار قازاقستاننىڭ ەىدۇ ەلدەرىندە بار الەۋمەتتىك ستاندارتتارعا جاقىنداۋىنا مۇمكىندىك بەرەدى.

«وسىلايشا، ەلباسى جولداۋىندا ايتىلعان حالىقتىڭ جاعدايىن كوتەرۋگە باعىتتالعان شارالار الداعى جىلدارداعى الەۋمەتتىك جاڭعىرۋعا نەگىز بولماق. وسى باسىمدىقتاردى جۇزەگە اسىرۋ ارقىلى قازاقستاننىڭ الەمدەگى دامىعان مەملەكەتتەر العا قويعان الەۋمەتتىك ستاندارتتارعا جاقىنداۋىنا سەپ بولادى»، - دەدى اشىمبايەۆ كواليسيا وتىرىسىندا.

ەستەرىڭىزگە سالا كەتەيىك، 5 قازان كۇنى اقوردادا مەملەكەت باسشىسى نۇرسۇلتان نازاربايەۆ قازاقستان حالقىنا كەزەكتى جولداۋىندا ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28 مىڭنان 42 مىڭعا دەيىن ٴوسىرۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي