BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدىڭ باسەكەگە قابىلەتتىلىگىن ارتتىرۋ ٴۇشىن قانداي جۇمىستار جۇرگىزىلەدى

استانا. baq.kz ٴتىلشىسى. قر ۇلتتىق ەكونوميكا ٴمينيسترى تيمۋر سۇلەيمەنوۆ ەلباسى جولداۋىن كورسەتىلگەن مىندەتتەر قازاقستاننىڭ باسەكەگە قابىلەتتىلىگىن جاقسارتۋعا سەرپىن بەرەتىنىن ٴمالىم ەتتى.

مينيستر دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسىنىڭ كەزەكتى رەيتينگىسىندە قازاقستاننىڭ 140 ەلدىڭ ىشىندە 59 ورىنعا يە بولعانىن (ٴۇندىستان – 58 جانە كولۋمبيا – 60) ايتتى.

اتالعان رەيتينگتە قازاق ەلى 2017 جىلى دا سول ورىننان كورىنگەن.

12 باسەكەگە قابىلەتتىلىك فاكتورى بويىنشا ەلىمىز بەس فاكتور بويىنشا جاقسى ناتيجەگە قول جەتكىزسە، ٴتورت فاكتور بويىنشا ويداعىداي ناتيجە كورسەتپەگەن.

ولار قارجىلىق جۇيە (100 ورىن)، «دەنساۋلىق ساقتاۋ» (97 ورىن)، يننوۆاسيالىق الەۋەت» (87 ورىن). بۇل دەف جاھاندىق باسەكەگە قابىلەتتىلىك يندەسكى بويىنشا ەلىمىزدىڭ اتالعان سالادا ٴالسىز فاكتورعا يە ەكەنىن كورسەتەدى. ال ٴۇش فاكتور بويىنشا جايعاسىم وزگەرمەپتى.

وسى ورايدا مينيستر ٴالسىز سالالاردا ارتتا قالۋدى جويۋ ٴۇشىن ۇكىمەت ٴبىرقاتار پارمەندى شارالاردى قابىلدانىپ جاتقانىن اتاپ ٴوتتى.

«ماسەلەن، مەملەكەت باسشىسى 2018 جىلعى 5 قازانداعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا «تۇرمىس ساپاسىن ارتتىرۋ» اتتى ەكىنشى مىندەتى اياسىندا اتالعان سالالارداعى شىعىنداردىڭ تيىمدىلىگىن ارتتىرۋعا ەكپىن بەرە وتىرىپ، ٴبىلىم بەرۋ مەن دەنساۋلىق ساقتاۋدى مەملەكەتتىك قولداۋدى كەڭەيتۋگە ايرىقشا نازار اۋداردى»، - دەدى تيمۋر سۇلەيمەنوۆ.

سونىمەن قاتار ول يننوۆاسيالىق الەۋەتتى جاقسارتۋ ماقساتىندا 2025 جىلعا دەيىنگى يندۋستريالىق-يننوۆاسيالىق دامۋىنىڭ مەملەكەتتىك باعدارلاماسى ازىرلەنەتىنىن، ٴارى قارجى جۇيەسىنە دە باسا ٴمان بەرىلەتىنىن جەتكىزدى.

«دەف جبي رەيتينگىندە اتالعان سالادا 100 ورىندا تۇرمىز. بۇل تومەن كورسەتكىش. سوندىقتان ٴبىز ۇلتتىق بانكپەن قارجى سەكتورىن ساۋىقتىرۋ بويىنشا شارالار جۇرگىزەمىز. ياعني قارجىلىق جۇيەنى جەتىلدىرۋ ٴۇشىن قارجى سالاسى مەن قارىزى بار كاسىپورىنداردى ناقتى ساۋىقتىرۋ; كەشەندى ينفلياسياعا قارسى ٴتيىمدى ساياسات جۇرگىزۋ; ۇزاقمەرزىمدى تەڭگە نەسيەلەرىنىڭ ناقتى قولجەتىمدىلىگىن قامتاماسىز ەتۋ بويىنشا شارالار قابىلدانادى»، - دەدى مينيستر.

سونداي-اق تيمۋر سۇلەيمەنوۆ كولىك ينفراقۇرىلىمىن دامىتۋ ٴۇشىن 2025 جىلعا دەيىنگى «نۇرلى جول» مەملەكەتتىك باعدارلاماسىن جۇزەگە اسىرىلا بەرەتىنىن، ٴارى ەكولوگيالىق جاعدايدى جاقسارتۋ ماقساتىندا ەكولوگيالىق زاڭناما جەتىلدىرىلەتىنىن جەتكىزدى.

«قۇقىققورعاۋ ورگاندارىنىڭ جۇمىسىن تۇبەگەيلى جاقسارتۋ جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا ىشكى ىستەر ورگانىن جاڭعىرتۋدىڭ «جول كارتاسى» قابىلدانادى. ول حالىقپەن جۇمىس ىستەۋدەگى جاڭا زاماناۋي فورماتتى ەنگىزۋدى كوزدەيدى»، - دەدى ول.

ٴسوز سوڭىندا مينيستر ەلىمىزدىڭ ەكونوميكالىق الەۋەتىن كوتەرۋ بويىنشا ٴتيىستى جۇمىستار جۇرگىزىلەتىنىن جەتكىزدى.

«پرواكتيۆتىك ساۋدا ساياساتىن كۇشەيتۋ، قازاقستاندىق ەكسپورتتاۋشىلاردى قولداۋ، وتاندىق وندىرۋشىلەردى قولداۋدى كۇشەيتۋ شارالارىن كوزدەيتىن ەكسپورتقا باعدارلانعان يندۋستريالاندىرۋعا كوشۋ جۇزەگە اسىرىلادى. بۇدان باسقا، مەملەكەتتىك قولداۋ قۇرالدارىن جانە دامۋ ينستيتۋتتارىنىڭ مۇلكىن تۇگەندەۋ، جۇرگىزىلەدى، وڭدەۋونەركاسىبى مەن شيكىزاتسىز ەكسپورتتى قولداۋعا قوسىمشا 500 ملرد تەڭگە بولىنەدى»، - دەپ تۇيىندەدى ٴسوزىن تيمۋر سۇلەيمەنوۆ.

ەستەرىڭىزگە سالا كەتەيىك، 5 قازاندا ەلباسى نۇرسۇلتان نازاربايەۆ قازاقستان حالقىنا كەزەكتى جولداۋىن جاريا ەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي