ەلباسىنىڭ بۇگىنگى جولداۋىندا ٴبىلىم بەرۋ سالاسى نازاردان تىس قالمادى – ٴمۇعالىم - جولداۋ|06 قازان 2018، 16:25
كۋرسى ۆاليۋت وبنوۆليايۋتسيا
استانا:

ەلباسىنىڭ بۇگىنگى جولداۋىندا ٴبىلىم بەرۋ سالاسى نازاردان تىس قالمادى – ٴمۇعالىم

استانا قالاسى №59 مەكتەپ-ليسەيىنىڭ قازاق ٴتىلى جانە ادەبيەت ٴپانىنىڭ ٴمۇعالىمى زامزاگۇل كەنجەاحمەتوۆا قازاق جولداۋىنا قاتىستى پىكىر بىلدىردە، دەپ حابارلايدى baq.kz اقپارات اگەنتىگىنىڭ ٴتىلشىسى.

ونىڭ ايتۋىنشا، ەلباسىنىڭ بۇگىنگى جولداۋىندا اسىرەسە بيۋدجەت سالاسىندا قىزمەت ەتەتىن ادامدارعا كوپ كوڭىل بولىنگەن.

«ەڭ تومەنگى ايلىق جالاقىنى كوتەرەمىن دەگەنى وتە قۇپتارلىق جايت. بۇل دا پرەزيدەنتتىڭ سىندارلى ساياساتىنىڭ ٴبىر كورىنىسى. حالىقتىڭ ٴومىر ٴسۇرۋ دەڭگەيى ەل دامۋىنىڭ كورسەتكىشى. وسى تۇستا پرەزيدەنتتىڭ ەلى ٴۇشىن، ونىڭ ىشىندە بيۋدجەت قىزمەتكەرلەرىنە دەگەن قامقورلىعىن بايقايمىز. سونىمەن قاتار ەلدەگى ٴبىلىم سالاسى دا ەلباسىنىڭ نازارىنان تىس قالماعان. ەلىمىزدىڭ ەرتەڭگى كۇننى بيىكتەن كورىنۋى، وزگە ەلمەن تەرەزەسىنىڭ تەڭ بولۋى ساپالى بىلىمگە بايلانىستى. قازىرگى كۇنى پەداگوگيكا سالاسىندا قىزمەت ەتىپ جۇرگەن مامانداردىڭ جاعدايى اسا جاقسى دەپ ايتا المايمىز، دەگەنىمەن بۇگىن ەلباسىمىز ٴبىلىم، دەنساۋلىق جانە ٴتارتىپ ساقشىلارىنىڭ جالاقىسىن كوتەرۋ كەرەكتىگىن شەگەلەپ ايتتى»، -دەيدى ۇستاز.

سونىمەن قاتار ول، مۇعالىمدەردىڭ جالاقىسىن كوتەرىپ، ولارعا جاعداي جاساسا ٴبىلىم سالاسىنىڭ قىزمەتكەرلەرى وقىتۋ ساپاسىن ارتتىرۋعا، جاستاردىڭ تاربيەلى بولۋىنا جانە جاڭا يننوۆاسيالاردىڭ يگەرىلىپ، ەلىمىزدىڭ كوركەيە ٴتۇسۋى ٴۇشىن بارىن سالىپ قىزمەت ەتە تۇسەدى دەگەن ويىن ٴبىلدىردى.

«جولداۋ بارىسىندا ەلىمىزدەگى مەكتەپتەردىڭ ٴبىلىم بەرۋ ساپاسىن ارتتىرىپ، نازاربايەۆ مەكتەپتەرىمەن تەڭەستىرۋ ايتىلدى. بۇل دا وتە قۇپتارلىق جاعداي، ٴقازىردىڭ وزىندە ول مەكتەپتەردىڭ ٴبىلىم بەرۋ باعدارلامالارىن جالپى ٴبىلىم بەرۋ مەكتەپتەرىنە ەنگىزۋ ٴجۇرىپ جاتىر. ولاردىڭ ادىستەمەسىن، باعدارلامالارىن، سونىڭ ىشىندە ٴبىلىم مازمۇنىن ەنگىزۋدە ٴبىراز جۇمىستار اتقارىلدى. ٴبىلىم بەرۋ ساپاسىن جوعارى دەڭگەيگە كوتەرۋ بۇگىنگى كۇننىڭ تالابى. سوندىقتان بۇل جاعىنان ەلباسىنىڭ ايتقاندارىن ارينە قولدايمىز»، -دەيدى ز. كەنجەاحمەتوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي