ەلباسى جولداۋىنا وراي قحا ۇندەۋ جاريالادى  - جولداۋ|06 قازان 2018، 13:25
كۋرسى ۆاليۋت وبنوۆليايۋتسيا
استانا:

ەلباسى جولداۋىنا وراي قحا ۇندەۋ جاريالادى 

استانادا قازاقستان حالقى اسسامبلەياسى ەلباسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنا وراي ۇندەۋ جاريالادى، دەپ حابارلايدى baq.kz ٴتىلشىسى.

بۇگىن ۇلتتىق اكادەميالىق كىتاپحانادا «مەملەكەت باسشىسى نۇرسۇلتان نازاربايەۆتىڭ قازاقستان حالقىنا ارناعان كەزەكتى جولداۋىنداعى مىندەتتەردى ىسكە اسىرۋداعى قازاقستان حالقى اسسامبلەياسىنىڭ ورنى مەن ٴرولى» اتتى قحا كەڭەسىنىڭ كەڭەيتىلگەن وتىرىسى ٴوتتى.

وتىرىستا پرەزيدەنتتىڭ قازاقستان حالقىنا ارناعان جولداۋىنداعى نەگىزگى ماسەلەلەر تالقىلاندى.

سونداي-اق جيىندا قازاقستان حالقى اسسامبلەياسى ۇندەۋ جاريالادى.

«قازاقستان پرەزيدەنتى نۇرسۇلتان نازاربايەۆتىڭ كەزەكتى جولداۋى قوعامنىڭ وزەكتى الەۋمەتتىك ساۋالدارىنا ناقتى جاۋاپ بولدى. بۇل – مەملەكەتتىك ورگاندار، بيزنەس پەن قوعام ٴۇشىن ٴىس-قيمىلدىڭ تۇتاس ستراتەگياسىن ايقىندايتىن، ٴوزىنىڭ ٴمانى مەن مازمۇنى جاعىنان ەرەكشە قۇجات. باستى ماقسات – قازاقستاندىقتاردىڭ ٴال-اۋقاتىن ارتتىرۋ»، - دەلىنگەن قۇجات ماتىنىندە.

سونىمەن قاتار ۇندەۋدە حالىقتىڭ تۇرمىسىن ودان ٴارى جاقسارتۋ ٴۇشىن قانداي مىندەتتەردى جۇزەگە اسىرۋ قاجەت ەكەنى كورسەتىلگەن.

«ەڭ تومەنگى جالاقىنى ٴوسىرۋ، بيزنەستىڭ جول كارتاسىن جالعاستىرۋ، ٴتۇرعىن-ۇي كوممۋنالدىق شارۋاشىلىق قىزمەتتەرىنە ارنالعان تاريفتەردە ٴتارتىپ ورناتۋ جونىندەگى شارالار جانە باسقا دا قادامدار – تابىستىڭ ٴوسۋىنىڭ تۇراقتىلىعىنا ىقپال ەتەدى. ٴبىلىم بەرۋ، عىلىم جانە دەنساۋلىق ساقتاۋ سالاسىنا جۇمسالاتىن قاراجاتتى ارتتىرۋ، ۋچاسكەلىك مەديسينا قىزمەتكەرلەرىنىڭ جەكەلەگەن ساناتتارىنا ەڭبەكاقىنى كوتەرۋ، سالاۋاتتى ٴومىر سالتىن دامىتۋ، حالىقتى ساپاسىز تاۋارلار مەن قىزمەتتەردەن قورعاۋ – بۇل تۇرمىس ساپاسىن جاقسارتۋ جونىندەگى سەنىمدى قادامدار»، - دەلىنگەن ۇندەۋدە.

قۇجاتتا تۇرعىن ٴۇي ماسەلەسىن شەشۋ جاس وتباسىلارعا ۇلكەن كومەك بولاتىنى ايتىلعان.

«ال تۇرعىن ٴۇي ماسەلەلەرىن شەشۋ، جەرگىلىكتى جولداردى، اۋىلداردى سۋمەن جابدىقتاۋدى دامىتۋ، ەكولوگيانى جاقسارتۋ، ازاماتتاردىڭ قاۋىپسىزدىگىن قامتاماسىز ەتۋ جونىندەگى شارالار – جايلى ٴومىر ٴسۇرۋ ورتاسىن قۇرۋعا قىزمەت ەتەدى. جولداۋدىڭ مىندەتتەرىن ىسكە اسىرۋدا مەملەكەتتىك اپپاراتتىڭ ٴتيىمدى قىزمەتى مەن قازاقستاندىقتاردىڭ ەلىمىزدەگى وزگەرىستەر ۇدەرىستەرىنە ات سالىسۋى ماڭىزدى جانە جاۋاپتى رولگە يە بولادى. سونىمەن قاتار جاستاردى جانە وتباسى ينستيتۋتىن كەشەندى قولداۋ مەملەكەتتىك ساياساتتىڭ باسىمدىعى ەكەنىن اتاپ وتكەن ٴجون»، - دەلىنگەن قۇجاتتا.

سونىمەن قاتار ۇندەۋدە قازاقستان حالقى اسسامبلەياسى ەلباسى جولداۋىن تولىعىمەن قولدايتىنىن، ٴارى ونى حالىققا ٴتۇسىندىرۋ بويىنشا بەلسەندى جۇمىستار جۇرگىزىلەتىنى جازىلعان.

«مەملەكەت باسشىسى حالىقتىڭ الەۋمەتتىك كوڭىل-كۇيى مەن ٴومىر ٴسۇرۋ ساپاسىن جاقسارتۋ جونىندەگى تەڭدەسسىز شارالاردى بەلگىلەدى. پرەزيدەنت بۇل ماقساتتارعا ٴبىزدىڭ قوعامىمىزدى كەلىسىم مەن بىرلىكتى ساقتاۋ ارقىلى عانا قول جەتكىزۋ مۇمكىن ەكەنىن اتاپ ٴوتتى. قازاقستان حالقى اسسامبلەياسى جاڭا جولداۋدىڭ مىندەتتەرىن تولىق قولدايدى جانە ولاردى جۇزەگە اسىرۋ مەن تۇسىندىرۋگە بەلسەندى قاتىسادى. ٴبىز بارلىق قازاقستاندىقتاردى ۇلتتىق ٴال-اۋقاتتى مەملەكەت قۇرىلىسىنىڭ ماقساتتارىنا قول جەتكىزۋ ٴۇشىن بىرىگۋگە شاقىرامىز. وسىنىڭ ٴبارى قازاقستانداعى بەيبىتشىلىك پەن كەلىسىمنىڭ نەگىزگى تۇعىرى. ٴبىز، جولداۋدىڭ جۇزەگە اسىرىلۋى قوعامدىق كەلىسىم مەن جالپىۇلتتىق بىرلىكتىڭ، ازاماتتاردىڭ ٴال-اۋقاتىن ارتتىرۋدىڭ، وتانىمىزدىڭ گۇلدەنۋىنىڭ بەرىك كەپىلى بولاتىنىنا سەنىمدىمىز»، - دەلىنگەن قۇجاتتا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي