BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى جولداۋى قوعامدا قوردالانعان ماسەلەلەردىڭ تامىرىن ٴدوپ باستى – ماەميروۆ

فوتو: интернеттен

م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى اسحات ماەميروۆ مەملەكەت باسشىسىنىڭ بۇگىنگى جولداۋىنا قاتىستى پىكىر ٴبىلدىردى، دەپ حابارلايدى ۆaq.kz ٴتىلشىسى.

«وسى جىلعى ەلباسىنىڭ جولداۋى قوعامدا قوردالانعان ماسەلەلەردىڭ تامىرىن ٴدوپ باستى. ەلدىڭ ٴال-اۋقاتىن، تۇرمىستىق جاعدايدى جاقسارتۋ بويىنشا ٴبىرقاتار تۇيىتكىلدى ماسەلەنى قاۋزادى. قالاي تامىرىن باسىپ وتىرىپ، قالاي شەشۋ كەرەكتىگىنىڭ مەحانيزمدەرىن كورسەتتى. سونىڭ ىشىندە بىزگە ۇناعانى «نۇرلى جەر» باعدارلاماسى مەن «جول كارتاسىنىڭ» 2025 جىلعا دەيىن جالعاساتىندىعى بولىپ وتىر. الەۋمەتتىك سالا مەن بيزنەس سالاسىنا نەگىزگى كونسەنتراسيا جاساۋى ۇنادى. بۇل دەگىنىمىز ەلىمىزدەگى الەۋمەتتىك سالالاردىڭ ٴبىر ىزگە ٴتۇسىپ، دامۋىنا ٴبىر ۇلكەن سەرپىلىس بەرەتىنى ٴسوزسىز»، - دەدى ول.

سونىمەن قاتار، ساراپشى ەلباسىنىڭ جاستار ساياساتىنا نازار اۋدارۋىن ەرەكشە اتاپ ٴوتتى.

«ەكىنشى ماسەلە – 2019 جىلدى ەلباسى جاستار جىلى دەپ اتادى. سونىڭ ىشىندە «اۋىل – ەل بەسىگى» باعدارلاماسىنىڭ قابىلدانۋىنىڭ بارلىعى قالا مەن اۋىل اراسىنداعى قاتىناستىڭ كاسىبي جولعا قويىلاتىنى. ەڭ ٴبىرىنشى كەزەكتە كاسىبي مامانداردىڭ بىلىكتىلىگىن ارتتىرۋ جانە ولاردىڭ كاسىبي دەڭگەيىنە ساي ەڭ جوعارى جالاقى الۋى. بۇل دا ٴبىر قوعامدا حالىقتىڭ ۇلكەن قولداۋىنا يە بولاتىنى ٴسوزسىز. مەكتەپتەر مەن ۋنيۆەرسيتەتتەردىڭ ٴبىلىم ساپاسىن جاقسارتۋ، باسشىلاردىڭ كاسىبي بىلىكتىلىگىن جەتىلدىرۋ ٴۇشىن اۋەزوۆ تەاترىندا ارنايى كۋرستار اشۋ. جاستاردى قولداۋ بويىنشا مادەنيەت سالاسىندا ٴبىلىم جەتىلدىرۋگە قاتىستى فورۋمدار مەن سەمينارلار جۇيەلى تۇردە باعدارلاما جاساۋدى قاجەت ەتەدى. ٴوز تاراپىمىزدان ٴبىز ەلباسىمىز الدىمىزعا قويعان تۇرمىستىقدى جاقسارتۋ، اسىرەسە، جاس مامانداردىڭ جاعدايىن جاقسارتۋدى كاسىبي تۇرعىدا جالعاستىرامىز»، - دەپ قورىتىندىلادى ماەميروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي