BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى مۇعالىمدەردىڭ جالاقىسىن 30% كوبەيتۋدى تاپسىردى

قر پرەزيدەنتى نۇرسۇلتان نازاربايەۆ قازاقستان حالقىنا ارنالعان ٴداستۇرلى جولداۋىندا جاڭارتىلعان مازمۇنعا كوشكەن مۇعالىمدەردىڭ جالاقىسىن 30 %-عا كويبەيتۋدى تاپسىردى، دەپ حابارلايدى baq.kz ٴتىلشىسى.

«2018 جىلدىڭ 1 قاڭتارىنان باستاپ ٴمۇعالىم مارتەبەسىن ارتتىرۋ ماقساتىمەن ٴبىلىم بەرۋدىڭ جاڭارتىلعان مازمۇنىنا كوشكەن ۇستازداردىڭ لاۋازىمدىق جالاقىسىن 30 %-عا كوبەيتۋدى تاپسىرامىن»، - دەلىنگەن جولداۋدا.

جاڭارتىلعان مازمۇن دەگەنىمىز – حالىقارالىق ستاندارتتارعا ساي كەلەتىن جانە نازاربايەۆ زياتكەرلىك مەكتەپتەرىندە بەيىمدەلۋدەن وتكەن زاماناۋي وقۋ باعدارلامالارى. مۇنداي جاڭاشىلدىق بالالارعا قاجەتتى فۋنكسيونالدىق ساۋاتتىلىق پەن سىني تۇرعىدان ويلاۋ قابىلەتىن دارىتادى.

سونىمەن قاتار ەلباسى 2018 جىلى كاتەگوريالار اراسىنداعى الشاقتىقتى ارتتىرىپ، مۇعالىمدەر ٴۇشىن بىلىكتىلىك دەڭگەيىن ەسكەرەتىن كاتەگوريالاردىڭ جاڭا كەستەسىن ەنگىزۋدى تاپسىردى.

«كاتەگوريالاردى بۇكىل الەمدە قولدانىلىپ جۇرگەن ۇلتتىق بىلىكتىلىك تەست ارقىلى بەرۋ كەرەك. بۇل پەداگوگتاردى وزدەرىن ۇدايى جەتىلدىرۋگە ىنتالاندىراتىن بولادى. ناتيجەسىندە، مۇعالىمدەردىڭ جالاقىسى بىلىكتىلىگىنىڭ راستالۋىنا بايلانىستى تۇتاستاي العاندا 30 %-دان 50 %-عا دەيىن وسەدى. بۇل ٴۇشىن بيىل قوسىمشا 67 ميلليارد تەڭگە ٴبولۋ قاجەت»، - دەلىنگەن قر پرەزيدەنتىنىڭ قازاقستان حالقىنا ارنالعان جىل سايىنعى جولاۋىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي