BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى ٴاربىر جولداۋىندا جاستار ماسەلەسىن نازارىندا ۇستايدى – بەرەكە دۇيسەبەكوۆ

فوتو: Автор

ەلباسىنىڭ قازاقستان حالقىنا جولداۋىن تۇركىستان وبلىسىنىڭ جاستارى ىستىق ىقىلاسپەن، اسقان قۋانىشپەن قارسى الدى. مۇنىڭ ٴبىر دالەلى – تۇركىستان قالاسىندا ق.ا.ياسساۋي اتىنداعى ٴحقتۋ-نىڭ مادەنيەت سارايىنا جينالعان 600-دەن استام قازان جولداۋىن ۇلكەن ەكراننان تىڭدادى. مەملەكەت باسشىسىنىڭ: «كەلەسى جىلدى جاستار جىلى دەپ جاريالاۋدى ۇسىنامىن» دەگەن ٴسوزىن ەستىگەندە، ورىندارىنان تۇرىپ، دۋ قول شاپالاقتادى. بۇل تۋرالى تۇركىستان وبلىستىق "جاستار رەسۋرستىق ورتالىعى" كمم-نىڭ ديرەكتورى بەرەكە دۇيسەبەكوۆ حابارلاپ، قازان جولداۋىنا قاتىستى قولداۋ پىكىرىن ايتىپ بەردى، دەپ جازادى baq.kz ايماقتاعى ٴتىلشىسى.

«جۇما كۇننىڭ جاقسى ٴبىر جاڭالىعى – ەلباسىنىڭ قازاقستان حالقىنا كەزەكتى جولداۋىن ٴبىز ۇلكەن ىقىلاسپەن قابىلداعانىمىزدى جەتكىزگىمىز كەلەدى. جولداۋدى تىكەلەي ەفيردە كورۋگە ۇلكەن زالدا جاستاردىڭ كوشباسشىلارى جينالىپ، ۇلكەن مۇقياتپەن تىڭدادىق. كوپتەگەن وزەكتى ماسەلەلەردى ٴتۇرتىپ الدىق. ەڭ باستىسى – قازان جولداۋىندا ەلباسىنىڭ «2019 جىل – جاستارى جىلى» دەپ جاريالاۋدى ۇسىنعانى جاستارعا ۇلكەن قۋانىش سىيلاعانىمەن ەرەكشە اسەرمەن جەتكىزگىم كەلەدى. ونلاين كورىپ وتىرعان جاستاردىڭ ورنىنان تۇرىپ، شاپالاق ۇرۋىنىڭ ٴوزى وتە اسەرلى ٴساتتىڭ ٴبىرى دەپ ايتۋعا بولادى» - دەگەن بەرەكە دۇيسەبەكوۆ ەلباسىنىڭ ٴاربىر جولداۋىندا جاستاردى ەرەكشە نازاردا ۇستايتىنىن ماقتانىشپەن ايتتى.

وبلىس جاستارىنىڭ كوشباسشىسى بەرەكە دۇيسەبەكوۆتى قازان جولداۋىنان ەرەكشە قۋانتقانى – مۇعالىمدەر مارتەبەسى تۋرالى زاڭ قابىلداناتىنى بولىپتى.

«ەلباسى جاستار ماسەلەسىن ەشقاشان بولەك قالدىرعان ەمەس. ەلدىڭ كەلەشەگى، تاۋەلسىزدىك تۇتقاسىن ارى قاراي ۇستايتىن، ەلباسىنىڭ اۋقىمدى ستراتەگيالىق مەجەلەرىن، ماقساتتارىن ىسكە اسىراتىن دا جاستار ەكەنى داۋسىز. سوندىقتان دا ەلباسى قاشان دا جاستاردىڭ ماسەلەسىنە ەرەكشە نازار اۋدارىپ، ٴاربىر جولداۋىندا جاستارعا ۇلكەن ىقىلاس تانىتادى. كەلەر جىلدىڭ «جاستار جىلى» دەپ جاريالانۋى – وڭىرىمىزدەگى جاستار ساياساتىن تاعى دا ٴبىر ۇلكەن سەرپىن بەرەتىنىنە سەنىپ وتىرمىز. ٴبىزدىڭ وبلىس جاستارىنىڭ پوتەنسيالى وتە جوعارى. ٴبىز قازىرگى تاڭدا ەلباسىنىڭ العا قويىپ وتىرعان ماسەلەلەرىنىڭ بارلىعىن زەردەلەپ، زەرتتەپ، ٴبىرقاتارىن ىسكە اسىرۋدى الدىن باستاپ كەتكەنىمىزدى ايتقىم كەلەدى. بۇگىنگى جولداۋ جاساپ جاتقان جۇمىسىمىزعا، قازىرگى ىسكە اسىرىپ جاتقان جوبالارىمىزعا جاڭا تاعى دا ٴبىر سەرپىن بەرەتىنىنە كوزىمىز جەتىپ وتىر»

ايتا كەتسەك، بۇگىندە تۇركىستان وبلىسىندا 523 402 جاس بار. ياعني، تۇركىستان وبلىسىنىڭ حالىق سانى 1 991 351 ادام بولسا، سونىڭ 26 پايىزىن جاستار قۇرايدى.

«پەداگوگتىڭ بالاسى رەتىندە، وسى ۇستازدار كۇنى مەرەكەسى قارساڭىندا پەداگوگتاردىڭ ەڭبەكاقىسى وسەتىنى دە ەرەكشە قۋانتقان جاڭالىق بولدى. ٴبارىمىز وسى ۇستازداردان تالىم-تاربيە الىپ وستىك. ٴمۇعالىم مارتەبەسىنىڭ قابىلدانۋى، بيۋدجەتتىك مەكەمە قىزمەتكەرلەرىنىڭ ەڭبەكاقىسى كوتەرىلەتىنى - ەقازاقستاندىقتاردىڭ ٴال-اۋقاتىنىڭ وسۋىنە، ونىڭ ۇلكەن تابىستى بولۋىنا تاعى دا ٴبىر سەرپىن بەردى» - دەدى بەرەكە دۇيسەبەكوۆ.

«ەلباسىنىڭ جولداۋى – جاستار ٴۇشىن قاشان دا ٴبىر جولسەرىك ىسپەتتەس» دەپ ايتۋعا بولادى. سەبەبى ەلباسى ٴاربىر جولداۋىندا ناقتى باعىت-باعدارلاردى بەكىتىپ، ناقتى مەجەلەردى بەكىتىپ بەرەدى. ٴبىز جاستار – ەلباسىنىڭ كومانداسى رەتىندە ٴاربىر ايتقان تاپسىرماسىن تولىقتاي جۇزەگە اسىرۋعا ٴوزىمىزدىڭ بار كۇش-جىگەرىمىزدى، ٴبىلىمىمىزدى، بىلىكتىلىگىمىزدى سالا وتىرىپ، ەلباسىنىڭ كوزدەگەن ماقساتتارىنا جەتۋگە ٴوز ۇلەسىمىزدى قوسامىز» - دەگەن بەرەكە دۇيسەبەكوۆتىڭ ايتۋىنشا، تۇركىستان وبلىسىنىڭ جاستارى ەلباسىنىڭ جولداۋىن ٴاردايىم قولدايدى، قۋاتتايدى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي