BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇقارالىق سپورتتى دامىتۋدا كەدەرگى بولماۋى ٴتيىس – ستانەەۆ

فوتو: ашық дереккөзден

كوكشەتاۋ، baq.kz ٴتىلشىسى. ەلباسى حالىققا ارناعان جولداۋىندا ۇكىمەتكە جانە اكىمدەرگە كەم دەگەندە 100 دەنە شىنىقتىرۋ-ساۋىقتىرۋ كەشەنىن سالۋدى تاپسىردى.

قازاقشا كۇرەستەن ەل چەمپيونى لەونيد ستانەەۆ وڭىرلىك دەڭگەيدەگى رەزەرۆتەردى تاۋىپ، بۇقارالىق سپورت پەن دەنە شىنىقتىرۋدىڭ قولجەتىمدىلىگىن ارتتىرۋ سپورتتىڭ دامۋىنا ۇلكەن سەرپىن بەرەتىنىن ايتادى.

«ايتۋلى جولداۋدا سپورتتىڭ دامۋىنا قاتىستى جاقسى ويلار ايتىلدى. ەندى سپورت ٴجاسوسپىرىم شاقتان باستاپ جاستارعا دا، ۇلكەندەرگە دە قولجەتىمدى بولماق. بۇقارالىق سپورتتى دامىتۋ ماقساتىندا قالادا سپورت الاڭدارى كوپتەپ اشىلۋدا. بيىل 15 اۋلا جوندەلىپ، سپورت الاڭى اشىلادى دەپ كۇتىلۋدە. ٴارى بۇل ىسكە جەرگىلىكتى كاسىپكەرلەر دە مويىن بۇرا باستادى. ايتالىق، «گورمولزاۆود» سەرىكتەستىگى وبلىس ورتالىعىندا سپورتتىق ۆوركاۋت الاڭىن ورناتۋدى قولعا الدى. ٴوزىم بالا كەزىمدە اۋلادان شىقپاي-اق ٴۇي ماڭىنداعى بالالار الاڭقايلارىندا سپورتپەن اينالىسۋعا مۇمكىندىك قاراستىرىلعان بولاتىن. بۇل ٴبىزدىڭ قازىرگى كۇنى سپورت سالاسىندا ۇلكەن جەتىستىكتەرگە جەتۋىمىزگە سەبەپشى بولدى. سوندىقتان، مەنىڭ ويىمشا، ەلباسى ايتقانداي، سپورت الاڭدارىن كوبەيتۋ ارقىلى قازاقستاننىڭ سپورت سالاسىن دامىتامىز. بۇقارالىق سپورتتى دامىتۋدا كەدەرگى بولماۋى ٴتيىس»، – دەيدى قازاقشا كۇرەستەن ەل چەمپيونى لەونيد ستانەەۆ.

ونىڭ پايىمداۋىنشا، قولدانىستاعى، اسىرەسە مەكتەپتەردەگى سپورت عيماراتتارىن ٴتيىمدى پايدالانىپ، دەنە شىنىقتىرۋمەن اينالىسۋ ٴۇشىن اۋلالاردى، پاركتەردى، ساياباقتاردى جابدىقتاۋ قاجەت.

«ەگەر ٴار اۋلادا سپورت الاڭدارى بولسا، جاقسى بولۋشى ەدى. ويتكەنى ٴبارى بىردەي سپورت زالدارىنا كەلە بەرمەيدى. سوندىقتان، بالالار ٴوز اۋلاسىندا-اق سەكىرىپ، جۇگىرىپ، سپورتپەن شۇعىلدانا الار ەدى. سونداي-اق كوكشەتاۋدا وقۋشىلار مەن ستۋدەنتتەرگە 50 پايىز جەڭىلدىك جاسالاتىن باسسەين بار. جالپى وبلىستا 2 مىڭعا جۋىق سپورت مەكەمەسى بار. ونىڭ جارتىسىنا جۋىعى ەلدى مەكەندەردە ورنالاسقان. الداعى ۋاقىتتا ولاردىڭ سانى تاعى ۇلعايتىلماق. ەلباسىنىڭ جۇكتەگەن تاپسىرماسى دا وسى – سپورتپەن شۇعىلدانۋ ٴۇشىن بار جاعداي قاراستىرىلۋى كەرەك. بۇقارالىق سپورت – ۇرپاق ساۋلىعىنىڭ كەپىلى»، - دەيدى لەونيد ستانەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي