BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيۋدجەت قىزمەتكەرلەرىنىڭ جاعدايى تۇزەلسە ەلىمىز داميدى - زەينەتكەر

«مەرەيلى وتباسى» ۇلتتىق كونكۋرسىنىڭ الماتى قالالىق كەزەڭىندە جەڭىسكە جەتكەن جۇبانقوزوۆتار وتباسىنىڭ مۇشەسى 73 جاستاعى زەينەتكەر گۇلسارا جانتايەۆا قاراپايىم تۇرعىن رەتىندە قر پرەزيدەنتى نۇرسۇلتان نازاربايەۆتىڭ حالىققا جولداۋىندا ايتىلعان باستامالارى تۋرالى پىكىر ٴبىلدىردى، دەپ حابارلايدى baq.kz ٴتىلشىسى.

«نۇرسۇلتان نازاربايەۆ جىل سايىنعى حالىققا جولداۋىندا مۇعالىمدەر مەن دارىگەرلەردىڭ، قۇقىق قورعاۋ ورگاندارى قىزمەتكەرلەرىنىڭ ەڭبەكتەرىن باعالاپ، ولاردىڭ جالاقىسىن ورتاشا ەسەپپەن 35 پايىزعا كوتەرۋدى تاپسىردى. بۇل باستامانى قولدايمىن. اسىرەسە ۇستازداردى قوعامدىق جۇمىستارعا قاتىستىرماۋدى، ولار تەك ٴبىلىم بەرۋ سالاسىنا عانا زەر سالۋى قاجەت ەكەنىن باسا ايتتى. بۇگىن ىشكى ىستەر ٴمينيسترى قالمۇحانبەت قاسىموۆتان ۇلگى الۋعا شاقىرىپ، پوليسيا قىزمەتكەرلەرىنە ٴتيىستى جاعداي جاساۋ قاجەتتىگى تۋرالى ماسەلە كوتەردى. قۇقىق قورعاۋ قىزمەتى ٴبىزدى قورعاپ وتىر. ولار بولماسا ەلىمىزدە ٴتارتىپ بولمايدى. مىسالى، ادامدار كولىكتى قاتتى ايداپ كەلە جاتقاندا پوليسيانى كورسە دەرەۋ اقىرىن جۇرەدى. ولاردىڭ حالىققا جاساپ وتىرعان ەڭبەگى وتە زور. حالىققا قىزمەت ەتىپ وتىرعان ادامداردىڭ جۇمىسى باعالانۋى ٴتيىس. ولاردىڭ جاعدايى تۇزەلسە ەلدىڭ جاعدايى دا تۇزەلەدى دەگەن ٴسوز»، - دەدى زەينەتكەر.

ەسكە سالا كەتسەك، بۇگىن قازاقستان پرەزيدەنتى نۇرسۇلتان نازاربايەۆ اقوردادا جىل سايىنعى حالىققا جولداۋىن جاريالاعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي