بوجكو: جولداۋداعى مىندەتتەردى ورىنداۋ ٴۇشىن زاڭ جوبالارىن دايىنداۋ قاجەت - جولداۋ|06 قازان 2018، 15:49
كۋرسى ۆاليۋت وبنوۆليايۋتسيا
استانا:

بوجكو: جولداۋداعى مىندەتتەردى ورىنداۋ ٴۇشىن زاڭ جوبالارىن دايىنداۋ قاجەت

فوتو: ult.kz

قر ٴماجىلىسى ٴتوراعاسىنىڭ ورىنباسارى ۆلاديمير بوجكو ەلباسى نۇرسۇلتان نازاربايەۆتىڭ قازاقستان حالقىنا ارناعان كەزەكتى جولداۋداعى مىندەتتەردى ورىنداۋ ٴۇشىن جاڭا زاڭداردى دايىنداپ قابىلداۋ قاجەتتىگىن ايتتى، دەپ حابارلايدى baq.kz ٴتىلشىسى.

الدىمەن دەپۋتات ەلىمىزدە حالىقتىڭ تۇرمىسىن كوتەرۋ ٴۇشىن ٴبىرقاتار جۇمىستار جۇرگىزىلگەنىن اتاپ ٴوتتى.

«بيىل ەڭبەكاقى مەن زەينەتاقىنىڭ كوتەرىلۋىنە كۋا بولدىق. زاڭنامالىق بازانى جەتىلدىرۋگە بەلسەنە قاتىستىق. از قامتىلعان جاندارعا قولداۋ كورسەتۋ ماسەلەلەرى شەشىلدى، جۇمىسپەن قامتۋ، بيزنەستى قولداۋ، جەكە كاسىپكەرلىكپەن اينالىسقىسى كەلەتىن ازاماتتاردى وقىتۋعا ارنالعان «بيزنەس باستاۋ» باعدارلاماسى جۇمىس ىستەپ تۇر»، - دەدى ول ەلوردادا وتكەن «پرەزيدەنت جولداۋىنداعى مىندەتتەردى ىسكە اسىرۋداعى قازاقستان حالقى اسسامبلەياسىنىڭ ورنى مەن ٴرولى» اتتى قحا كەڭەسىنىڭ كەڭەيتىلگەن وتىرىسىندا.

سونىمەن قاتار ۆلاديمير بوجكو جولداۋداعى مىندەتتەردى ورىنداۋ ٴۇشىن ارنايى زاڭ جوبالارىن دايىنداۋ قاجەت ەكەنىن اتاپ ٴوتتى.

دەپۋتاتتىڭ پىكىرىنشە، بۇل جۇمىسقا دەپۋتاتتىق كورپۋستار، ونىڭ ىشىندە قحا اتىنان سايلانعان دەپۋتاتتار بەلسەندى ات سالىسۋى قاجەت.

«جولداۋدا ەلباسى ايتقانداي، تۇرعىن ۇي-كوممۋنالدىق شارۋاشىلىق تۋرالى زاڭ قابىلداۋىمىز كەرەك. سونداي-اق اۋىل شارۋاشىلىعى تۋرالى زاڭعا وزگەرىستەر مەن تولىقتىرۋلار ەنزىگۋ تۋرالى زاڭ جوباسىن ازىرلەپ جاتىرمىز. پرەزيدەنت جولداۋىندا ايتىلعان ەسكەتپەلەردى نازارعا الامىز. ودان بولەك، دەپۋتاتتىق توپتىڭ الدىندا ٴۇشجىلدىق بيۋدجەتتى قابىلداۋ مىندەتى تۇر. ەڭ باستىسى 2019 جىلعا ارنالعان بيۋدجەت تۋرالى زاڭدى قاراۋ. پرەزيدەنت جولداۋىنان كەيىنگى بارلىق وزگەرىستەردى كەلەسى جىلدىڭ بيۋدجەتىنە ارنالعان زاڭ جوباسىنا ەنگىزۋىمىز كەرەك»، - دەپ تۇيىندەدى ٴسوزىن بوجكو.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي