BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىلعى جولداۋ بۇرىنعىدان وزگەشە – دەپۋتات

كەشە ەلباسى حالىققا جولداۋىندا باقىتتى ٴومىر ٴسۇرۋ ٴۇشىن بالالارعا جاقسى تاربيە، ساپالى ٴبىلىم بەرۋ كەرەكتىگىن باسا ايتتى. بۇل تۋرالى قر پارلامەنتى ٴماجىلىسىنىڭ دەپۋتاتى شايماردان نۇرۋموۆ ەلباسىنىڭ جولداۋى بويىنشا الماتىدا وتكەن قازاقستان ۇيعىرلارىنىڭ رەسپۋبليكالىق مادەنيەت ورتالىعى باسقارما مۇشەلەرىنىڭ كەڭەيتىلگەن جيىنىندا ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

قازاقستان حالىقتارى اسسامبلەياسى كەڭەسىنىڭ مۇشەسى ٴارى قازاقستان ۇيعىرلارىنىڭ رەسپۋبليكالىق مادەنيەت ورتالىعى باسقارماسىنىڭ ٴتوراعاسى ش. نۇرۋموۆ ەلباسىنىڭ بيىلعى جولداۋى وزگەشە فورماتتا وتكەنىن ايتىپ ٴوتتى.

«كەشەگى جولداۋ اشىق اڭگىمەلەسۋ تۇرىندە ٴوتتى، مينيستر، دەپاتاتتارعا سۇراق قويىپ، جاۋاپالىپ وتىردى. تاريحي ۇلكەن شارا بولدى دەسە بولادى. قازاقستاننىڭ تۇكپىر-تۇكپىرىندەگى اكىمدەر ٴبارى تىكەلەي كورىپ وتىردى. ٴاربىر ٴمينيستردى ورىنان تۇرعىزىپ، سۇراق قويىپ، حالىقتىڭ الدىندا جاۋاپ الدى. ەلباسى باسىنان-اق بۇل جولداۋدىڭ حالىقتىڭ تۇرمىسىن جاقسارتۋعا، ٴومىر ساپاسىن ارتتىرۋعا باعىتتالعانىن ايتتى. باقىتتى ٴومىر ٴسۇرۋ ٴۇشىن بالالارعا جاقسى تاربيە، ساپالى ٴبىلىم بەرۋ كەرەكتىگىن جەتكىزدى»، -دەيدى ش. نۇرۋموۆ.

سونىمەن قاتار ول، قازاقستاننىڭ الدىندا دامىعان 30 قاتارىنا كىرۋ مىندەتى تۇرعانىن، جالپى ەلدىڭ ٴال-اۋحاتىن كوتەرۋ ماقساتىندا ۇلكەن جۇمىستار جاسالىپ جاتقانىن ايتىپ ٴوتتى.

«ٴقازىر ەلىمىزدە تۇرىپ جاتقان بارلىق ۇلت ەتنوستارىنىڭ ورتاق ٴبىلىم الىپ، تىلدەرىن، مادەنيەتىن دامىتۋىنا جاعدايلار جاسالىپ جاتىر. بۇرىن كسرو تۇسىندا قازاقستاندى ەشكىم بىلە بەرمەيتىن، ٴقازىر قازاقستاندى بىلمەيتىن ەل جوق. ونىڭ بارلىعى ەلباسىنىڭ سارابدال ساياساتى مەن ەلىمىزدى وركەندەتۋ جولىندا اتقارعان ەڭبەگى دەپ بىلەمىن»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي