بەردىبەك ساپاربايەۆ: پرەزيدەنت جولداۋى قازاقستاندىقتار ٴۇشىن جاڭا مۇمكىندىكتەرگە جول اشادى - جولداۋ|07 قازان 2018، 14:24
كۋرسى ۆاليۋت وبنوۆليايۋتسيا
استانا:

بەردىبەك ساپاربايەۆ: پرەزيدەنت جولداۋى قازاقستاندىقتار ٴۇشىن جاڭا مۇمكىندىكتەرگە جول اشادى

اقتوبە وبلىسىنىڭ اكىمدىگىندە مەملەكەت باسشىسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى ەرەجەلەرىن تۇسىندىرۋگە جانە جۇزەگە اسىرۋ جولدارىن تالقىلاۋعا ارنالعان وبلىس اكتيۆى ٴوتتى، دەپ حابارلايدى baq.kz اقپارات اگەنتتىگى.

شاراعا وبلىس باسشىلىعى، وبلىستىق جانە قالالىق ٴماسليحات دەپۋتاتتارى، مەملەكەتتىك ورگاندار مەن مەكەمەلەردىڭ، قوعامدىق بىرلەستىكتەردىڭ باسشىلارى، كاسىپكەرلەر جانە ت.ب. قاتىستى. بارلىعى مىڭنان اسا ادام.

"پرەزيدەنت جولداۋى ەكونوميكا ٴوسىمى مەن قازاقستاندىقتاردىڭ تۇرمىسى جاقسارۋىن قامتاماسىز ەتەتىن اۋقىمدى الەۋمەتتىك-ەكونوميكالىق جوبالاردى جۇزەگە اسىرۋ ٴۇشىن جاڭا مۇمكىندىكتەرگە جول اشتى. ٴبىزدىڭ مىندەتىمىز – مەملەكەت باسشىسى باستامالارىنىڭ تولىق، ۋاقىتىلى جانە ساپالى جۇزەگە اسىرىلۋىن قامتاماسىز ەتۋ"، - دەپ اتاپ ٴوتتى جيىندى اشقان وبلىس اكىمى بەردىبەك ساپاربايەۆ.

اكتيۆ كەزىندە وبلىس اكىمى ستراتەگيالىق قۇجاتتىڭ نەگىزگى باسىمدىقتارى مەن مەملەكەت باسشىسى قويعان اۋقىمدى مىندەتتەردىڭ جۇزەگە اسىرىلۋ جولدارىن سيپاتتاپ بەردى.

بەردىبەك ساپاربايەۆ مالىمدەگەندەي، الدىن الا مالىمەتتەر بويىنشا 35 مىڭ اقتوبەلىكتىڭ، سونىڭ ىشىندە 20 بيۋدجەتتىك سالا قىزمەتكەرلەرىنىڭ ەڭبەكاقىسى پرەزيدەنتتىڭ ەڭ از ەڭبەكاقى مولشەرىن 28 مىڭنان 42 مىڭ تەڭگەگە دەيىن ٴوسىرۋ تۋرالى باستاماسى اياسىندا كوتەرىلەتىن بولادى.

"بارلىق كاسىپورىنداردا، ۇيىمدار مەن مەكەمەلەردە جەكەمەنشىك تۇرىنە قاراماستان 2019 جىلعى 1 قاڭتاردان باستاپ ەڭبەكاقىنى ٴوسىرۋ شارالارى قابىلدانۋ كەرەك"، - دەپ اتاپ ٴوتتى وبلىس اكىمى.

بەردىبەك ساپاربايەۆ «بيزنەستىڭ جول كارتاسى-2020» باعدارلاماسىنىڭ ارەكەت ەتۋىن تاعى بەس جىلعا سوزۋ جايىندا ايتا وتىرا 2019 جىلدان باستاپ اتالمىش باعدارلاما بويىنشا قارجىلاندىرۋ تەك اقتوبە وبلىسىنىڭ وزىندە جىل سايىن شامامەن 2،5 ملرد تەڭگەگە ارتاتىننىن مالىمدەدى. اتالعان شارا بيزنەستەگى كەدەرگىلەردى ٴارى قاراي جويۋدا، ٴشوب-تى دامىتۋدا ەداۋىر دەمەۋ بولىپ، ٴوڭىر ەكونوميكاسىن نىعايتادى جانە وسىرەدى.

"پرەزيدەنت تاپسىرماسى بويىنشا وڭىردە تكش مەن تابيعي مونوپوليالار قىزمەتىنە تاريف بەلگىلەۋدىڭ اشىقتىعىن قامتاماسىز ەتۋ جۇمىستارىن كۇشەيتۋ قاجەت. تۇتىنۋشىلار قاراجاتتارىنىڭ قايدا جۇمسالىپ جاتقانىن ناقتى بىلۋلەرى كەرەك. بۇدان باسقا، مونوپوليستەر وزدەرىنە باستاماشىل مىندەتتەردى الا وتىرا، ولاردى ٴتاريفتىڭ ينۆەستيسيالىق شىعىندارىن قوسا تۇتىنۋشىلاردىڭ مويىندارىنا ىلەدى. مۇنداي تاجىريبە توقتاتىلۋى ٴتيىس"، - دەپ تاپسىردى وبلىس اكىمى.

ول سونداي-اق، وبلىس مەملەكەت باسشىسىنىڭ ەكسپورت الەۋەتىن كوتەرۋ، كولىكتىك-لوگيستيكالىق سەكتوردى، ٴتۋريزمدى، اگروونەركاسىپ كەشەنىن دامىتۋ، باعانىڭ نەگىزسىز كوتەرىلۋى مەن ينفلياسياعا جول بەرمەۋ، مۇعالىمدەردىڭ مارتەبەسى مەن ٴبىلىم بەرۋ، مەديسينالىق قىزمەت كورسەتۋ ساپاسىن ارتتىرۋ، دەنساۋلىق ساقتاۋ سالاسىن سيفرلاندىرۋ، بۇقارالىق سپورتتى دامىتۋ، ەلدى مەكەندەردى اباتتاندىرۋ، حالىقتى ساپاسىز ٴارى ادام دەنساۋلىعى مەن ومىرىنە زيان تاۋارلار مەن قىزمەتتەردەن قورعاۋ جانە ت.ب. تۋرالى تاپسىرمالارىن ورىنداۋ ٴۇشىن بار كۇشىن سالاتىنىن اتاپ ٴوتتى.

"پرەزيدەنتتىڭ قازىرگى جولداۋداعى باستامالارى الدىنداعىلار سەكىلدى ٴبىزدىڭ ازاماتتاردىڭ باسپانالى بولۋ مۇمكىندىگىن كەڭەيتۋگە باعىتتالعان. «7-20-25» باعدارلاماسى اياسىندا ٴبىزدىڭ وبلىستا باستاپقى جارنانى بيۋدجەتتىڭ 2 ملرد تەڭگە كولەمىندەگى سۋبسيدياسى ەسەبىنەن 10 پايىزعا دەيىن تومەندەتۋ شەشىمى قابىلداندى. وبلىس اكىمدىگىنە سۋبسيديا بەرۋ مەحانيزمىن ازىرلەۋدى جىلدامداتۋدى جانە پروسەستى ورىنداۋعا كوشۋدى تاپسىرامىن"، - دەدى بەردىبەك ساپاربايەۆ.

وبلىس اكىمى سونداي-اق، بارلىق مەملەكەتتىك قىزمەتكەرلەردى تۇرعىندارمەن كەرى بايلانىستى كۇشەيتۋگە، فورماليزم مەن بيۋروكراتيزمدى تومەندەتۋگە شاقىردى، مەملەكەتتىك قىزمەتكەرلەردىڭ تۇرعىندارمەن تىكەلەي بايلانىسىن مەملەكەتتىك قىزمەتتەردى ەلەكتروندى فورماتقا كوشىرۋ ەسەبىنەن تومەندەتۋ قاجەتتىگىن اتاپ ٴوتتى.

پرەزيدەنتتىڭ تاپسىرماسى بويىنشا 2019 جىلى مەملەكەتتىك قىزمەتتەردىڭ 80%-ى، 2020 جىلى كەم دەگەندە 90%-ى ەلەكتروندى فورماتتقا كوشىرىلۋلەرى ٴتيىس. بۇگىندە اقتوبە وبلىسىندا مەملەكەتتىك قىزمەتتەردىڭ 85%-ى ەلەكتروندى فورماتتا كورسەتىلەدى.

"ەلباسى بيىلعى جولداۋىندا جاستارعا ۇلكەن كوڭىل ٴبولىپ وتىر. ەلدىڭ بولاشاعى ولارعا بەرىلگەن تاربيەگە بايلانىستى. بۇگىننىڭ وزىندە جاستارمەن جۇمىس جاسايتىن مەملەكەتتىك ورگاندار پرەزيدەنتتىڭ جاستار جىلى دەپ جاريالاۋى اياسىنداعى ٴىس-شارالاردىڭ جوسپارىن ازىرلەۋگە كىرىسۋ كەرەك. جالپپى، پرەزيدەنت جولداۋىنداعى مىندەتتەردى جۇزەگە اسىرۋعا ٴبىر جارىم ترلن تەڭگە اۋدارىلادى. بۇل - قازاقستاندىقتاردىڭ ٴال-اۋقاتىن ارتتىرۋعا بارىنشا ٴتيىمدى جۇمساۋىمىزدى قاجەت ەتەتىن ۇلكەن قاراجات"، - دەپ اتاپ ٴوتتى كەزدەسۋدىڭ قورىتىندىسى بويىنشا بەردىبەك ساپاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي