BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باۋىرجان سەرىكوۆ: ٴبىز نازاربايەۆ زياتكەرلىك مەكتەپتەرىنىڭ تاجىريبەسىمەن بولىسۋگە ٴازىرمىز

استانا، baq.kz. وسىدان 10 جىل بۇرىن ەلباسى نۇرسۇلتان ٴابىش ۇلىنىڭ باستاماسىمەن «نازاربايەۆ زياتكەرلىك مەكتەپتەرى» دەربەس ٴبىلىم بەرۋ ۇيىمى قۇرىلدى. وسى ۋاقىت ارالىعىندا قازاقتىننىڭ تۇكپىر-تۇكپىرىندە الەمدىك وزىق تاجىريبەنى ىرگەتاس ەتكەن 20 ٴبىلىم ورداسى اشىلدى.

ۇلت كوشباسشىسى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋىندا اتالعان ٴبىلىم جۇيەسىن ەلىمىزدىڭ بارلىق مەكتەپتەرىنە ەنگىزۋ قاجەتتىگىن ايتتى. استانا قالاسىنداعى نازاربايەۆ زياتكەرلىك مەكتەبىنىڭ ديرەكتورى باۋىرجان سەرىكوۆ دەربەس ٴبىلىم بەرۋ ۇيىمىنىڭ ۇجىمى 10 جىلدا جيناقتالعان تاجىريبەمەن بارلىق پەداگوگتار قاۋىمىمەن بولىسۋگە ٴازىر ەكەندىگىن جەتكىزدى.

«ەلباسى بيىلعى جولداۋىندا ٴبىلىم بەرۋ سالاسىنا، ونىڭ ىشىندە مۇعالىمدەردىڭ ستاتۋسىنا باسا ٴمان بەردى. «پەداگوگ مارتەبەسى تۋرالى» زاڭدى ازىرلەۋ جانە قابىلداۋ ارقىلى ٴبىز ۇلكەن جەتىستىككە قادام باسامىز دەپ ويلايمىن. ويتكەنى الەمدەگى ەكونوميكاسى، ساياسي-الەۋمەتتىك سالاسى مىقتى مەملەكەتتەردىڭ كوبىندە پەداگوگتاردىڭ ستاتۋسى وتە جوعارى. ٴمۇعالىم رەتىندە، وسىعان كەلگەنىمىزگە وتە قۋانىشتىمىن. ٴبىرىنشى كەزەكتە كەز كەلگەن مەملەكەتتە مىقتى ەكونوميكا، مىقتى بيزنەس بولۋ كەرەك. ونىڭ بارلىعى پەداگوگتان كەلەدى. ياعني، ٴبىلىمنىڭ ارقاسىندا. پەداگوگ ول باسقا مامانداردىڭ بارلىعىن دايارلايتىن مامان. سوندىقتان، ٴمۇعالىم – باستى ماماندىق دەپ ويلايمىن. ونىڭ مارتەبەسى جوعارى بولسا، باسقالارىنىڭ ساپاسى ارتىپ، باسەكەگە قابىلەتتى ۇرپاق قالىپتاستىرۋعا سەپتىگىن تيگىزەرى انىق. 10 جىلدا جينالعان تاجىريبە وتە مول. ونىمەن وزگەلەرمەن بولىسۋگە ٴبىز دايىنبىز. ەلباسى بيىلعى جولداۋىندا نازاربايەۆ زياتكەرلىك مەكتەپتەرىنىڭ وقۋ جۇيەسى مەن ادىستەمەسىن مەملەكەتتىك مەكتەپتەردە ٴبىرىڭعاي ستاندارتقا اينالدىرۋدى تاپسىردى. بۇل – ٴبىلىم بەرۋ سالاسىندا جۇزەگە اسىرىلىپ جاتقان رەفورمانىڭ قورىتىندى كەزەڭى دەپ ويلايمىن»، - دەدى باۋىرجان سەرىك ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي