BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتالوۆ: بيىل قانت قىزىلشاسىن رەكوردتىق دەڭگەيدە جينايمىز

تالدىقورعان، baq.kz. قر مادەنيەت جانە سپورت ٴمينيسترى ارىستانبەك مۇحامەدي ۇلى مەملەكەت باسشىسى جولداۋىنىڭ نەگىزگى باعىتتارىن ٴتۇسىندىرۋ ماقساتىندا الماتى وبلىسىنا باردى.

مينيستر تالدىقورعانداعى سالتانات سارايىندا وبلىس اكىمى اماندىق باتالوۆ باستاعان وبلىس اكتيۆىمەن، xviii ازيا ويىندارى مەن iii پارازيا ويىندارىنىڭ جۇلدەگەرلەرىمەن كەزدەسىپ، جولداۋدا قويىلعان مىندەتتەردى تالقىلادى.

"تومەنگى جالاقىنى ٴوسىرۋ، قولجەتىمدى باسپانا قۇرىلىسىن دامىتۋ، پەداگوگتاردىڭ مارتەبەسى تۋرالى زاڭ دايىنداۋ مەن قابىلداۋ، وزىق تەحنولوگيامەن جابدىقتالعان ونكولوگيالىق ورتالىق اشۋ، بارلىق مەكتەپتەردى بەينەباقىلاۋ كامەرالارىمەن 100 % جابدىقتاۋ، دەنە شىنىقتىرۋ-ساۋىقتىرۋ كەشەندەرىن جاپپاي سالۋ. جولداۋدا اتاپ كورسەتىلگەن وسى جانە وزگە دە تاپسىرمالار حالىقتىڭ تۇرمىس جاعدايىن كوتەرۋگە، ٴومىر ساپاسىن جاقسارتۋعا باعىتتالعان. جولداۋ الماتى وبلىسىنىڭ ودان ٴارى وركەندەۋىنە مول مۇمكىندىك بەرىپ وتىر. سونىڭ ىشىندە مادەنيەت، تۋريزم، سپورت سالالارىن دا ەرەكشە اتاپ وتۋگە بولادى. ٴبىر عانا الاكولدىڭ وزىندە بيىلعى جىلى ميلليوننان استام تۋريست دەمالدى. وبلىستا دەنە شىنىقتىرۋ-ساۋىقتىرۋ كەشەندەرى سالىنىپ جاتىر. بۇل جۇمىسقا وڭىردەگى مەسەناتتار دا بەلسەنە قاتىسۋعا كىرىستى. الگىندە ٴوزىم كۋا بولعان وسىنداعى جاڭا تەاتر – كوركەمدىك ديزاينى، اكۋستيكالىق مۇمكىندىكتەرى زور وتە ەرەكشە عيمارات. مۇنداي تەاتردىڭ اشىلۋى – اسا ماڭىزدى مادەني وقيعا. بۇگىنگى ٴساتتى پايدالانا وتىرىپ، وبلىس باسشىلىعىمەن بىرلەسە جۇمىس ىستەپ، بارلىق باعىتتا الدىڭعى قاتاردان كورىنىپ كەلە جاتقان ٴوڭىر حالقىنا ريزاشىلىعىمدى بىلدىرەمىن"، - دەدى ا. مۇحامادي ۇلى.

كەزدەسۋ بارىسىندا «جەتىسۋ» تەلەارناسىنىڭ ديرەكتورى بەيسەن قۇرانبەك ٴسوز الىپ، ٴوڭىر جۋرناليستەرىنىڭ دە ەلباسى جولداۋىن تۇسىندىرۋگە بەلسەنە كىرىسكەندەرىن اتاپ ٴوتتى. ٴوز كەزەگىندە وليمپيادالىق رەزەرۆتەر دايىنداۋ ورتالىعىنىڭ ديرەكتورى، ەركىن كۇرەستەن وليمپيادا چەمپيونى، قازاقستاننىڭ سپورت شەبەرى ماۋلەن مامىروۆ سپورت سالاسىنا كورسەتىلىپ وتىرعان مەملەكەت قولداۋىنا ريزاشىلىعىن ايتىپ، وبلىس سپورتشىلارىنىڭ ەل سپورتىن دامىتۋعا قوسقان ۇلەستەرىنە دە توقتالىپ ٴوتتى.

جيىندى قورىتىندىلاعان وبلىس اكىمى اماندىق باتالوۆ جولداۋدى جۇزەگە اسىرۋ ماقساتىندا وڭىردە اتالمىش قۇجاتتا كورسەتىلگەن بارلىق باعىتتار قامتىلعان جوسپار ازىرلەنىپ، ونى ورىنداۋ شارالارى اتقارىلىپ جاتقانىن تىلگە يەك ەتتى.

"جولداۋدىڭ نەگىزگى كوتەرەر جۇگى – قازاقستاندىقتاردىڭ ٴال-اۋقاتىن ارتتىرۋ، تۇرمىس ساپاسىن جاقسارتۋ. سوندىقتان ەلباسى تاراپىنان بەرىلگەن ناقتى تاپسىرمالاردى باسشىلىققا الىپ جۇمىس ىستەيمىز. ەڭ الدىمەن، جاڭا جۇمىس ورىندارىن اشۋ، بار كاسىپورىنداردى جاڭعىرتۋدان وتكىزۋ، جاڭا كاسىپورىندار قۇرۋعا ەكپىن ٴتۇسىرۋىمىز كەرەك. ماسەلەن، وبلىستا ٴبىز شارۋالارعا ساپالى تۇقىم بەرۋدەن باستاپ ۇزاق جىلدار توقتاپ تۇرعان قانت زاۋىتتارىن قالپىنا كەلتىرۋگە دەيىنگى قانت كلاستەرىن قۇردىق. ەكىنشى كەزەڭدە وسى زاۋىتتاردى جاڭعىرتىپ، سونىڭ ناتيجەسىندە شىعىندى ازايتا وتىرىپ، الىنعان ٴونىمنىڭ ساپاسىن ارتتىردىق. بيىلعى جىلى 400-450 مىڭ توننا قانت قىزىلشاسىن وڭدەيمىز دەپ وتىرمىز. بۇل – رەكوردتىق ٴونىم. وعان قوسا باسقا دا داقىلدارعا كوڭىل ٴبولىپ كەلەمىز. بيىلعى جىلى رايىمبەك اۋدانىندا اتقارىلعان جۇمىستاردىڭ ارقاسىندا ٴبىر گەكتاردان 500 سەنتنەر كارتوپ الدىق، ال وبلىس بويىنشا جالپى ٴونىم ٴار گەكتارىنان 180 سەنتنەردەن اينالدى. ٴومىر ٴسۇرۋدىڭ قولايلىلىعى مەن قاۋىپسىزدىگى دە باستى نازاردا. تالدىقورعان قالاسىنىڭ وزىندە 20-دان استام بەينەكامەرا ورناتىلدى، ال وسىدان 4 جىل بۇرىن ولاردىڭ سانى نەبارى 24 ەدى. بۇل جۇمىس وبلىستىڭ باسقا وڭىرلەرىندە دە جۇرگىزىلىپ جاتىر. 2 جىلدىڭ ىشىندە تۇرعىن ۇيمەن بىرىكتىرىلگەن 100 ۋچاسكەلىك پوليسيا پۋنكتىن سالدىق. مۇنداي نىسانداردىڭ قۇرىلىسى ٴالى دە جالعاسادى. تۇرعىن ۇيلەردىڭ اۋلالارىن اباتتاندىرۋدى دا ۇمىت قالدىرعان جوقپىز. ٴبىر عانا قاپشاعاي قالاسىندا بۇل ماقساتقا 670 ملن. تەڭگە ٴبولىنىپ وتىر. وسىلايشا ٴبىز ەل پرەزيدەنتى ٴوز جولداۋىندا اتاپ كورسەتكەن حالىقتىڭ تۇرمىس جاعدايىن جاقسارتۋ شارالارىن جالعاستىراتىن بولامىز"، - دەدى ا. باتالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي