BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ازىق-تۇلىكتى شەتەلدەن تاسۋدى دوعاراتىن كەز كەلدى – عالىم

فوتو: Автор

ەلباسىنىڭ قازاقستان حالقىنا ارناعان بيىلعى جولداۋىندا اۋىل شارۋاشىلىعىن وركەندەتۋگە قاتىستى تاپسىرمالارى تۇركىستان وبلىسىنىڭ شارۋالارىن دا اگروسالا ماماندارىن دا قۋانتتى. «ەلباسىنىڭ قازان جولداۋىندا ەل الەۋەتىن كوتەرۋگە باعىتتالعان باستامالار ايتىلدى" دەگەن اۋىل شارۋاشىلىعى عىلىمىنىڭ دوكتورى يبادۋللا ۇمبەتايەۆ جولداۋداعى اۋىل شارۋاشىلىعىن، كاسىپكەرلىكتى دامىتۋ جونىندەگى ماسەلەلەردىڭ قالاي اسەر ەتكەنىن ايتىپ بەردى، دەپ حابارلايدى ايماقتاعى baq.kz ٴتىلشىسى.

«مەملەكەت باسشىسى وڭدەۋ ونەركاسىبىنە نازار اۋدارۋ كەرەكتىگىن ايتتى. شىنىندا دا ەلىمىزدە جەر دە، جۇمىس كۇشى دە، تابيعي بايلىق تا بار. اۋىل شارۋاشىلىعىن دامىتۋعا بارلىق مۇمكىندىكتەر قاراستىرىلعان. ەندەشە نەگە ٴوز ەلىمىزدى وتاندىق ونىممەن تولىق قامتاماسىز ەتپەسكە؟ نەگە ازىق-تۇلىكتى شەتەلدەن تاسىمالدايمىز؟ ٴوزىمىزدىڭ ديقاندار وسىرگەن ٴونىمدى تەرەڭ وڭدەپ، زامان تالابىنا ساي ەتىپ شىعارۋعا كوشەتىن كەز جەتتى. وڭدەۋ ونەركاسىبى دامىسا جۇمىس ورىندارى كوبەيىپ، قازاقستاننىڭ ەكپورتتىق الەۋەتى كوتەرىلەتىن ەدى. دەمەك، ەلباسى كوتەرگەن وسى ماسەلەگە تۇبەگەيلى بەت بۇرىپ، ناقتى ىسكە كوشۋ كەرەك. اسىرەسە، تۇركىستان وبلىسى اۋىل شارۋاشىلىعىن دامىتۋ ارقىلى بيىك بەلەستەردى باعىندىراتىنىنا سەنەمىن" - دەدى ۇمبەتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي