BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇماعاليەۆ جولداۋدىڭ ورىندالۋ بارىسىن تالقىلاۋعا اتىراۋعا باردى

فوتو: Әкімдіктің баспасөз қызметі

استانا، baq.kz. اسقار جۇماعاليەۆ ەلباسىنىڭ جىل سايىنعى جولداۋىنىڭ ورىندالۋى بارىسىن تالقىلاۋ ٴۇشىن اتىراۋ وبلىسى اكىمىمەن كەزدەستى.

اسقار جۇماعاليەۆ جولداۋ بولىمدەرىنە جەكە توقتالدى جانە ولاردى جۇزەگە اسىرۋ جونىندەگى شارالار تۋرالى باياندادى.

ۆيسە-پرەمەر جاستاردىڭ نازارىن ٴبىلىم بەرۋ جانە يننوۆاسيالاردى دامىتۋ سالاسىنداعى مۇمكىندىكتەرگە اۋداردى جانە ولاردى مەملەكەت بارىنشا قولايلى جاعداي جاساعان كەزدە بەلسەندى بولىپ، ٴوز مۇمكىندىكتەرىن پايدالانۋعا شاقىردى.

"قۇرمەتتى اتىراۋ قالاسىنىڭ تۇرعىندارى، ەلباسى اتاپ وتكەندەي ٴومىر ٴسۇرۋ دەڭگەيىن ارتتىرىپ، قازاقستاندىقتاردىڭ جاعدايىن جاقسارتۋ جولىندا جاڭا جەتىستىكتەردى قولدانامىز. ول ٴۇشىن ٴبىز بىرگە جۇمىس جاساۋىمىز كەرەك"،- دەدى ۆيسە-پرەمەر.

اتىراۋ وبلىسىنىڭ اكىمى نۇرلان نوعايەۆ ٴوڭىر تۇرعىندارى ەلباسى جولداۋىندا كورسەتىلگەن مىندەتتەردى جۇزەگە اسىرۋ ٴۇشىن بار كۇش-جىگەرىن جۇمساۋعا دايىن ەكەنىن اتاپ ٴوتتى.

جۇمىس ساپارى بارىسىندا پرەمەر-مينيستردىڭ ورىنباسارى اسقار جۇماعاليەۆ «سيفرلىق قازاقستان» باعدارلاماسى بويىنشا جۇزەگە اسىرىلعان ٴبىرقاتار جوبامەن تانىستى. سونىمەن قاتار، «باتىس ترانزيت» جشس-دا اتىراۋ قالاسىنداعى جانە قالا ماڭىنداعى اۋىلدىق وكرۋگتەردە كوشەلەردى جارىقتاندىرۋدى جاڭعىرتۋدان تۇراتىن «اقىلدى» جارىقتاندىرۋدى ەنگىزۋ بويىنشا جوبانى ىسكە اسىرۋ بارىسىمەن تانىستى.

اسقار جۇماعاليەۆ اتىراۋلىق «ٴبىلىم-يننوۆاسيا» ليسەيىندە بولىپ، edupage ەلەكتروندى جۋرنالى، سيفرلىق كىتاپحانا، سيفرلىق ٴبىلىم بەرۋ رەسۋرستارى، سونداي-اق وقۋ ۇدەرىسىن سيفرلاندىرۋ شەڭبەرىندە جۇرگىزىلگەن جۇمىستارمەن تانىستى.

وبلىستىڭ ورتا ٴبىلىم بەرۋ مەكەمەلەرىندە «سيفرلىق قازاقستان» مەملەكەتتىك باعدارلاماسىن جۇزەگە اسىرۋ بويىنشا اۋقىمدى جۇمىس جۇرگىزىلۋدە. اتاپ ايتقاندا، 12 وبلىستىق كوللەدج اۆتوماتتاندىرىلعان جۇيەگە قوسىلعان. كەلەسى جىلى «ٴقاۋىپسىز مەكتەپ» جۇيەسىن ەنگىزۋ جوسپارلانۋدا، ستۋدەنتتەردى مەكتەپكە قابىلداۋدى اۆتوماتتاندىرۋ ٴۇشىن جۇمىس جۇرگىزىلۋدە. قازىرگى كەزدە 183 مەكتەپ ەلەكتروندى جۋرنال مەن كۇندەلىك جۇيەسىنە قوسىلعان، 163 بالاباقشا جولداما بەرۋدىڭ اۆتوماتتاندىرىلعان جۇيەسىنە اۋىستى.

سودان سوڭ قر پرەمەر-مينيسترىنىڭ ورىنباسارى اسقار جۇماعاليەۆ №3 قالالىق ەمحانادا بولىپ قايتتى. ول اقپاراتتىق-اناليتيكالىق جۇيەنىڭ فۋنكسيونالدىلىعىمەن، ەمحانالارداعى ەلەكتروندى كەزەكپەن، دەنساۋلىق ساقتاۋ سەكتورىن سيفرلاندىرۋ ۇدەرىسىمەن تانىستى، سونداي-اق ٴموبيلدى قوسىمشالارعا قولجەتىمدىلىكتى تەكسەردى.

ول سيفرلاندىرۋ مەديسينا قىزمەتكەرلەرى مەن مەديسينا ۇيىمدارى اراسىندا اقپارات الماسۋعا جاقسى قولداۋ كورسەتىپ وتىرعانىن اتاپ ٴوتتى. دەنساۋلىق ساقتاۋ باسقارماسىنىڭ مالىمەتىنشە، قازىرگى ۋاقىتتا وبلىستىڭ 34 مەديسينالىق ۇيىمىندا 15 مىڭنان استام ادام قولداناتىن ٴموبيلدى قوسىمشا بار.

ساپاردىڭ سوڭىندا پرەمەر-مينيستردىڭ ورىنباسارى «ەمبىمۇنايگاز» اق باس كەڭسەسىندە بولدى، وندا «عالامدىق ينتەللەكتۋالدى الاڭ» پيلوتتىق جوباسىن تالقىلاۋعا قاتىستى.

ساپاردىڭ سوڭىندا اسقار جۇماعاليەۆ جاۋاپتى تۇلعالارعا ٴبىرقاتار ناقتى تاپسىرمالار بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي