BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اشىمبايەۆ: قالا ٴۇشىن جوسپارلانعان 3 مىڭ ادامنىڭ 1 مىڭىنا عانا شاعىن نەسيە بەرىلگەن

استانا، baq.kz. «نۇر وتان» پارتياسىنىڭ ورتالىق اپپاراتىندا ەلباسىنىڭ جولداۋى مەن بەس الەۋمەتتىك باستامانىڭ جۇزەگە اسىرىلۋ بارىسىنا ارنالعان جيىن ٴوتتى.

وندا قاتىسۋشىلار اتالعان ەكى قۇجات بويىنشا اتقارىلعان جۇمىستارعا توقتالىپ، شەشۋدى قاجەت ەتەتىن كەيبىر ماسەلەلەرگە نازار اۋداردى. سونداي-اق ٴىس-شارادا پارتيالىق باقىلاۋ جۇمىسىنىڭ ٴتيىمدى تەتىكتەرى دە ٴسوز بولدى.

جيىنعا پارتيا ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ، ۇلتتىق ەكونوميكا ٴمينيسترى تيمۋر سۇلەيمەنوۆ، پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋ بارىسىن باقىلاۋ جونىندەگى قوعامدىق كەڭەستىڭ ٴتوراعاسى، پارلامەنت سەناتىنىڭ دەپۋتاتى باقىتجان جۇماعۇلوۆ، پارتيانىڭ پارلامەنت ماجىلىسىندەگى فراكسياسىنىڭ باسشىلىعى، پارتيالىق كۋراتورلار جانە ماجىلىستەگى پارتيا فراكسياسى جانىنداعى كونسۋلتاتيۆتى-كەڭەستىك ورگانداردىڭ باسشىلارى قاتىستى. ودان بولەك، بۇل باسقوسۋعا بەينەكونفەرەنس بايلانىسى ارقىلى بارلىق ٴوڭىردىڭ وكىلدەرى دە قوسىلدى.

وتىرىستى اشقان ماۋلەن اشىمبايەۆ مەملەكەت باسشىسىنىڭ 5 قازانداعى جولداۋى ەلىمىزدىڭ الەۋمەتتىك جاڭعىرۋىنىڭ نەگىزىن قالاپ، الداعى باسىم باعىتتاردى ايقىنداپ بەرگەنىن ايتتى. سونداي-اق ول ەلباسىنىڭ جالاقىنى كوتەرىپ، شاعىن جانە ورتا بيزنەستى دامىتۋ ارقىلى حالىقتىڭ ٴال-اۋقاتىن ارتتىراتىن كەشەندى شارالاردى انىقتاپ بەرگەنىنە نازار اۋداردى.

ودان بولەك، جولداۋدا ٴبىلىم بەرۋ مەن دەنساۋلىق ساقتاۋدىڭ ساپاسىن ارتتىرۋدىڭ جۇيەلى شارالارى دا ايتىلعانى بەلگىلى. حالىقتىڭ ٴومىر سۇرۋىنە جايلى ورتا قالىپتاستىرۋعا دا ەرەكشە كوڭىل ٴبولىندى. وسى ماقساتتا اۋىز سۋمەن قامتۋ، قولجەتىمدى باسپانا سياقتى وزەكتى ماسەلەلەردى شەشۋ جولدارى قاراستىرىلىپ، ٴتۇرلى ەلدىمەكەندەرگە ارنالعان وڭىرلىك ستاندارتتار جۇيەسىن ازىرلەۋ باستاماسى كوتەرىلگەنىن دە ايتا كەتكەن ٴجون.

مەملەكەت باسشىسى جولداۋ مەن «پرەزيدەنتتىڭ بەس الەۋمەتتىك باستاماسىندا» كورسەتىلگەن اۋقىمدى ٴارى اسا ماڭىزدى باسىمدىقتاردىڭ جۇزەگە اسىرىلۋ بارىسىنا باقىلاۋ جۇرگىزۋ ٴىسىن «نۇر وتان» پارتياسىنا جۇكتەگەنى بەلگىلى. وسى ماسەلەگە ەرەكشە نازار اۋدارعان پارتيا ٴتوراعاسىنىڭ ٴبىرىنشى ورىنباسارى الداعى ۋاقىتتا بۇل باعىتتاعى جۇمىستىڭ كۇشەيەتىنىن ايتتى.

– پارتيا ەلباسى باستامالارىنىڭ ساپالى ٴارى ۋاقىتىلى جۇزەگە اسىرىلۋى ٴۇشىن باقىلاۋ جۇمىستارىن ٴۇش دەڭگەي بويىنشا جۇرگىزەدى. ٴبىرىنشى – رەسپۋبليكالىق دەڭگەيدەگى باقىلاۋ جۇمىستارىنا ماجىلىستەگى پارتيا دەپۋتاتتارى جاۋاپتى. سونداي-اق جولداۋدى جۇزەگە اسىرۋدىڭ جالپىۇلتتىق جوسپارىنا سايكەس پارتيالىق كۋراتورلاردىڭ جانە پارتيا مەن فراكسيا جانىنداعى كەڭەس باسشىلارىنىڭ دا مىندەتتەرى انىقتالدى. ەكىنشى – ايماقتىق دەڭگەي بويىنشا پارتيانىڭ ٴماسليحاتتاعى دەپۋتاتتارى، جەرگىلىكتى جەرلەردەگى پارتيالىق كۋراتورلار جانە «نۇرلى جول»، «نۇرلى جەر» باعدارلامالارىن باقىلاۋ جونىندەگى كوميسسيالار بەلسەندىلىك تانىتۋى ٴتيىس. ال، ٴۇشىنشى – اۋىل-ايماق دەڭگەيىندەگى باقىلاۋ جۇمىستارىنا باستاۋىش پارتيا ۇيىمدارىن جۇمىلدىرۋىمىز كەرەك، – دەدى ماۋلەن اشىمبايەۆ.

بۇگىندە پارتيانىڭ ەلىمىز بويىنشا 6 مىڭنان استام باستاۋىش پارتيا ۇيىمى بار. تاياۋدا استانادا وتكەن باستاۋىش پارتيا ۇيىمدارىنىڭ رەسپۋبليكالىق فورۋمىندا وسى ماسەلە كەڭىنەن تالقىلانعان بولاتىن. سول كەزدە ۇيىم وكىلدەرى پارتيا جۇمىستارىنا ٴوز ۇلەستەرىن قوسۋعا دايىن ەكەندەرىن جەتكىزدى.

وسىلايشا ەلباسى تاپسىرماسىنىڭ ورىندالۋ بارىسى پارتيا تاراپىنان كەشەندى تۇردە باقىلاۋعا الىنباق. بۇگىندە اتالعان باعىتتا قاجەتتى شارالار قولعا الىنىپ، ٴتيىستى جۇمىستار باستالىپ كەتتى.

سونىمەن قاتار «نۇر وتان» پارتياسى ٴتوراعاسىنىڭ ٴبىرىنشى ورىنباسارى بەس الەۋمەتتىك باستامانىڭ جۇزەگە اسىرىلۋ بارىسىنداعى كەيبىر ماسەلەلەرگە ەرەكشە توقتالىپ ٴوتتى. الدىمەن ول وسى باستامالار اياسىندا شاعىن نەسيە بەرۋ ىسىندەگى ولقىلىقتارعا نازار اۋداردى. ونىڭ ايتۋىنشا، بۇگىنگە دەيىن 13 مىڭنان استام ازامات شاعىن نەسيە الىپ، جوسپاردىڭ 98 پايىزى ورىندالعان. سونىڭ ناتيجەسىندە 52 ملرد. تەڭگە يگەرىلگەن ەكەن.

– بۇل جامان كورسەتكىش ەمەس. دەگەنمەن، ناتيجەلەردى ساراپتاپ قارايتىن بولساق، كۇرمەۋى قيىن ماسەلەلەردىڭ دە بار ەكەنىن كورەمىز. مىسالى، شاعىن نەسيە بەرۋ باستاماسى اۋىلدىق جەرلەردە ناتيجەلى جۇزەگە اسىرىلىپ جاتىر. ال قالالىق جەرلەردەگى كورسەتكىش كوڭىل كوڭشىتپەيدى. بۇگىندە قالالىق جەرلەر ٴۇشىن جوسپارلانعان 3 مىڭ ادامنان تەك 1 مىڭ ازاماتقا عانا شاعىن نەسيە بەرىلگەن، – دەدى ماۋلەن اشىمبايەۆ.

تارقاتىپ ايتار بولساق، اتالعان كورسەتكىش بويىنشا كوش سوڭىندا اتىراۋ وبلىسى تۇر. مۇنايلى ولكەدە قالا تۇرعىندارىنىڭ ىشىنەن بار بولعانى 13 ازاماتقا قانا شاعىن نەسيە بەرىلگەن. بۇل جوسپارلى مەجەنىڭ 23،65 پايىزىن قۇرايدى. سول سياقتى پاۆلودار، سولتۇستىك قازاقستان، قىزىلوردا وبلىستارى مەن استانا قالاسىندا دا جاعداي ٴماز ەمەس. ناتيجەسىندە ەلىمىز بويىنشا قالالىق جەرلەر ٴۇشىن شاعىن نەسيەگە بولىنگەن 20،2 ملرد. تەڭگەنىڭ 62 پايىزى عانا يگەرىلگەنى بەلگىلى بولىپ وتىر.

جەلتوقسان ايىنىڭ باسىنداعى جاعداي بويىنشا يگەرىلمەگەن قاراجاتتىڭ كولەمى 7،7 ملرد. تەڭگەنى قۇراپ وتىر. ونىڭ 26 پايىزى «دامۋ» قورىنا تيەسىلى بولسا، قالعان 74 پايىزى ەكىنشى دەڭگەيلى بانكتەردىڭ ەسەپشوتىندا جاتىر. وسى رەتتە ەكىنشى دەڭگەيلى بانكتەر اتالعان ماقساتتا وزدەرىنە بولىنگەن قاراجاتتىڭ 42 پايىزىن عانا يگەرگەنىن اتاپ وتكەن ٴجون.

سونداي-اق ماۋلەن اشىمبايەۆ «7-20-25» باعدارلاماسى بويىنشا دا اتقارىلعان جۇمىستارعا نازار اۋداردى. ونىڭ سوزىنە قاراعاندا، 6 جەلتوقسانعا دەيىنگى دەرەك بويىنشا باعدارلاماعا قاتىسۋ ٴۇشىن 5 مىڭنان استام ٴوتىنىم كەلىپ تۇسكەن. سونىڭ ىشىندە جالپى سوماسى 40 ملرد. تەڭگەنى قۇرايتىن 3،5 مىڭعا جۋىق ٴوتىنىم ماقۇلدانعان. ايتسە دە، بۇل باستاما بويىنشا دا وڭىرلەردەگى جاعداي اركەلكى. ماسەلەن كەيبىر ايماقتاردا جەرگىلىكتى اتقارۋشى ورگان تاراپىنان ارنايى ساناتتاعى ازاماتتارعا باستاپقى جارنا ٴۇشىن سۋبسيديا ٴبولۋ جۇمىستارى ويداعىداي جۇرگىزىلمەۋدە.

– بۇل رەتتە ٴبىز اتالعان سۋبسيديانىڭ بارلىق ازاماتقا بىردەي بەرىلە بەرمەيتىنىن حالىققا ٴتۇسىندىرۋىمىز كەرەك. وسى ماسەلەدە بارلىق وبلىس جۇيەلى ٴارى كەشەندى جۇمىس ىستەۋى ٴتيىس. بۇل ىسكە پارتيا فيليالدارى مەن ٴبىزدىڭ دەپۋتاتتارىمىز دا بەلسەندى قاتىسىپ، ەلباسى بەرگەن تاپسىرمانىڭ ساپالى ورىندالۋىن قامتاماسىز ەتۋگە مىندەتتى، – دەدى «نۇر وتان» پارتياسى ٴتوراعاسىنىڭ ٴبىرىنشى ورىنباسارى.

بۇدان باسقا، «7-20-25» باعدارلاماسى بويىنشا جاڭادان سالىنعان ۇيلەردىڭ جەتىسپەۋى جانە كەي ايماقتارداعى ٴاقپاراتتىق-تۇسىندىرۋ جۇمىستارىنىڭ السىزدىگى سياقتى ماسەلەلەر دە ايتىلدى. ودان بولەك، ٴتۇرعىن-ۇي كوممۋنالدىق شارۋاشىلىق ماسەلەسىندە دە ولقى تۇستاردىڭ بار ەكەنى ٴسوز بولدى.

ماۋلەن اشىمبايەۆ وسىنداي وزەكتى ماسەلەلەر بولا تۇرا، پارتيا فيليالدارى مەن پارتيالىق كۋراتورلاردىڭ ٴۇنسىز وتىرعانىن سىنعا الدى.

– ٴبىزدىڭ بارلىق وبلىس پەن اۋداندا فيليالدارىمىز بار. بارلىق وڭىردە پارتيالىق كۋراتورلارىمىز بەن وڭىرلىك قوعامدىق كەڭەستەر جۇمىس ىستەيدى. ەندەشە نەگە ولار وسى ماسەلەلەردى اكىمدىكتەردىڭ الدىندا كوتەرمەيدى؟ ارينە، بۇل جەردە جۇيەلى ماسەلەلەردىڭ دە بار ەكەنىن بىلەمىز. ماسەلەن، كەيبىر ازاماتتاردىڭ نەسيە تاريحىنا بايلانىستى ولاردىڭ نەسيە الۋ مۇمكىندىكتەرى تومەن ەكەنى بەلگىلى. سوعان قاراماستان ٴبىز بۇل ماسەلەلەردى شاعىن نەسيە بەرۋمەن تىكەلەي اينالىساتىن «دامۋ» قورىنىڭ جانە ۇيلەستىرۋشى ورگان ۇلتتىق ەكونوميكا مينيسترلىگىنىڭ الدىنا ماسەلە ەتىپ قويىپ، ٴتيىستى شەشىمدەر قابىلداۋعا ٴتيىسپىز. قاجەت بولسا، زاڭنامالارعا تۇزەتۋلەر ەنگىزۋگە دە باستاماشىل بولۋىمىز كەرەك. ەڭ باستىسى، شاعىن نەسيە بەرۋدى قالالىق جەرلەردە تابىستى جۇزەگە اسىرىپ، ەلباسى تاپسىرماسىن ورىنداۋ ٴۇشىن جۇيەلى شارالاردى قولعا الۋىمىز قاجەت، – دەدى ماۋلەن اشىمبايەۆ.

ٴوز كەزەگىندە پرەزيدەنتتىڭ بەس الەۋمەتتىك باستاماسىنىڭ جۇزەگە اسىرىلۋ بارىسىن باقىلاۋ جونىندەگى قوعامدىق كەڭەستىڭ ٴتوراعاسى، سەناتور باقىت جۇماعۇلوۆ اتقارىلعان جۇمىستار جونىندە بايانداپ بەردى. ايتا كەتەيىك، اتالعان كەڭەس مامىر ايىندا مەملەكەت باسشىسىنىڭ تاپسىرماسى بويىنشا قۇرىلعان بولاتىن. ونىڭ قۇرامىنا ەلىمىزدەگى جەتەكشى ساياسي پارتيالار مەن ۇكىمەتتىك ەمەس ۇيىمداردىڭ وكىلدەرى، قازاقستان حالقى اسسامبلەياسىنىڭ مۇشەلەرى، بەلگىلى قوعام قايراتكەرلەرى، بەلسەندى ازاماتتار جانە ساراپشى ماماندار ەندى. وسى ۋاقىت ارالىعىندا كەڭەس مۇشەلەرى ٴبىرقاتار وتىرىس وتكىزىپ، ەلىمىزدىڭ بارلىق وڭىرىندە اتقارىلىپ جاتقان جۇمىستارمەن تانىستى.

سونىمەن بىرگە ۇلتتىق ەكونوميكا ٴمينيسترى تيمۋر سۇلەيمەنوۆ پەن پارلامەنت ماجىلىسىندەگى پارتيا فراكسياسى باسشىسىنىڭ ورىنباسارى اسقار بازاربايەۆ ٴسوز الىپ، ٴوز تاراپىنان ىستەلگەن جۇمىستارعا توقتالىپ ٴوتتى.

ٴىس-شارا سوڭىندا «نۇر وتان» پارتياسى ٴتوراعاسىنىڭ ٴبىرىنشى ورىنباسارى ەلباسى تاپسىرماسىن ورىنداۋ ٴۇشىن تياناقتى جۇمىس ىستەپ، ساپالى باقىلاۋ جۇرگىزۋدى قامتاماسىز ەتەتىن ٴبىرقاتار مىندەتتەردى انىقتاپ بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي