الۋا جولدىبالينا: نەگىزگى ماقسات سيفرلىق داۋىرگە بەيىمدەلۋ - جولداۋ|09 قاڭتار 2018، 19:48
كۋرسى ۆاليۋت وبنوۆليايۋتسيا
استانا:

الۋا جولدىبالينا: نەگىزگى ماقسات سيفرلىق داۋىرگە بەيىمدەلۋ

بۇگىن ەلباسى قازاقستان حالقىنا جولدايتىن ٴداستۇرلى جولداۋىنا وراي ارنايى مالىمدەمە جاسادى. وسىعان وراي تانىمال ساراپشى الۋا جولدىبالينا ٴوز پىكىرىن ٴبىلدىردى، دەپ حابارلايدى baq.kz اقپارات اگەنتتىگى.

«مالىمدەمەدە ايتىلعانداي، بيىلعى جولداۋ نەگىزگى 10 باعىتتان تۇرادى. نەگىزگى ماقسات حالىقتىڭ سيفرلىق داۋىرگە بەيىمدەلۋى بولماق. بۇل دەگەنىمىز - ٴتورتىنشى ونەركاسىپتىك رەۆوليۋسيا جاعدايىنداعى ەل دامۋىنىڭ كىلتى سيفرلىق تەحنولوگيادا ەكەنىن كورسەتەدى. وسىنداعى ايرىقشا اتاپ وتەتىن باعىت – اشىق ۇكىمەت. ياعني، مەملەكەتتىك باسقارۋعا سيفرلىق تەحنولوگيا ارقىلى حالىق بەلسەندىلىگىن ارتتىرۋ» - دەيدى ساراپشى.

مامان اشىق ۇكىمەت قالىپتاستىرۋدا دامىعان ەلدەردىڭ تاجىريبەسى دە ارتىق ەتپەيتىنىن ايتادى.

«ەلباسى ٴوز مالىمدەمەسىندە «جاھاندىق تەحنولوگيالىق وزگەرىستەرگە جاڭا سىن-قاتەرلەرمەن قاتار وسۋگە ارنالعان جاڭا مۇمكىندىكتەر دە ٴتان. بۇل - الەمنىڭ دامىعان 30 ەلىنىڭ قاتارىنا جەدەلدەتىپ ەنۋىمىزگە ارنالعان تاريحي مۇمكىندىگىمىز» دەدى. دەمەك، ٴبىز دامۋعا داڭعىلىنا تۇسەمىز دەسەك، الەمدىك تاجىريبەدەن قاشپاۋىمىز كەرەك. مىسالى، فينليانديا اشىق ۇكىمەتتىڭ العىشارتتارىن جاسادى. ٴبىز دە وسى تاجىريبەنى دامىتۋىمىز كەرەك» - دەيدى الۋا جولدىبالينا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي