اقتوبەلىكتەر پرەزيدەنت جولداۋىنىڭ مىندەتتەرىن قولدايدى - جولداۋ|06 قازان 2018، 17:24
كۋرسى ۆاليۋت وبنوۆليايۋتسيا
استانا:

اقتوبەلىكتەر پرەزيدەنت جولداۋىنىڭ مىندەتتەرىن قولدايدى

اقتوبە وبلىسىنىڭ اكىمدىگىندە، وڭىردەگى مەملەكەتتىك مەكەمەلەردە، ٴىرى كاسىپورىندار مەن ۇيىمداردا ەلباسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن ۇجىم بولىپ كوردى، دەپ حابارلايدى baq.kz اقپارات اگەنتتىگى.

قوعام قايراتكەرلەرى، ەڭبەك ارداگەرلەرى، زيالى قاۋىم وكىلدەرى، ەڭبەك ۇجىمى ەل پرەزيدەنتى اتاپ وتكەن مىندەتتەردى بۇتىندەي قولدايدى. ٴارقايسىسى جولداۋداعى وزدەرى ٴۇشىن ماڭىزدى باعىتتى اتاپ ٴوتتى.

پروفەسسور، فيلولوگيا عىلىمدارىنىڭ دوكتورى التاي تايجانوۆ ٴمۇعالىم مارتەبەسىن كوتەرۋ شارالارىنىڭ ماڭىزدىلىعىن اتاپ ٴوتتى.

«بىلىمگە باسا نازار اۋدارىلعان بولاتىن. پرەزيدەنت ٴمۇعالىم مارتەبەسىنىڭ جۇيەلىك پروبلەماسىن ۋاقىتىندا كوتەردى جانە پەداگوگتاردى قولداۋ شارالارى قابىلداناتىنىن ايتىپ، وسى ماسەلەنىڭ نۇكتەسىن قويدى. بۇل ٴبىلىم سالاسىن دامىتۋ ٴۇشىن ماڭىزدى شەشىم، - دەدى التاي تايجانوۆ.

بەلگىلى بولعانداي، مەملەكەت باسشىسى جۇكتەمەنى ازايتۋ، مۇعالىمدەر مەن مەكتەپكە دەيىنگى مەكەمەلەر قىزمەتكەرلەرىن ىنتالاندىرۋ ماسەلەلەرىن قارايتىن «پەداگوگ مارتەبەسى تۋرالى» زاڭدى ازىرلەۋدى تاپسىرعان بولاتىن.

سونداي-اق، پرەزيدەنت وڭىرلىك قالالىق ينفراقۇرىلىمدى دامىتۋ قاجەتتىگىن دە اتاپ ٴوتتى. ول ٴۇشىن بيىل جەرگىلىكتى ماڭىزى بار جولداردىڭ قۇرىلىسى مەن قايتا قالپىنا كەلتىرۋگە بولىنەتىن قاراجات 150 ملرد تەڭگەگە دەيىن، اۋىلدى اۋىز سۋمەن قامتاماسىز ەتۋ ٴۇشىن 100 ملرد تەڭگەگە دەيىن ۇلعايتىلدى.

«رەسپۋبليكا كولەمىندە جولدار مەن كوپىرلەردى سالۋعا، سونىڭ ىشىندە ٴبىزدىڭ وڭىردە دە ۇلكەن قاراجات بولىنەدى. قارجىلاي قولداۋدىڭ مول قورى مەملەكەت باسشىسىنىڭ اۋىلدار مەن اۋدان ورتالىقتارىن وبلىس ورتالىقتارىمەن بايلانىستىراتىن ساپالى جولداردىڭ قۇرىلىسى تۋرالى تاپسىرماسىن تولىق ورىنداۋعا مۇمكىندىك بەرەدى. بۇل شارا اۋىلدىڭ دامۋىنا كۇمانسىز سەرپىن بەرەدى»، - دەدى «trans-mostgroup» قۇرىلىس ۇيىمىنىڭ باس ديرەكتورى تولەگەن تاڭاتاروۆ.

سونىمەن قاتار، ەڭبەك ارداگەرى ەسىمحان ەسەنبايەۆ مەملەكەت باسشىسىنىڭ جولداۋى ەل ازاماتتارىنىڭ ەڭ وزەكتى ماسەلەلەرىن شەشۋدىڭ ناقتى باعدارلاماسى بولىپ تابىلاتىنىن اتاپ ٴوتتى.

«مەنى جاستاردى تۇرعىن ۇيمەن جانە جۇمىسپەن قامتاماسىز ەتۋگە ەرەكشە كوڭىل بولىنگەندىگى قۋانتادى. پرەزيدەنت ايتقان كوپتەگەن الەۋمەتتىك ماسەلەلەر اقتوبە وبلىسىندا شەشىلىپ جاتقانىن كورىپ وتىرمىز. ماسەلەن، سوڭعى ٴۇش جىلدا 60 جاڭا مەكتەپ سالىندى، مەديسينالىق كلاستەر قۇرىلدى، ازاماتتاردىڭ الەۋمەتتىك ينفراقۇرىلىمىن جانە الەۋمەتتىك ٴال-اۋقاتىن جاقسارتۋ ٴۇشىن باسقا دا كوپتەگەن جوبالار جۇزەگە اسىرىلۋدا. مەنىڭ ويىمشا، ولاردىڭ بارلىعى مەملەكەت باسشىسىنىڭ جولداۋىندا قوسىمشا قولداۋ تابادى»، - دەدى ەسىمحان ەسەنبايەۆ.

ول سونداي-اق، ارداگەرلەر مەن قوعام قايراتكەرلەرىن ەلباسىنىڭ قازاقستان حالقىنا جولداۋىن ٴتۇسىندىرۋ جۇمىستارىنا بەلسەنە ارالاسۋعا شاقىردى.

«ٴاربىر وتانداسىمىزعا وزدەرىنىڭ ٴال-اۋقاتىن جاقسارتۋ ٴۇشىن مەملەكەت قابىلداعان شارالارى تۋرالى اقپارات بەرۋ ٴبىزدىڭ مىندەتىمىز بولىپ تابىلادى»، - دەپ قورىتىندىلادى ارداگەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي