BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇر وتان» پارتياسى تۇكش رەفورمالاۋعا قاتىستى ماسەلەلەردى تالقىلادى

استانا، baq.kz. «نۇر وتان» پارتياسى پارلامەنت ماجىلىسىندەگى فراكسياسى ارقىلى نورماتيۆتىك-قۇقىقتىق اكتىلەرگە ٴتيىستى وزگەرتۋلەر مەن تولىقتىرۋلار ەنگىزۋدى جوسپارلاپ وتىر. سونىڭ ناتيجەسىندە مەملەكەت باسشىسىنىڭ تاپسىرمالارىن ٴتيىمدى ورىنداۋعا جاعداي جاسالماق.

وسىعان وراي بۇگىن پارتيانىڭ ورتالىق اپپاراتىندا قۇقىقتىق كەڭەستىڭ كەزەكتى كەڭەيتىلگەن وتىرىسى ٴوتتى. وندا قاتىسۋشىلار ەلىمىزدەگى تۇرعىن ۇي-كوممۋنالدىق شارۋاشىلىعىن رەفورمالاۋعا قاتىستى وزەكتى ماسەلەلەردى تالقىلادى.

«نۇر وتان» پارتياسىنىڭ ستراتەگيالىق زەرتتەۋلەر ينستيتۋتىنىڭ دەرەكتەرىنە سۇيەنسەك، قازاقستاندىقتاردىڭ 36 پايىزدان استامى پاتەر يەلەرى كووپەراتيۆىنىڭ قىزمەتىنە كوڭىلدەرى تولمايدى. بۇل رەتتە حالىق قىزمەت كورسەتۋشى كومپانيا ارەكەتتەرىنىڭ اشىق ەمەستىگىن جانە تۇسكەن قارجىنىڭ قايدا جۇمسالعانىن باقىلايتىن تەتىكتىڭ جوقتىعىنا نارازىلىقتارىن بىلدىرگەن.

وسى ماسەلەلەردىڭ بارلىعى قۇقىقتىق كەڭەس وتىرىسىندا كەڭىنەن تالقىلاندى. جيىندى اشقان «نۇر وتان» پارتياسى ٴتوراعاسىنىڭ ٴبىرىنشى ورىنباسارى تۇرعىن ٴۇي قۇرىلىسى قارقىندى جۇرگىزىلگەنىمەن، تۇكش سالاسىندا شەشىمىن تاپپاعان ماسەلەلەر سول كۇيىندە قالىپ وتىرعانىن ايتتى.

«ەلباسى جولداۋدا تۇرعىن ۇي-كوممۋنالدى شارۋاشىلىعىنا جانە تاريفتەردى شەكتەۋ ماسەلەسىنە ايرىقشا كوڭىل ٴبولىپ، وسى سالانى جاقسارتۋ ٴۇشىن ۇكىمەتكە ناقتى تاپسىرمالار بەردى. اتالعان باعىتتاعى جۇمىستاردىڭ، جالپى جولداۋدا ايتىلعان باسىمدىقتاردىڭ جۇزەگە اسىرىلۋىن «نۇر وتان» پارتياسى ٴوز باقىلاۋىندا ۇستايدى. ەگەر ەلباسىنىڭ تاپسىرمالارى دۇرىس ورىندالماي جاتسا، ولاردى دەر كەزىندە انىقتاپ، ماسەلەلەردى اشىپ ايتىپ، ٴتيىستى ورىنداردىڭ الدىنا قوياتىن بولامىز. سونىڭ ىشىندە بۇگىن كوتەرىلىپ وتىرعان ماسەلە دە بار ەكەنى ٴسوزسىز»، – دەدى ماۋلەن اشىمبايەۆ.

سونىمەن قاتار جيىندا ەلباسى تاپسىرمالارىن ساپالى ورىنداپ، حالىقتىڭ كوپتەن كۇتكەن ماسەلەسىن وڭتايلى شەشۋ ٴۇشىن ٴتۇرعىن-ۇي كوممۋنالدىق قاتىناستارىن جاڭعىرتاتىن جۇيەلى نەگىز قالىپتاستىرۋ كەرەكتىگى ايتىلدى. ودان بولەك، تۇرعىن ۇي-كوممۋنالدىق شارۋاشىلىعىن رەفورمالاۋداعى باستى مىندەت كوپ پاتەرلى تۇرعىن ۇيلەردى باسقارۋ قىزمەتىنىڭ جوعارى ساپاسىنا قول جەتكىزۋ ەكەندىگى دە ٴسوز بولدى. وسىعان وراي قاتىسۋشىلار ەنگىزىلىپ وتىرعان زاڭ جوباسى تۇرعىن ۇي-كوممۋنالدىق شارۋاشىلىعىنىڭ بارلىق سالاسىن رەفورمالاۋ جانە جاڭعىرتۋدىڭ زاڭنامالىق نەگىزى رەتىندە قاراستىرىلۋى كەرەكتىگىنە باسا ٴمان بەردى.

«تۇرعىن ۇي-كوممۋنالدىق شارۋاشىلىعىن رەتتەيتىن زاڭ جوباسى ٴماجىلىستىڭ قاراۋىندا. بۇل رەتتە ٴبىزدىڭ باستى مىندەتتەرىمىزدىڭ ٴبىرى – اتالعان زاڭ جوباسىن تياناقتى ساراپتاپ، ونىڭ حالىق كۇتكەن ماسەلەلەردى شەشۋگە جانە ەلىمىزدىڭ تۇرعىن ٴۇي قورىن ٴتيىمدى باسقارۋعا اسەر ەتۋىن قامتاماسىز ەتۋ. سونداي-اق وسى سالادا ٴتيىمدى مونيتورينگ جۇرگىزىپ، مونوپوليستەر مەن پاتەر يەلەرى كووپەراتيۆىنىڭ جۇمىسىن انىقتاۋ دا ٴبىزدىڭ باستى مىندەتىمىز. پارتيا وسى باعىتتا قوعامدىق بىرلەستىكتەرمەن جانە ۇكىمەتتىك ەمەس ۇيىمدارمەن كۇش بىرىكتىرىپ، جۇيەلى باقىلاۋ جۇرگىزۋگە دايىن. سوندىقتان بۇگىنگى باسقوسۋىمىزدى سول اۋقىمدى جۇمىستىڭ باستاماسى دەپ تە قابىلدايمىز»، – دەدى ماۋلەن اشىمبايەۆ.

بۇل اتالعان تۇزەتۋلەر تۇرعىن ۇي-كوممۋنالدىق شارۋاشىلىعى جۇيەسىن رەفورمالاۋ ٴۇشىن بىرنەشە ماسەلەنى قاتار شەشۋگە باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي