سەناتور: ەلباسى شاعىن جانە ورتا كاسىپكەرلىكتى قولداۋ ماسەلەسىنە كوڭىل اۋداردى - جولداۋ|06 قازان 2018، 11:12
كۋرسى ۆاليۋت وبنوۆليايۋتسيا
استانا:

سەناتور: ەلباسى شاعىن جانە ورتا كاسىپكەرلىكتى قولداۋ ماسەلەسىنە كوڭىل اۋداردى

پارلامەنت سەناتىنىڭ دەپۋتاتى ٴالىمجان قۇرتايەۆ نۇرسۇلتان نازاربايەۆتىڭ قازاقستان حالقىنا جولداعان كەزەكتى جولداۋى تۋرالى ٴوز ويىن ورتاعا سالدى، دەپ حابارلايدى baq.kz اقپارات اگەنتتىگى.

"ەلباسىمىز نۇرسۇلتان ٴابىش ۇلى نازاربايەۆتىڭ جولداۋىنداعى باستى ماسەلەلەردىڭ ٴبىرى – حالىقتىڭ الەۋمەتتىك جاعدايىن جاقسارتۋ. نەگىزىنەن، شاعىن جانە ورتا كاسىپكەرلىكتى قولداۋ ماسەلەسىنە ەلباسى ەرەكشە توقتالىپ ٴوتتى. ورتا جانە شىعىن كاسىپكەرلىككە سالىقتىق جەڭىلدىكتەر جاساۋ، قارجىلىق قولداۋ اياسىندا تەڭگەمەن نەسيەلەر بەرۋ ماسەلەلەرى كاسىپكەرلەردىڭ كوڭىلىنەن شىعىپ وتىرعانى انىق. ودان كەيىن ەڭ تومەنگى ەڭبەكاقىنى 28 مىڭنان 42 مىڭعا دەيىن كوتەرۋ، بۇل دا تۇرمىسى تومەن وتباسىلارىن قولداۋدىڭ ٴبىر پاراسى" - دەيدى سەناتور.

سونىمەن قاتار سەناتور پرەزيدەنت وسى جولعى جولداۋىندا اگروونەركاسىپ سالاسىنا ايرىقشا كوڭىل بولگەنىن اتاپ ٴوتتى.

"جولداۋداعى باستى ماسەلەلەردىڭ ٴبىرى – اۋىل شارۋاشىلىعى ونىمدەرىن دامىتۋ، اۋىل شارۋاشىلىعى ونىمدەرىن تەرەڭ وڭدەۋ سالاسىن ودان ٴارى دامىتۋ. سودان كەيىن، ەكسپورتقا شىعارىلاتىن تاۋارلاردىڭ ٴتۇرىن كوبەيتۋ، ەلىمىزدەگى تاۋار وندىرۋشىلەردى دە، ولاردىڭ ونىمدەرىن دە قولداۋ ماسەلەلەرى تۋرالى دا ايتىلدى. بۇل ەكونوميكانى جان-جاقتى دامىتۋعا، ەلىمىزدىڭ باسەكەگە قابىلەتتى ٴونىم ٴوندىرۋ مۇمكىندىكتەرىن ۇلعايتا تۇسەدى" - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي