BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇسىپبەك ايماۋىتوۆ جەرلەنگەن زيراتقا تۋعان ەلدىڭ توپىراعى جەتكىزىلدى

 استانا. 5 قىركۇيەك. baq.kz – بۇگىن قازاق زيالى قاۋىمىنىڭ ٴىرى تۇلعاسى، اتاقتى قالامگەر، دراماتۋرگ، الاشوردا قايراتكەرى جۇسىپبەك ايماۋىتوۆتىڭ كىندىك قانى تامعان باياناۋىل وڭىرىنەن ٴبىر ۋىس توپىراق جازۋشى جەرلەنگەن ماسكەۋ قالاسىنداعى ۆاگانكوۆسكيي زيراتىنا جەتكىزىلدى. بۇل تۋرالى پاۆلودار وبلىسى اكىمدىگىنىڭ ٴباسپاسوز قىزمەتى حابارلادى. 

 31 مامىر - ساياسي قۋعىن-سۇرگىن قۇرباندارى ەسكە الۋ كۇنى پاۆلودار قالاسىندا وتكەن ميتينگتە وبلىس اكىمى قانات بوزىمبايەۆ الاشوردا قايراتكەرى ج.ايماۋىتوۆتىڭ سۇيەگى جاتقان زيراتقا تۋعان جەرى – باياناۋىلدان توپىراق اپارىپ، باسىنا دۇعا وقىپ، پاۆلودار وبلىسىنان ارنايى دەلەگاسيا جىبەرۋ تۋرالى باستاما كوتەرگەن بولاتىن.
وبلىس اكىمىنىڭ باستاماسىمەن ماسكەۋ قالاسىنا قالامگەردىڭ تۋعان جەرىنەن الىنعان توپىراقتى پاۆلودار وبلىسىنىڭ دەلەگاسياسى: زيالى قاۋىم وكىلدەرى مەن جازۋشىنىڭ تۋعان-تۋىستارى جەتكىزدى.
ەستەرىڭىزدە بولسا، وسىدان ەكى اي بۇرىن رەسەي فەدەراسياسىنىڭ ورتالىق ارحيۆىنەن جۇسىپبەك ايماۋىتوۆتىڭ سۇيەگى ۆاگانكوۆسكيي زيراتىندا «باۋىرلاستار قابىرىندە» (وبششايا موگيلا) جەرلەنگەن دەگەن جاۋاپ-حات كەلگەن ەدى. بۇل ۇلكەن ٴقابىرستاندا ساياسي قۋعىن-سۇرگىن قۇرباندارى جەرلەنگەن.
كاپسۋلانى تابىستاۋ راسىمىندە ج.ايماۋىتوۆتىڭ نەمەرەسى ريما ايماۋىتوۆا مەن قر جازۋشىلار وداعىنىڭ مۇشەسى، جۋرناليست سايلاۋ بايبوسىن قالامگەر ٴومىرى مەن شىعارماشىلىعى تۋرالى ٴسوز سويلەدى.
ودان كەيىن پاۆلودارلىق دەلەگاسيا ۇلى وتان سوعىسى جاۋىرگەرلەرى ەسكەرتكىشىنە گۇل شوقتارىن قويۋ راسىمىنە قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي