BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاس اقىندار اراسىندا جابىق ٴمۇشايرا جاريالاندى

 استانا. 16 قىركۇيەك. baq.kz -قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى، ۇلتىمىزدىڭ ۇلى اقىنى فاريزا وڭعارسىنوۆانىڭ رۋحىنا ارنالعان رەسپۋبليكا جاس اقىندارىنىڭ «جىر – مەنىڭ جالعىز تارلانىم، ايالاپ وتەر ارداعىم» اتتى جابىق ٴمۇشايرا وتەدى

 اسقاق رۋح پەن تەرەڭ سەزىمگە تۇنىپ تۇرعان نازىك تە نامىستى جىرلار تۋىنداتقان پوەزياداعى ٴور مىنەزدى ورەن جۇيرىك، قازاق حالقىنىڭ ۇلى اقىنى فاريزا وڭعارسىنوۆانىڭ شىعارماشىلىعى اسا شىنايىلىعىمەن، اسقان كوركەمدىگىمەن وقىرماندارىنىڭ جۇرەگىنە بەرىك ورنىقتى. ول ولمەس، وشپەس مۇرا قالدىردى. اياۋلى اقىننىڭ اقىرعى ارمانى ارتىنان ەرگەن جاۋھازىن جىر يەلەرىنىڭ وسىپ-ونگەنىن كورىپ ٴسۇيسىنۋ ەدى. كوزىنىڭ تىرىسىندە بىرنەشە مارتە رەسپۋبليكا جاس اقىندارىنىڭ بايگەسىن ۇيىمداستىردى. حالىقارالىق «شابىت» فەستيۆالىندە تالاي تالانتتىڭ باعىن اشتى. بىرەگەي تۇلعا، ٴبىرتۋار دارىن يەسى ەل مەن جەردىڭ، ەرتەڭگە ۇمتىلعان ەر ازاماتتاردىڭ، كوكسەڭگىرلەردى كوزدەگەن كەڭپەيىل حالقىنىڭ كەلەشەگى-جاستار پوەزياسى ارقىلى جارقىراپ كورىنەتىندىگىنە كوزسىز سەنەتىن. مىنە، وسىعان وراي اتىراۋ وبلىستىق مادەنيەت، مۇراعاتتار مەن قۇجاتتاما باسقارماسى جانە قازاقستان جازۋشىلار وداعىنىڭ اتىراۋ فيليالى اسقاق اقىننىڭ جاڭاشىل كوزقاراسىن، جالىندى ٴومىرىن، داۋىلپاز مىنەزىن، تۋعان ەلگە دەگەن پەرزەنتتىك ماحابباتىن ولەڭمەن ورنەكتەپ، ٴورشىل اقىننىڭ رۋحىن جاڭعىرتا ٴتۇسۋ ماقساتىندا جانە تۋعانىنا 75 جىل تولۋىنا ارنالعان رەسپۋبليكا جاس اقىندارى اراسىندا «جىر – مەنىڭ جالعىز تارلانىم، ايالاپ وتەر ارداعىم» اتتى جابىق ٴمۇشايرا جاريالايدى.

 

جابىق ٴمۇشايرانىڭ نەگىزگى تالاپتارى

 

رەسپۋبليكا جاس اقىندارىنىڭ جابىق ٴمۇشايراسى ف.وڭعارسىنوۆانىڭ تۋعان كۇنى – 25-جەلتوقسانعا ورايلاستىرىلادى. ٴمۇشايراعا جاسى 35-تەن اسپاعان اقىندار قاتىسا الادى. ٴمۇشايراعا جىبەرىلەتىن شىعارمالار 1-قاراشاعا دەيىن قابىلدانادى.

ٴمۇشايرا ٴۇش بولىمنەن تۇرادى. ٴبىرىنشى بولىمگە اقىندار پاتريوتتىق تاقىرىپتاعى كەز-كەلگەن ولەڭىن نەمەسە پوەماسىن جولداي الادى. ٴبىراق بۇل شىعارمالار بۇرىن ەش جەردە جاريالانباعان بولۋى كەرەك. ولەڭدەردىڭ كولەمى 10-12 شۋماقتان، پوەمالار 50 شۋماقتان اسپاۋى تالاپ ەتىلەدى.

ەكىنشى ٴبولىم - فاريزا وڭعارسىنوۆانىڭ شىعارماشىلىعىن، ٴومىرىن، قوعامداعى ورنىن، ەلدىكتى، ەرلىكتى، ادىلەتتىلىكتى اڭساعان اقىننىڭ ارمانىن ايعاقتايتىن جىرلارعا ارنالادى. بۇل ولەڭدەردىڭ دە كولەمى 10-12 شۋماقتى قامتۋى قاجەت.

شىعارمالار جاسىرىن اتپەن جانە بولەك كونۆەرتكە شىنايى ٴاتى-جونى جازىلىپ جىبەرىلەدى. كونۆەرت تەك كوميسسيا مۇشەلەرى تولىق جينالعاندا عانا اشىلادى.

ۇيىمداستىرۋ كوميتەتى جابىق ٴمۇشايرادا العاشقى ەكى بولىمنەن جەڭىمپاز اتانعانداردى اتىراۋ قالاسىنا ارنايى شاقىرادى.

ٴۇشىنشى ٴبولىم جابىق ٴمۇشايرانىڭ العاشقى ەكى بولىمىندە جەڭىمپاز اتانعان وسى اقىنداردىڭ ساحنادا بەرىلگەن تاقىرىپقا قولما-قول ولەڭ شىعارا الاتىن قابىلەتىن باعالاۋعا ارنالادى.

رەسپۋبليكانىڭ بەلگىلى اقىندارى قازىلىق ەتەتىن جابىق ٴمۇشايرا اتالعان ٴۇش ٴبولىم بويىنشا نەگىزگى جەڭىمپازداردى انىقتايدى. قازىلار القاسى جۇلدەلەردى ٴبولىپ بەرە الادى.

 

 

جەڭىمپازداردى ماراپاتتاۋ

 

باس جۇلدە - بىرەۋ;

ٴبىرىنشى ورىن - بىرەۋ;

ەكىنشى ورىن - ەكەۋ;

ٴۇشىنشى ورىن - ۇشەۋ;

ارنايى سىيلىقتار مەن ىنتالاندىرۋ ماراپاتتارى قاراستىرىلعان.

جابىق ٴمۇشايراعا قاتىسۋشىلار ۇيىمداستىرۋ كوميسسياسىنا وزدەرىنىڭ ٴتولقۇجاتتارىن، ٴومىربايانىن جانە 6ح9 فوتوسۋرەتتەرىن الا كەلەدى. جول اقىسىن (تەمىرجول)، ٴقوناقۇي، اس-اۋقات ماسەلەلەرىن ۇيىمداستىرۋشىلار جاعى كوتەرەدى.

 

شىعارمالار مىنا مەكەن-جايدا قابىلدانادى:

 

اتىراۋ قالاسى، ازاتتىق داڭعىلى، 11 (شارباق ىشىندە)،

قازاقستان جازۋشىلار وداعىنىڭ اتىراۋ فيليالى.

بايلانىس تەلەفوندارى: فاكس: 8(7122) 32-78-03، تەل: 8(7122) 75-57-48، 8701 736 64 73، e-mail: agatai_2005@mail.ru

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي