BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيسە-پرەمەر قازاق حاندىعىنىڭ 550 جىلدىعىن مەرەكەلەۋگە ارنالعان دايىندىق بارىسىمەن تانىستى

  استانا. 25 شىلدە. baq.kz - قر پرەمەر-مينيسترىنىڭ ورىنباسارى بەردىبەك ساپاربايەۆ جۇمىس ساپارىمەن جامبىل وبلىسىنا باردى، وندا قازاق حاندىعىنىڭ قۇرىلۋىنىڭ 550-جىلدىعىن مەرەكەلەۋگە دايىندىق بارىسىمەن تانىستى.

 تارازدا ۆيسە-پرەمەر «قازاق حاندىعى» مونۋمەنتىن ورناتاتىن جەرگە بارىپ، ەسكەرتكىشتىڭ ورنالاسۋىنىڭ ەسكيزدىك ازىرلەمەلەرىمەن تانىستى.

ودان كەيىن ب.ساپاربايەۆ ەلىمىزدىڭ باسقا وڭىرلەرى سالىپ جاتقان نەمەسە جونەۋدەن وتكىزىپ جاتقان نىسانداردى ارالادى. اتاپ ايتقاندا، كىرۋ اركاسىن جوندەۋ جانە ەكى بارەلەفتى سالۋ بارىسىن تەكسەردى. جۇمىستار وڭتۇستىك قازاقستان وبلىسىندا جۇرگىزىلىپ جاتىر.

سونداي-اق، ول تاۋكە حان كوشەسىندەگى (پاۆلودار وبلىسى) جانە جامبىل داڭعىلىنداعى (اقتوبە وبلىسى) كوپىرلەردى جوندەۋ، تۇڭعىش پرەزيدەنت ساياباعى جانىنداعى (اتىراۋ وبلىسى)، «تاراز» قوناق ٴۇيىنىڭ الدىنداعى (ماڭعىستاۋ وبلىسى)، اۆتوۆوكزال جانىنداعى (سولتۇستىك قازاقستان وبلىسى) گۇلزارلاردى اباتتاندىرۋ بارىسىمەن تانىستى.

سوسىن ب.ساپاربايەۆ دراما تەاترى عيماراتىنداعى جوندەۋ جۇمىستارى، «داڭق اللەياسى» قۇرىلىسى، قاراحان بابا ماۆزولەيى جانىنداعى گۇلزاردى اباتتاندىرۋ بارىسىن قاراپ شىقتى (قىزىلوردا جانە قوستاناي وبلىستارى).

«كونە تاراز» تاريحي-مادەني ورتالىعىندا ول ارحەولويالىق جانە رەستاۆراسيا جۇمىستارى، مۋزەي، ەتنوورتالىق، «تاراز سازدارى» ستەللاسى قۇرىلىسى، «مىڭبۇلاق» گۇلزارىن اباتتاندىرۋ بارىسىمەن تانىستى (باتىس قازاقستان وبلىسى جانە الماتى قالاسى).

تارمۋ-دە ب.ساپاربايەۆ وبلىس اكىمدەرىنىڭ ورىنباسارلارىمەن، اۋدان اكىمدەرىمەن، باسقارما، اۋماقتىق دەپارتامەنت، وقۋ ورىندارى، كاسىپورىندار مەن بيزنەس قۇرىلىمدار باسشىلارىمەن قازاق حاندىعىنىڭ قۇرىلۋىنىڭ 550-جىلدىعىن مەرەكەلەۋگە دايىندىق ماسەلەلەرى بويىنشا كەڭەس وتكىزدى.

«مەملەكەت باسشىسى قازاق حاندىعىنىڭ مەرەيتويىن مەرەكەلەۋگە ورتالىق، سونداي-اق وڭىرلىك دەڭگەيدە ۋاقىتىلى دايىندالۋدى تاپسىردى. اتالعان ٴىس-شارانى جاستاردى پاتريوتتىق تاربيەلەۋ جانە مەملەكەتتىلىكتى نىعايتۋ رۋحىمەن وتكىزۋ ماڭىزدى»، - دەدى ب.ساپاربايەۆ.

سونىمەن قاتار، ۆيسە-پرەمەر ٴبىرقاتار وبلىستار جوسپارلانعان جۇمىستاردى باياۋ جۇرگىزىپ جاتقاندىعىن ايتىپ ٴوتتى. اتاپ ايتقاندا، شقو جانە الماتى قالاسى اكىمدىگى جۇمىستىڭ تەك 5%-ىن ورىنداسا، ەلوردا اكىمدىگى ٴالى جۇمىستى باستاماعان.

«بىزگە بارلىق نىسانداردى ساپالى جانە ۋاقىتىندا اياقتاۋ قاجەت. وعان قوسا، اكىمدىكتەر قاراجاتتى ٴتيىمدى پايدالانىپ، وعان دەمەۋشىلەردى تارتۋى ٴتيىس»، - دەپ باسا ايتتى ول.

كۇننىڭ ەكىنشى جارتىسىندا جۇمىس ساپارى جۋالى اۋدانىندا جالعاسىن تاۋىپ، وندا ب.ساپاربايەۆ «burnoe solar» كۇن ەلەكتر ستانسياسىنىڭ جۇمىسىمەن تانىسىپ، الەۋمەتتىك، ٴبىلىم بەرۋ جانە سپورت نىساندارىن ارالادى، ب.مومىش ۇلىنىڭ مۋزەيىندە بولىپ، الەۋمەتتىك سالا قىزمەتكەرلەرىمەن كەزدەستى. كەزدەسۋ بارىسىندا ۆيسە-پرەمەر جاڭا وقۋ جىلىنا ۋاقىتىلى دايىندالۋ بويىنشا شارالار قابىلداۋدى تاپسىرىپ، اعىمداعى مەملەكەتتىك باعدارلامالاردى جۇزەگە اسىرۋ ارقىلى الەۋمەتتىك پروبلەمالاردى شەشۋگە باسا نازار اۋداردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي