BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سميتسون ۋنيۆەرسيتەتىنىڭ قىزمەتكەرلەرى ابايدىڭ شىعارماشىلىعىن زەرتتەۋدى قولعا الدى

استانا. 6 تامىز. baq.kz – اباي مۇرالارىن زەرتتەۋ ٴىسى حالىقارالىق دەڭگەيدە جۇرگىزىلىپ وتىر. اقىن مۇرالارىنا باتىس پەن شىعىستىڭ عالىمدارى ەرەكشە قىزىعۋشىلىق تانىتۋدا. بۇل تۋرالى بۇگىن ابايدىڭ 170 جىلدىق مەرەيتويىنا وراي وتكەن سالتاناتتى جيىندا قر مەملەكەتتىك حاتشىسى گۇلشارا ٴəبدىقالىقوۆا مəلىمدەدى، دەپ حابارلايدى baq.kz ٴتىلشىسى.

- ادامزاتقا ابايداي پەرزەنت سىيلاعان قاسيەتتى توپىراققا ىستىق سəلەمىمدى جولدايمىن. سالتاناتتى جيىنعا قاتىسۋشىلارعا العىسىمدى بىلدىرەمىن. əلەم تاريحىندا ادامزاتتىڭ دامۋىنا ولشەۋسىز ۇلەس قوسقان تۇلعالار بار. ادامزات سول تۇلعالار ارقىلى تۋعان حالقىن، ەلىن تانيدى. سول تۇلعالاردىڭ شىعارماشىلىعىمەن تانىسقان سان ۇرپاق وزدەرىن تولعاندىرعان سۇراقتارعا جاۋاپ الادى. اباي دا سول تۇلعالاردىڭ قاتارىنان كورىنەدى. سوندىقتان ابايدىڭ مەرەيتويىن لايىقتى دەڭگەيدە اتاپ ٴوتۋ، ونىڭ ەسىمىن ۇلىقتاۋ ەل ىشىندە عانا قالىپ وتىرعان جوق. جۋىردا اقش-تىڭ سميتسون ۋنيۆەرسيتەتىنىڭ قىزمەتكەرلەرى قازاقتىڭ باس اقىنى ابايدىڭ شىعارماشىلىعىن زەرتتەۋدى قولعا الدى. تاياۋدا ٴبىرقاتار زەرتتەۋشىلەر جيدەباي جەرىندە بولىپ، اقىننىڭ رۋحىنا تاعزىم ەتتى. اباي مەرەيتريىنا ارنالعان شارالار تۇركيا، رەسەي، موڭعوليا جəنە ەۋروپانىڭ بىرنەشە ەلدەرىندە ٴوتتى. ويشىل اقىن، قازاق جازبا əدەبيەتىنىڭ نەگىزىن قالاۋشى ابايدىڭ بولمىسىن تانۋ، مۇراسىن ناسيحاتتاۋ جاڭا قارقىنمەن جۇرگىزىلۋدە. بۇل باعىتتاعى جۇمىستار ودان ٴəرى جالعاسىن تاباتىن بولادى. ويتكەنى، ۇلت ۇستازى ابايدى وقۋ، ونىڭ دانالىعىنا ٴۇڭىلۋ ۇلكەن رۋحاني بايلىق دەپ بىلەمىن. ٴبىز بۇل بايلىقتى ۇرپاقتان ۇرپاققا جەتكىزىپ، əلەمدىك دەڭگەيدەگى تۇلعامىزبەن ماقتاناتىن بولامىز،- دەدى گ.ٴəبدىقالىقوۆا.

ايتا وتەيىك، 2 تامىزدان شىعىس قازاقستان وبلىسىندا ابايدىڭ 170 جىلدىق مەرەيتويىنا وراي ٴتۇرلى شارالار وتكىزىلۋدە. اقىن مەرەيتويىنىڭ رەسمي قورىتىندىسى ەرتەڭ جيدەباي-بورىلى جەرىندە وتەدى.


نۇرسەرىك جولبارىس


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي