BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا الاشوردا قايراتكەرىنە ەسكەرتكىش اشىلدى

 استانا. 19 قىركۇيەك. baq.kz - بۇگىن پاۆلودار قالاسىندا قازاقتىڭ كورنەكتى جازۋشىسى، دراماتۋرگ، پۋبليسيست، ابايدان كەيىنگى قازاق ادەبيەتىنىڭ نەگىزىن قالاۋشىلاردىڭ ٴبىرى، پەداگوگ-عالىم جۇسىپبەك ايماۋىتوۆتىڭ تۋعانىنا 125 جىل تولۋ ايتۋلى داتاعا وراي ەسكەرتكىش اشىلدى. بۇل تۋرالى وبلىس اكىمدىگىنىڭ ٴباسپاسوز قىزمەتى حابارلاپ وتىر.

  الاش زيالىسىنىڭ قۇرمەتىنە ارنالعان ەسكەرتكىش جۇسىپبەك ايماۋىتوۆ اتىنداعى قازاق مۋزىكالى دراما تەاترىنىڭ الدىندا ورناتىلدى.
- ٴمۇسىننىڭ بيىكتىگى 3،6 مەتردى قۇرايدى. ال تۇعىمەن بىرگە بيىكتىگى - 7،6 مەتر. جۇسىپبەك ايماۋىتوۆتىڭ ەسكەرتكىشى قولادان قۇيىلعان، تۇعىرى قويۋ قارا ٴتۇستى جىلتىر گرانيتتەن سوعىلعان. ەسكەرتكىشتىڭ اۆتورى - استانالىق ٴمۇسىنشى ەرمەك توقتاروۆ. قالا تۇرعىندارى ٴمۇسىندى كورىپ، الاش ارداقتىسىنىڭ الىپ تۇلعاسىن، دارالىعىن كوزگە ەلەستەتەدى. سەبەبى، مۇسىنشىلەر ٴبىرىنشى كەزەكتە جازۋشىنىڭ بەينەسىنە ٴمان بەرگەن، - دەپ حابارلادى مادەنيەت باسقارماسىنان.
قالامگەر ەسكەرتكىشى «كەرەمەت-پۆ» جشس-تىڭ، جەرگىلىكتى ىسكەر كاسىپكەرلەردىڭ دەمەۋشىلىك كومەگى ارقاسىندا بوي كوتەردى.
ەسكەرتكىشتىڭ سالتاناتتى اشىلۋىنان كەيىن س.تورايعىروۆ اتىنداعى پمۋ-دە رەسپۋبليكالىق عىلىمي-پراكتيكالىق كونفەرەنسيا ٴوتتى.
سونىمەن قاتار، بۇگىن ساعات 18.00-دە قالامگەر ەسىمى بەرىلگەن وبلىستىق قازاق تەاترى ٴ25-شى ونەر ماۋسىمىن الاش ارداقتىسى جۇسىپبەك ايماۋىتوۆ بەينەسى سومدالاتىن «ار الداسپانى - ايماۋىتوۆ» قويىلىمىمەن اشىلادى. بۇل ٴبىرتۋار تۇلعا - جۇسىپبەك ايماۋىتوۆتىڭ ساحنالىق بەينەسىن پاش ەتكەن العاشقى پەسا. قويىلىم اۆتورى – قر حالىق ٴارتىسى، رەجيسسەر-دراماتۋرگ ەرسايىن تولەۋباي. پەسا سيۋجەتىندە اتاقتى جەرلەسىمىزدىڭ ٴماشھۇر ٴجۇسىپ كوپەەۆ، جۇمات شانين، مۇحتار اۋەزوۆ پەن امىرە قاشاۋبايەۆتارمەن كەزدەسكەن ساتتەرى دە پاش ەتىلەدى.
«ار الداسپانى - ايماۋىتوۆ» سپەكتاكلى جۇسىپبەك ايماۋىتوۆتىڭ 125 جىلدىعىنا وراي ۇيىمداستىرىلعان رەسپۋبليكالىق تەاترلار فەستيۆالىندە كورەرمەنگە جول تارتقان بولاتىن.
جازۋشى مەرەيتويى تۋعان جەرى - باياناۋىل اۋدانىندا دا جالعاسىن تابادى. 20 قىركۇيەك كۇنى «ارداقتى الاش ازاماتى» اتتى مۋزىكالى-ادەبي كەش جانە ۇلتتىق ات سپورت تۇرلەرىنەن جارىستار باياناۋىل اۋدانى مويىلدى القابىندا وتەدى دەپ جوسپارلانعان.
ايتۋلى مەرەيتويعا ارنايى كەلگەن قوناقتار: عالىم جايلىباي، اكىم تارازي، عاريفوللا ەسىم، اشىربەك سىعاي، قالامگەردىڭ نەمەرەسى ريما ايماۋىتوۆا مەن ۆاسيليي ايماۋىتوۆ جانە جازۋشىنىڭ اتالاس تۋعان-تۋىستارى، پاۆلودار وبلىسىنىڭ زيالى قاۋىم وكىلدەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي