BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دۋلات يسابەكوۆ: دراماتۋرگ قاتال حيرۋرگ سياقتى بولۋى كەرەك

«دراماتۋرگ قاتال حيرۋرگ سياقتى بولۋى كەرەك. حيرۋرگ ادام اعزاسىنداعى ارتىق زاتتاردى اياماي كەسىپ الىپ تاستايدى. دراماتۋرگ تە تۋرا سولاي بولۋى ٴتيىس». بۇگىن «ەكسپو-2017» حالىقارالىق كورمەسىندەگى ۇلىبريتانيا پاۆيلونىندا وتكەن اعىلشىن تىلىندەگى شىعارمالارىنىڭ تۇساۋكەسەرى كەزىندە بەلگىلى جازۋشى، ايگىلى دراماتۋرگ دۋلات يسابەكوۆ وسىلاي دەدى. بۇل تۋرالى baq.kz اقپارات اگەنتتىگىنىڭ ٴتىلشىسى حابارلايدى.

سول «قاتالدىعىنىڭ» ارقاسىندا بۇكىل الەمگە تانىلعان جازۋشىنىڭ بۇگىنگى شىعارمالارىن اعىلشىن تىلىنە شىڭعىس ايتماتوۆ اكادەمياسىنىڭ ديرەكتورى، گەرمانيالىق راحيم ابدۋاليەۆ، ۇلىبريتانيا تەاترىنىڭ ديرەكتورى دەۆيد پاپاۆ جانە يرلانديالىق تاۋەلسىز سىنشى، پسيحولوگ سارا كوپلەي اۋدارعان. تۇساۋكەسەر راسىمىنە قاتىسقان شەتەلدىك قالامگەرلەر دۋلات يسابەكوۆتىڭ تۋىندىلارىن وتە جوعارى باعالاپ، قازاقستاندىق دراماتۋرگقا دەگەن قۇرمەتتەرىن ٴبىلدىردى.

شىڭعىس ايتماتوۆتىڭ ورىس تىلىندە جارىق كورگەن شىعارمالارىنىڭ بارلىعىن اعىلشىنشاعا اۋدارعان راحيم ابدۋاليەۆ ەكى جازۋشىنىڭ ۇقساستىقتارىنا توقتالىپ، بىلاي دەدى: «قازاقستاندا قالامگەرلەردىڭ ٴوزى ەكىگە بولىنەدى. ولار ورىسشا سويلەيتىن جانە ٴقازاقتىلدى جازۋشىلار. ەگەر شىڭعىس ايتماتوۆ ورىس تىلىندە جازسا قىرعىزدار ونى اسا قاتتى مويىندامايتىن ەدى. قازاقستاندا دا سونى بايقادىم. ماعان شىڭعىس ايتماتوۆتى اۋدارۋ وڭاي بولدى. ايتماتوۆ پەن يسابەكوۆتىڭ ۇقساستىقتارى بار. ٴبىز ش.ايتماتوۆتىڭ «ٴجاميلاسى» مەن دۋلات يسابەكوۆتىڭ «گاۋھارتاسىن» سالىستىرا جازعان كەزدە جۇرتشىلىق بىردەن قابىلدادى».

دۋلات يسابەكوۆتىڭ پەساسى الەمنىڭ 26 ەلىندە قويىلىپ شىققان ەكەن. قازاق قالامگەرىنىڭ 70 جىلدىعىنا وراي بيىلعى جىلدىڭ قازان ايىندا لوندوندا دراماتۋرگ شىعارمالارىنان سپەكتاكل قوياتىنىن ايتقان ۇلىبريتانيا تەاترىنىڭ ديرەكتورى دەۆيد پاپاۆ قازاق جازۋشىسىنىڭ شىعارمالارىن ەرەكشە باعالادى.

– كەز كەلگەن جازۋشىنىڭ شىعارماسىنا پەسا قويۋ قيىن. ٴتىپتى، كارل ماركس، ۋيليام شەكسپيردىڭ شىعارمالارىن ساحنالاۋدىڭ ٴوزى ٴبىز ٴۇشىن قيىندىق تۋدىرعان. دۋلات يسابەكوۆتىڭ كەز كەلگەن پەساسىنان وتە تارتىمدى ساحنالىق تۋىندى شىعارا الامىز. گوگول، چەحوۆتىڭ شىعارمالارىن كيەلى ساحناعا قيىندىقپەن الىپ شىققان رەجيسسەر ك.س.ستانيسلاۆسكيي ٴتىرى بولسا دۋلات يسابەكوۆتىڭ تۋىندىسىن ويلانباستان تاڭدار ەدى. مەن دۋلات يسابەكوۆتى اعىلشىن تىلىندە جارىق كورگەن شىعارمالارى ارقىلى ەڭ جوعارى دراماتۋرگ رەتىندە تانيمىن. ونىڭ قاي تۋىندىسىن بولماسىن جان جۇرەگىڭمەن سەزىنىپ قوياسىڭ. مەن شىعارمالارىڭىزدى لوندون تۇرعىندارىنا ناسيحاتتاۋدان جالىقپايمىن، - دەدى رەجيسسەر دەۆيد پاپاۆ.


تۇساۋكەسەرگە قاتىسىپ قۇتتىقتاۋ ٴسوزىن سويلەگەن قر مادەنيەت جانە سپورت ٴمينيسترى ارىستانبەك مۇحامەدي ۇلى ۇلىبريتانيا مەن قازاق ەلىنىڭ مادەنيەت پەن ادەبيەت سالاسىنداعى بايلانىسىنىڭ ارتقانىن ايتىپ، جازۋشىعا اق تىلەگىن ٴبىلدىردى.

– جازۋشىنىڭ وسىعان دەيىن بىرنەشە تۋىندىسى اعىلشىن تىلدەرىندە جارىق كورگەن. بۇگىن ايتۋلى شاراعا ۇلىبريتانيادان اۆتور شىعارمالارىن اۋدارعان جانە وعان قىزىعۋشىلىق تانىتقان قوناقتار كەلىپ وتىر. ۇلىبريتانيا پاۆيلونىنىڭ اۋماعىندا مۇنداي شارانىڭ ٴوتۋى ەكى ەلدىڭ مادەني جانە شىعارماشىلىق بايلانىسىنىڭ نىعايۋىنا سەبەپكەر بولماق. «مادەنيەتى مەن ادەبيەتى بيىك حالىق – ۇلى حالىق» دەپ عابيت مۇسىرەپوۆ ايتقانداي، ەلىمىزدىڭ رۋحاني قازىناسىن الەمدىك دەڭگەيدە تانىتىپ جۇرگەن دۋلات اعامىزعا شىعارماشىلىق تابىس پەن دەنىنە ساۋلىق تىلەيمىن، - دەدى مينيستر ارىستانبەك مۇحامەدي ۇلى.

دۋلات يسابەكوتىڭ العاشقى ۇستازدارىنىڭ ٴبىرى، قوعام قايراتكەرى مىرزاتاي جولداسبەكوۆ ونىڭ مىقتى كلاسسيك ەكەندىگىن ايتتى.

– كلاسسيك بولۋ دا وڭاي ەمەس، كلاسسيكتى مويىنداۋ دا ەرلىك. ال بىزدەر جاقسىنىڭ جاقسىلىعىن ايتۋعا قيمايمىز. ول مىقتى كلاسسيك. مەن ونى ماقتانىشپەن ايتا الامىن، - دەدى قازاق ادەبيەتىنىڭ اقساقالى مىرزاتاي جولداسبەكوۆ.

ٴوز باسىنداعى جەتىستىك پەن شىعارماشىلىق تابىستىڭ تەك تاۋەلسىزدىكتىڭ ارقاسىندا كەلگەنىن تەبىرەنە تولعاعان بەلگىلى جازۋشى، اتاقتى دراماتۋرگ، قر مەملەكەتتىك سىيلىعىنىڭ يەگەرى، حالىقارالىق پەن كلۋب، پلاتينالى «تارلان» سىيلىقتارىنىڭ لاۋرەاتى دۋلات يسابەكوۆ ٴوز وقىرماندارىنا ريزاشىلىعىن ٴبىلدىردى.

– دراماتۋرگ قاتال حيرۋرگ سياقتى بولۋى كەرەك. ياعني ول ارتىق نارسەنى اياماي كەسىپ تاستاۋى ٴتيىس. سوندا عانا جاقسى سپەكتاكل پايدا بولادى. ال ٴبىزدىڭ جازۋشىلار بۇكىل ٴسوزىمدى كەسىپ تاستادى دەپ رەنجىپ جاتادى. سوۆەت وداعى كەزىندە قالاماقى دەگەن بولعان جوق. سول كەزدە مادەنيەتكە بولىنگەن قارجىنىڭ بەس-اق پايىزى قازاقستانعا تيەتىن. ٴسويتىپ ٴجۇرىپ ٴبىز «گاۋھارتاستى» تۇسىردىك. وسى جەتىستىگىمنىڭ بارلىعى وسى تاۋەلسىزدىگىمىزدىڭ ارقاسى، - دەدى جازۋشى.

ايتا كەتەيىك، جازۋشىنىڭ 70 جىلدىعىنا وراي قازان ايىندا مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى ايگىلى دراماتۋرگتىڭ شىعارمالارىن شەتەلدەردە ساحنالاماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي