BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن اقسەلەۋ سەيدىمبەكتىڭ دۇنيەدەن وتكەن كۇنى

بۇگىن جازۋشى، ادەبيەت زەرتتەۋشى، عالىم، فيلولوگيا عىلىمىنىڭ دوكتورى، ەتنوگراف-عالىم اقسەلەۋ سەيدىمبەكتىڭ دۇنيەدەن وتكەن كۇنى.

اقسەلەۋ سلان ۇلى وسىدان ٴدال 7 جىل بۇرىن قادىر ٴتۇنى 67 جاسىندا دۇنيەدەن وزعان بولاتىن. مارقۇمنىڭ دەنەسى ٴوزى تۋىپ وسكەن قاراعاندى وبلىسى، جاڭاارقا اۋدانىندا جەرلەنگەن.

اقسەلەۋ سلان ۇلى سەيدىمبەك 1942 جىلى 12 جەلتوقساندا قاراعاندى وبلىسى جاڭارقا اۋدانىندا دۇنيەگە كەلگەن. 1959 جىلى جاڭاارقا اۋدانىنىڭ ورتالىعىندا №1 قازاق ورتا مەكتەبىن بىتىرگەن سوڭ، كومسومولدىق جولدامامەن قىزىلتاۋ، اقتاۋ كەڭشارلارىنىڭ مال شارۋاشىلىعىندا ٴۇش جىل ەڭبەك ەتەدى.1961 جىلى ٴال-فارابي اتىنداعى قازاقتىڭ ۇلتتىق ۋنيۆەرسيتەتىنە وقۋعا ٴتۇسىپ، 1968 جىلى جۋرناليستيكا فاكۋلتەتىن ٴبىتىرىپ شىقتى. ۋنيۆەرسيتەتتە وقىپ ٴجۇرىپ 1963-64 جىلدارى ترويسك قالاسىندا اسكەري مىندەتىن اتقارىپ قايتادى. ول ٴال-فارابي اتىنداعى ۋنيۆەرسيتەتتىڭ «جۋرناليست» گازەتىن شىعارۋشى القانىڭ جانە م.اۋەزوۆ اتىنداعى ادەبي بىرلەستىكتىڭ مۇشەسى، «قاينار» قولجازبا جۋرنالىنىڭ باس رەداكتورى، ماسكەۋدەگى قازاق جاستارى قۇرعان «جاس تۇلپار» اتتى مادەني قوزعالىستىڭ قازاقستانداعى وكىلى بولىپ، شىعارماشىلىق جانە قوعامدىق جۇمىستارعا سەرگەك ارالاسا باستايدى. 1968-1975 جىلدارى «لەنينشىل جاس» (قازىرگى «جاس الاش») گازەتىندە ادەبي قىزمەتكەر، مەنشىكتى ٴتىلشى، 1975-1976 جىلدارى «ورتالىق قازاقستان» گازەتىنىڭ جاۋاپتى حاتشىسى، 1976-1983 جىلدارى «سوسياليستىك قازاقستان» (قازىرگى «ەگەمەن قازاقستان») گازەتىندە ادەبيەت جانە ونەر ٴبولىمىنىڭ مەڭگەرۋشىسى، 1983-1987 جىلدارى «ٴبىلىم جانە ەڭبەك» (قازىرگى «زەردە») جۋرنالىنىڭ باس رەداكتورى بولىپ قىزمەت اتقاردى. م.و.اۋەزوۆ اتىنداعى ادەبيەت جانە ونەر ينستيتۋتىندا قولجازبا ٴبولىمىنىڭ مەڭگەرۋشىسى، ى.التىنسارين اتىنداعى ٴبىلىم پروبلەمالارى ينستيتۋتىنىڭ ديرەكتورى، قازاق ٴبىلىم اكادەمياسىنىڭ تۇڭعىش پريزيدەنتى، قر پريزيدەنتتىك مادەني ورتالىعى ديرەكتورىنىڭ عىلىم جونىندەگى ورىنباسارى قىزمەتتەرىن اتقاردى. كوز جۇمعانعا دەيىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسورى بولدى.

«اققىز» (1991)، «كۇڭگىر-كۇڭگىر كۇمبەزدەر» (1981)، «سونار» (1989)، «مىڭ ٴبىر مارجان» (1989)، «كۇي شەجىرە». ٴبىرىنشى كىتاپ (1992)، «كۇي شەجىرە». ەكىنشى كىتاپ (1997)، «بالتالى-باعانالى ەل امان بول» (1993)، «كوشپەلىلەر تاريحى» (1995)، «قازاق الەمى» (1997)، «ەلتۇتقا» (2001)، «قازاقتىڭ كۇي ونەرى» (2002)، «قازاقتىڭ اۋىزشا تاريحى» (2008 بەت) اتتى شىعارمالارى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي