BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن – دۇنيەجۇزىلىك جازۋشىلار كۇنى

بۇگىن – دۇنيەجۇزىلىك جازۋشىلار كۇنى! بۇل اتاۋلى كۇن 1986 جىلعى قاڭتاردىڭ ٴ12-18-ى ارالىعىندا وتكەن حالىقارالىق پەن-كلۋبتىڭ ٴ48-شى كونگرەسىنىڭ شەشىمىمەن اتاپ وتىلەدى.

پەن-كلۋبتىڭ نەگىزى 1921 جىلى قالاندى. ۇيىمنىڭ اتاۋى - اعىلشىن ٴسوزىنىڭ ٴبىرىنشى ارپىنەن قۇرالعان poets - اقىندار، essayists - ەسسەشىلەر، novelists - نوۆەللاشىلار اببرەۆياتۋراسى. بۇل قىسقارتىلعان ٴسوز اعىلشىن تىلىنەن اۋدارعاندا pen - قالام سوزىمەن سايكەس كەلەدى.

ۇيىم اتاۋى اعىلشىندىق جازۋشى كەترين ەمي دوۋسون-سكوتتقا تيەسىلى. پەن-كلۋبتىڭ العاشقى پرەزيدەنتى - دجون گولسۋورسي. 1923 جىلى لوندوندا پەن-كلۋبتىڭ العاشقى حالىقارالىق كونگرەسى ٴوتتى. سول ۋاقىتتا پەن-ورتالىق الەمنىڭ 11 ەلىندە بار بولاتىن. ال ٴقازىر دۇنيەنىڭ 130 ەلىندە، سونىڭ ىشىندە قازاقستاندا دا بار.

پەن-كلۋب - حالىقارالىق جازۋشىلار بىرلەستىگى، ونىڭ حارتياسىندا «ٴار ەلدىڭ ىشىندەگى جانە بارلىق ەلدەر اراسىنداعى اقپارات بوستاندىعى پرينسيپتەرىن قورعاۋعا جاقتاسۋ» دەپ كورسەتىلگەن.

قازاقستاندا 800-دەن استام وتاندىق كاسiبي ادەبيەتشىلەردى بiرiكتiرەتiن قوعامدىق، شىعارماشىلىق ۇيىم - قازاقستان جازۋشىلار وداعى جۇمىس ىستەيدى.

قازاقستان رەسپۋبليكاسى جازۋشىلار وداعىنىڭ باستاۋىندا مەملەكەت جانە قوعام قايراتكەرى، جازۋشى ساكەن سەيفۋللين تۇردى. 1925 جىلى رەسپۋبليكادا جاس دارىنداردى بىرىكتىرەتىن جانە ولاردى قولدايتىن قازاقستاننىڭ پرولەتارلىق جازۋشىلار قاۋىمداستىعى قۇرىلدى، ول 1934 جىلى قازاقستاننىڭ كەڭەس جازۋشىلارى وداعى بولىپ وزگەرتىلدى.

بۇل ۇيىمدى 80 جىل بويى ساكەن سەيفۋللين، ٴىلياس جانسۇگىروۆ، عابباس توعجانوۆ، ٴسابيت مۇقانوۆ، مۇحامەدجان قاراتايەۆ، ديحان ابىلەۆ، ٴابدىلدا تاجىبايەۆ، عابيدەن مۇستافين، عابيت مۇسىرەپوۆ، ٴادي ٴشارىپوۆ، ٴانۋار ٴالىمجانوۆ، جۇبان مولداعاليەۆ، ولجاس سۇلەيمەنوۆ، قالداربەك نايمانباي سىندى مارقاسقالار باسقاردى. قازىرگى تاڭدا نۇرلان ورازالين ٴتوراعالىق ەتەدى.

بۇگىندە جازۋشىلار وداعى - قازاقستاننىڭ بۇرىننان كەلە جاتقان بىرلەستىكتەرىنىڭ ٴبىرى. جازۋشىلار وداعىنىڭ قۇرامىندا - قازاق، ورىس، ۇيعىر، نەمiس جانە كارiس ادەبيەتىنىڭ شىعارماشىلىق سەكسيالارى، قاراعاندىدا، سەمەيدە، ورالدا، استانادا، شىمكەنتە 5 وبلىسارالىق بولiمشەلەرى بار.

adebiportal.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي