BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا اقىن ٴامىرحان بالقىبەك پەن تۇرىك اقىنى فارۋك چاملىبەلدى ەسكە الۋعا ارنالعان پوەزيا كەشى ٴوتتى

 استانا. 11 ماۋسىم. baq.kz – بۇگىن قر ۇلتتىق اكادەميالىق كىتاپحاناسى مەن يۋنۋس ەمرە ينستيتۋتىنىڭ استانا تۇرىك مادەني ورتالىعى بىرىگىپ، اقىن ٴامىرحان بالقىبەك پەن تۇرىك اقىنى فارۋك نافىز چاملىبەلدى ەسكە الۋعا ارنالعان پوەزيا كەشىن وتكىزدى.

 ادەبي كەش يۋنۋس ەمرە اتىنداعى تۇرىك مادەني ورتالىعىنىڭ ديرەكتورى يبراگيم يىلدىرىمنىڭ العى سوزىمەن اشىلدى.


«وسمان يمپەرياسى كەزىندە تۇرىكتەر وزدەرىن تۇرىك دەپ ايتپادى. يمپەريانىڭ قۇرامىنداعى بارلىق حالىقتار وزدەرىن «وسماندىقتار» دەپ اتادى. تۇرىك ٴسوزى اۋىلدىق جەرلەردە تۇراتىن حالىقتىڭ اتاۋى ٴتارىزدى ەدى. «تۇرىك» ٴسوزىن العاش رەت ادەبيەتتە قولدانعان نافىز چاملىبەل بولاتىن. اقىننىڭ ەرەكشەلەگى دە وسى بولاتىن. وسمان يمپەرياسىنداعى بارلىق حالىق ستامبۋل حالقىنا قاراپ بوي تۇزەيتىن. بۇل ٴۇردىستى دە تەرىسكە شىعارعان اقىن نافىز چاملىبەل ەدى. وسمانyىڭ قۇرامىنداعى وزگە جەرلەردىڭ مادەنيەتى مەن داستۇرلەرىندەگى ەرەكشەلىكتەردى تەرەڭ مەڭگەرگەن اقىن ٴوزىنىڭ جىرلارىنا ارقاۋ ەتتى. حالىق سول ولەڭدەر ارقىلى وزگە ايماقتاردىڭ مادەنيەتىمەن تانىستى. اقىن نافىز چاملىبەلدى قازاق حالقىنا العاش رەت تانىستىرعان قازاق اقىنى ٴامىرحان بالقىبەك بولاتىن. ٴامىرحان بالقىبەك نافىز چاملىبەلدىڭ ولەڭدەرىن اۋدارىپ، قازاق پەن تۇرىك حالىقتارىنىڭ ىنتىماعىنا زور ۇلەس قوستى. ونىڭ بۇل ەڭبەگىن جوعارى باعالايمىز»، - دەدى يبراگيم يىلدىرىم.


تۇرىك جازۋشىلارىنىڭ كوپتەگەن شىعارمالارىن قازاق تىلىنە اۋدارعان اقىن مارجان ەرشۋ دا ٴوز سوزىندە ەكى ەلدىڭ اراسىنداعى مادەني بايلانىستاردىڭ ودان ٴارى نىعايا تۇسەتىندىگىنە سەنىم ٴبىلدىردى.


«قازاق حالقى مەن تۇرىك حالقىنىڭ مادەني بايلانىستارىنىڭ ارتا تۇسۋىنە استاناداعى يۋنۋس ەمرە اتىنداعى تۇرىك مادەني ورتالىعى كوپ ەڭبەك ٴسىڭىرىپ كەلەدى. تۇرىك اقىنى نافىز چاملىبەل مەن قازاق اقىنى ٴامىرحان بالقىبەكتى ەسكە الۋعا ارنالعان كەش وسىنىڭ ايعاعى. الداعى ۋاقىتتا ٴامىرحان بالقىبەكتىڭ بۇل باستاماسىن قازاق پەن تۇرىكتىڭ وزگە اقىندارى جالعاستىرا تۇسەرى انىق. ەكى ەلدىڭ اراسىنداعى مادەني بايلانىستار ودان ٴارى دامي تۇسەتىنىنە سەنىمدىمىن»، - دەدى مارجان ەرشۋ.

 

مادەني ورتالىقتىڭ ديرەكتورى يبراگيم يىلدىرىم قازاق اقىنى ٴامىرحان بالقىبەكتىڭ شىعارماشىلىعىن جوعارى باعالايتىندىعىن ايتىپ، اقىننىڭ وتباسىنا ارنايى «قۇرمەت گراموتاسىن» تاپسىردى. گراموتانى الماتى قالاسىندا تۇراتىن اقىننىڭ وتباسىنا تاپسىرۋ اماناتى  اقىن باۋىرجان قاراعىز ۇلىنا جۇكتەلدى.

 


«تۇرىك مادەني ورتالىعىنىڭ ۇجىمىنا العىسىمدى بىلدىرەمىن. قازاقستان مەن تۇركيانىڭ اراسىنا التىن كوپىر ورناتقان ورتالىق رەتىندە جوعارى باعالايمىن. اقىن ٴامىرحان بالقىبەك قازاقتىڭ ار-ۇجدانى، ۇياتى، ادەبيەتىمىزدىڭ ەرەكشە تۇلعاسى دەپ ايتا الامىن. اقىنىمىزدى ەرەكشە دارىپتەگەن ورتالىققا ريزاشىلىعىمدى بىلدىرەمىن»، - دەدى باۋىرجان قاراعىز ۇلى.


ادەبي كەشكە جينالعان كوپشىلىك قاۋىم ٴامىرحان بالقىبەك پەن نافىز چاملىبەلدىڭ ولەڭدەرىن وقىپ، ٴوزارا پىكىر الماسىپ تارقاستى.

 

نۇرسەرىك جولبارىس،

عابيت ماداليەۆ (فوتو).

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي