BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«التىن توبىلعى» ادەبي بايقاۋى جاريالاندى. جۇلدە قورى – 5،5 ملن تەڭگە

قازاقستان رەسپۋبليكاسى تۇڭعىش پرەزيدەنتى – ەلباسى قورى بيىل ٴۇشىنشى رەت وتەتىن ٴداستۇرلى «التىن توبىلعى» ادەبيەت بايقاۋىنا وتىنىمدەردى قابىلداۋ باستالعانى تۋرالى حابارلايدى. سىياقىنىڭ جالپى قورى – 5،5 ميلليون تەڭگە.

بايقاۋدىڭ نەگىزگى ماقساتى – ۇلتتىق ادەبيەتتە جاڭا ەسىمدەردى قالىپتاستىرۋ جانە جاس قالامگەرلەردىڭ ومىرلىك فيلوسوفياسىن كورسەتەتىن قازىرگى زامانعى ادەبيەتكە قوعامنىڭ قىزىعۋشىلىعىن ارتتىرۋ.

جوبانىڭ سەرىكتەستەرى – قازاقستان جازۋشىلار وداعى جانە مەملەكەتتىك ٴتىلدى دامىتۋ قورى.

قر تۇڭعىش پرەزيدەنتى – ەلباسى قورى «التىن توبىلعى» ادەبيەت سىيلىعىن العاش رەت 2015 جىلى تاعايىنداعان. بايقاۋ قازاقستاننىڭ جاس تالانتتارىن قولداۋعا باعىتتالعان جانە ولاردىڭ ادەبيەت سالاسىنداعى شىعارماشىلىق الەۋەتىن كوپشىلىككە تانىمال ەتۋگە مۇمكىندىك بەرەدى. جاس اقىن-جازۋشىلار، پروزايكتەر مەن دراماتۋرگتەردىڭ جاڭا ەسىمدەرى ەلگە تانىمال بولىپ، شىعارمالارى قازىرگى زامانعى ادەبيەتتە لايىقتى ورىنعا يە بولادى.

بايقاۋعا ەلىمىزدىڭ 18-35 جاس ارالىعىنداعى جاس دارىندار قاتىسا الادى جانە بۇدان بۇرىن ەش جەردە جاريالانباعان تۋىندىلار عانا قابىلدانادى.

«التىن توبىلعى» سىيلىعى «ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «ۇزدىك بالالارعا ارنالعان شىعارما» سياقتى ٴتورت نوميناسيا بويىنشا تاعايىندالعان. ٴاربىر نوميناسيانىڭ جەڭىمپازىنا 1 ميلليون تەڭگە سىياقى بەرىلەدى. سونىمەن قاتار، بيىلعى جىلى قر پرەزيدەنتى ن.ٴا.نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى ماقساتتاردى جۇزەگە اسىرۋعا ارنالعان ارنايى تاقىرىپتىق نوميناسيا جاريالاندى. بۇل «تۋعان ەل» نوميناسياسى بويىنشا سىياقى 1،5 ميلليون تەڭگە كولەمىندە بەلگىلەندى.

شىعارمالاردى ەلىمىزدىڭ تانىمال مادەنيەت قايراتكەرلەرى، اقىن-جازۋشىلار مەن جۋرناليستەرىنەن قۇرالعان قازىلار القاسى ساراپتايتىن بولادى.

بايقاۋعا ۇسىنىلعان جۇمىستار جانرعا سايكەستىك، ويلاۋ دەربەستىگى، اۆتورلىق ۇستانىم، بايانداۋ رەتتىلىگى مەن ماعىنالىلىعى، يدەيا ەرەكشەلىگى، ادەبي-كوركەم قۇندىلىعى، كوركەمدىك قيال مەن شىعارماشىلىق كوزقاراس، ەستەتيكالىق اسەر تەرەڭدىگى سياقتى ولشەمدەر بويىنشا باعالانادى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جەتىلدىرىلگەن. شىعارما لاقاپ اتپەن قابىلدانىپ، ساراپتاۋ كەزىندە قازىلار القاسى قاتىسۋشىلاردىڭ ەسىمدەرىن بىلمەيتىن بولادى.

وتىنىمدەر 2017 جىلعى 1 شىلدە مەن 1 قاراشا ارالىعىندا قابىلدانادى. جەڭىمپازدار ەسىمى (سىيلىق لاۋرەاتتارى) 2017 جىلى جەلتوقسان ايىندا جاريالانادى.

قازاقستان رەسپۋبليكاسى تۇڭعىش پرەزيدەنتى – ەلباسى قورى – 2000 جىلى نۇرسۇلتان نازاربايەۆتىڭ جەكە باستاماسىمەن قۇرىلعان كوممەرسيالىق ەمەس ۇيىم. قور الەۋمەتتىك، قايىرىمدىلىق، مادەني، ٴبىلىم بەرۋ جانە باسقا دا قوعامعا پايدالى جوبالاردى ىسكە اسىرىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي