BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىن ٴابدىلدا تاجىبايەۆقا ەسكەرتكىش ورناتىلدى

 استانا. 17 ماۋسىم. baq.kz – بۇگىن قىزىلوردادا  كورنەكتى اقىن، قازاقستاننىڭ حالىق جازۋشىسى، قوعام قايراتكەرى ٴابدىلدا تاجىبايەۆتىڭ ەسكەرتكىش-بيۋستى اشىلدى. وعان وبلىس اكىمى قىرىمبەك كوشەربايەۆ جانە اقىننىڭ ۇرپاقتارى قاتىستى.

 وتكەن عاسىردىڭ باسىندا دۇنيە ەسىگىن اشىپ، كەڭەستىك ٴداۋىردىڭ بارلىق قيىن كەزەڭدەرىن باسىنان كەشىرىپ، ارتىندا ولمەس ادەبي مۇرا قالدىرىپ كەتكەن قازاقتىڭ كورنەكتى اقىنى، سىر ەلىنىڭ پەرزەنتى، قازاقستاننىڭ حالىق جازۋشىسى، دراماتۋرگ، سىنشى، ادەبيەت، تەاتر زەرتتەۋشىسى ٴابدىلدا تاجىبايەۆتىڭ ٴتول ادەبيەتىمىزدە الار ورنى ەرەكشە. ۇلى اقىنعا قاي وڭىردە ەسكەرتكىش قويسا دا جاراسىمدى. ال بۇل ٴبيۋستتىڭ ورنى بولەك. ويتكەنى، ٴوزىنىڭ تۋعان جەرىندە، ٴوزىنىڭ ەسىمىمەن اتالاتىن ۇلكەن رۋحاني شاڭىراق - وبلىستىق كىتاپحانانىڭ الدىنا قويىلدى. وبلىس اكىمى قىرىمبەك كوشەربايەۆ اقىندى ۇلىقتاۋعا ارنالعان شارادا قۇتتىقتاۋ ٴسوز سويلەپ، ٴابدىلدا تاجىبايەۆتىڭ ونەرى وسكەلەڭ ۇرپاققا ونەگە بولۋ كەرەك ەكەندىگىن تىلگە تيەك ەتتى.
- سىر توپىراعىنان شىققان جارىق جۇلدىزدارىمىزدى ۇلىقتاپ، ولارعا لايىقتى قۇرمەت كورسەتۋ – ٴبىزدىڭ پەرزەنتتىك پارىزىمىز. بۇل ەسكەرتكىشتىڭ قىزىلوردانىڭ كوركىنە كورىك قوسىپ، جاستارىمىزدىڭ بويىنا پاتريوتتىق سەزىم بەرەتىن رۋحاني ورىنعا اينالاتىنىنا سەنەمىز. ٴابدىلدا تاجىبايەۆتىڭ جالىندى جىرلارى جىل وتكەن سايىن ودان ٴارى اسقاقتاپ جاستاردى ورلىككە، بيىكتىككە شاقىرىپ، تەڭىز تەرەڭىندەگى مارجانداي جارقىراي بەرەتىنى ٴسوزسىز، - دەدى وبلىس اكىمى. ۇرپاعى زيفا ٴابدىلداقىزى دا اكەسى جايلى ەستەلىكتەر ايتىپ، جەرلەستەرىنە كورسەتىپ جاتقان قۇرمەتتەرى ٴۇشىن العىسىن جەتكىزدى.
شارا سوڭىندا قوناقتار اقىن شىعارماشىلىعىنا ارنالعان «جۇلدىز شاشقان جىرلار» اتتى تاجىبايەۆ وقۋىن، سونداي-اق «ۇلتتىق پوەزيا بايتەرەگى» اتتى كىتاپ كورمەسىن تاماشالاپ، اقىن مۇراجايىمەن تانىستى.

 

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي