BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ابايدىڭ 170 جىلدىعىنا وراي «abaialemi.kz» ونلاين پورتالى ىسكە قوسىلدى

استانا. 6 تامىز. baq.kz – 6 تامىز كۇنى سەمەيدە ابايدىڭ 170 جىلدىعىن مەرەكەلەۋ اياسىندا اقىننىڭ ٴومىرى مەن شىعارماشىلىعىنا ارنالعان www.abaialemi.kz ەنسيكلوپەديالىق ونلاين پورتالىنىڭ تۇساۋكەسەر ٴراسىمى ٴوتتى. بۇل جايىندا مەملەكەتتىك ٴتىلدى دامىتۋ قورىنىڭ ٴباسپاسوز قىزمەتى حابارلاپ وتىر.

مەملەكەتتىك ٴتىلدى دامىتۋ قورى جاساعان پورتال قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ باستاماسىمەن ٴوزىنىڭ «جىبەك جولى» بەيبىتشىلىك سىيلىعىنا العان قارجىسىنا ازىرلەندى. ەلباسى وسى اتالعان سىيلىقتىڭ ٴبىر بولىگىن الەۋمەتتىك جوبالاردى جۇزەگە اسىرۋ ٴۇشىن قورعا بەرگەن بولاتىن. سول جوبالاردىڭ ٴبىرى www.abaialemi.kz پورتالى بولىپ وتىر.

تۇساۋكەسەر راسىمىنە قوعام قايراتكەرلەرى، اقىن-جازۋشىلار قاۋىمى، تۇركىتانۋشىلار، تاريحشىلار، عالىمدار، اباي شىعارمالارىنىڭ اۋدارماشىلارى جانە الىس-جاقىن شەت ەلدەردەن كەلگەن قوناقتار قاتىستى.

وسى سالتاناتتى شارا بارىسىندا ۇلى اقىننىڭ شىعارماشىلىعى مەن ومىرىندەگى بۇعان دەيىن بەلگىسىز بولىپ كەلگەن جايتتارعا ارنالىپ قوردىڭ ارنايى تاپسىرىسىمەن تۇسىرىلگەن "ابايدىڭ ۇلى جۇمباعى" اتتى جاڭا رۋحاني-اعارتۋشىلىق دەرەكتى فيلم كورسەتىلدى.

www.abaialemi.kz ونلاين پورتالىندا ۇلى اباي ٴداۋىرى، ونىڭ ٴىزباسارلارى تۋرالى مالىمەت، ابايتانۋ ەڭبەكتەرى، زامانداستارىنىڭ ەستەلىكتەرى، ابايعا ارنالعان شىعارمالار، ت.ب. بار. پورتالدا ٴتۇرلى اقپارات كوزدەرىنەن (كىتاپتار، گازەت-جۋرنالدار، عىلىمي باسىلىمدار، دەرەكتى فيلمدەر، فوتو مۇراعاتتار، ت.ب) الىنعان دەرەكتەر ورنالاستىرىلعان. پورتالداعى قازاق، لاتىن جانە اراب تىلدەرىندەگى اقپارات مىناداي بولىمدەر بويىنشا ورنالاسقان: ابايدىڭ ٴومىربايانى، شىعارماشىلىعى، اباي الەم تىلدەرىندە، اباي ولەڭدەرى، اباي تۋرالى ەستەلىكتەر، ابايتانۋ، ابايتانۋشى-عالىمدار، «اباي جولى» ەپوپەياسى، ەستەلىك جەرلەر، اباي مۇراجايى، فوتوگالەرەيا.

ٴىس شارا سوڭىندا مەملەكەتتىك ٴتىلدى دامىتۋ قورىنىڭ ديرەكتورى ازات شاۋەەۆ اتالعان پورتالدىڭ جاس جەتكىنشەكتەر، ستۋدەنتتەر، ابايتانۋشى-عالىمدار، اباي شىعارمالارىن وزگە تىلگە اۋدارىپ جۇرگەن اۋدارماشىلار، ابايدىڭ رۋحاني مۇراسىنا قىزىعۋشىلىق بىلدىرگەن عالامتور جۇيەسىندەگى بارلىق پايدالانۋشىلار ٴۇشىن اسا ماڭىزدى ەكەنىن اتاپ ٴوتتى. «ٴبىزدىڭ قور قازىرگى زامان مۇمكىنشىلىكتەرىن پايدالانا وتىرىپ، الەمنىڭ قاي تۇكپىرىنەن بولماسىن قازاقتىڭ جازبا ادەبيەتىنىڭ نەگىزىن قالاعان تۇلعا تۋرالى اقپارات الۋعا تىلەك بىلدىرگەن ادامنىڭ قاجەتتى مالىمەتتى تابۋىنا مۇمكىندىك بەرەتىن وسىنداي تۇڭعىش ينتەرنەت-پورتالدى ىسكە قوسىپ وتىر» - دەدى ول. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي