BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ج.تۇيمەبايەۆ: جولداۋ - جاڭارۋدىڭ داڭعىل جولى

بۇگىن وڭتۇستىك قازاقستان وبلىسىندا ەلباسى نۇرسۇلتان نازاربايەۆتىڭ بيىلعى جىلعى حالىققا ارناعان «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن تالقىلاۋعا ارنالعان وبلىس اكتيۆىنىڭ وتىرىسى ٴوتتى. شاراعا وبلىس، اۋدان، قالالاردىڭ باسشىلارى، وبلىستىق ٴماسليحات دەپۋتاتتارى، ۇكىمەتتىك ەمەس ۇيىم وكىلدەرى مەن جاستار ۇيىمدارى قاتىستى.

جيىندا وبلىس اكىمى جانسەيىت تۇيمەبايەۆ بيىلعى جىلعى ستراتەگيالىق قۇجاتتىڭ مەملەكەتتىڭ وركەندەۋىنە نەگىز قالايتىنىن ايتا كەلە، ونىڭ ىشىندە ايماقتىڭ دامۋىنا جول اشاتىن باسىم باعىتتارعا كەڭىنەن توقتالدى.

ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا جاڭارۋ مەن جاڭعىرۋدىڭ داڭعىل جولىنا تۇسكەن قازاقستان شيرەك عاسىردىڭ ىشىندە بۇكىل الەمگە قۋاتتى، دامىعان، ىنتىماعى جاراسىپ، ىرىسى ارتقان مەملەكەت رەتىندە تانىلدى. ەندىگى كەزەكتە ٴاربىر قازاقستاندىق وسى بەرەكە-بىرلىك پەن ساياسي تۇراقتىلىقتى ودان ٴارى نىعايتىپ، ەلىمىزدىڭ ىرگەسىن بەكىتە ٴتۇسۋى قاجەت.

«بيىلعى جولداۋ ەل ەكونوميكاسىن نىعايتۋمەن قاتار، حالىقتىڭ ٴال-اۋقاتىن جاسقارتۋ بويىنشا جاڭا مىندەتتەر جۇكتەيدى. وسى ورايدا وڭىرىمىزدە ەكسپورتقا باعىتتالعان كاسىپورىنداردىڭ سانىن ارتتىرۋ ماقساتىندا جەرگىلىكتى تاۋار وندىرۋشىلەردىڭ باسەكەلىك قابىلەتتىلىگىن جوعارلاتىپ، وبلىسىمىزداعى 1،1 ملرد. اقش دوللارىن قۇرايتىن ەكسپورتتىق اينالىمدى 2 ەسەگە ارتتىرۋىمىز قاجەت. ەلباسىمىزدىڭ بىزگە ٴاردايىم قوياتىن باستى تالابى - جەكە جانە شەتەلدىك ينۆەستيسيا كولەمىنىڭ ەكونوميكاداعى ۇلەسىن ارتتىرۋ. وڭىرىمىزدەگى بۇگىنگى تاڭداعى 14،5 پايىز كولەمىندەگى شەتەلدىك ينۆەستيسيانى 2020 جىلعا دەيىن 25 پايىزعا ۇلعايتۋىمىز كەرەك. بۇل ٴۇشىن بىزدەر ينۆەستورلارمەن تىعىز جۇمىس جۇرگىزىپ، ولارعا ٴتيىمدى جاعداي جاساۋعا ٴتيىستىمىز. بۇگىننىڭ وزىندە وبلىستىڭ بارلىق وڭىرلەرىندە ينۆەستورلارمەن جۇمىس ىستەيتىن ارنايى موبيلدىك توپتار قۇرىلعان»،- دەدى جانسەيىت قانسەيىت ۇلى.

ەلباسىمىزدىڭ بيىلعى جولداۋىندا بيزنەس-ورتانى تۇبەگەيلى جاقسارتۋ جانە كەڭەيتۋ، ەلىمىزدە ينۆەستيسيالىق كليماتتى نىعايتۋ، جاپپاي كاسىپكەرلىكتى قولداۋ تەتىكتەرىن ودان ٴارى جەتىلدىرۋ كەرەكتىگى سونىڭ ىشىندە وتباسىلىق كاسىپكەرلىكتى دامىتۋ باعىتىندا كەشەندى شارالار جۇرگىزۋ قاجەتتىگىن باسىمدىق بەرىلىپ وتىر. بۇل تۇرعىدا وڭىردە دامىعان ەلدەردىڭ وزىق ستاندارتتارى مەن تاجىريبەسىن ەنگىزۋ ارقىلى جۇيەلى جۇمىستاردى قولعا الىنۋى قاجەتتىگى ناقتىلاندى.

بۇدان بولەك، وڭىرىمىزدەگى اگرارلىق سەكتوردى دامىتىپ، ەكسپورتتىق ٴونىم كولەمىن ارتتىرۋ مىندەتى جۇكتەلىپ وتىر. سوندىقتان ٴبىرىنشى كەزەكتە وبلىستاعى ٴىرى كانالداردى قالپىنا كەلتىرىپ، سۋارمالى جەرلەردىڭ كولەمىن 900 مىڭ عەكتارعا جەتكىزۋىمىز قاجەت. مىنە، وسى ايتىلعان مىندەتتەر مەن ماقساتتاردى ورىنداي وتىرىپ، بىزدەر 2025 جىلعا وبلىسىمىزدىڭ جالپى وڭىرلىك ٴونىم كولەمىندەگى ۇلەسىن 9 پايىزدان 15 پايىزعا ۇلعايتا الامىز.

كەڭەستە ەلباسى جۇكتەگەن مىندەتتەردى جۇزەگە اسىرۋدىڭ باعىتتارى بەلگىلەندى. اتاپ ايتساق، ٴىت سالاسىن دامىتۋ، اگرارلى-يندۋستريالدى ايماقتا يننوۆاسيالىق يندۋستريالاندىرۋ ترەندىن ٴتۇزۋ جانە كۇشەيتە تۇسۋگە باسا نازار اۋدارىلدى. ونەركاسىپ، اگروونەركاسىپتىك كەشەن، كولىك پەن لوگيستيكا، قۇرىلىس سەكتورى جانە باسقا سالالار جۇمىستارىن جانداندىرۋ نەگىزگە الىندى.

كەلەلى كەڭەستە ٴسوز العان م. اۋەزوۆ اتىنداعى وقمۋ حالىقارالىق قاتىناستار جانە ساياساتتانۋ كافەدراسىنىڭ مەڭگەرۋشىسى ساكەن ماجىنبەكوۆ ەلباسى جولداۋىنداعى ساياسي ۇتىمدى ۇسىنىستار مەن باسىم باعىتتاردى اتاپ ٴوتتى. ال، وبلىستىق ٴماسليحات دەپۋتاتى ٴومىرزاق مەلدەحانوۆ جولداۋدا ايتىلعان بىرنەشە باسىم باعىتتاردى تىلگە تيەك ەتتى. سونداي-اق، جيىندا وبلىستىق وزبەك ەتنومادەني ورتالىعىنىڭ ٴتوراعاسى يكرام حاشيمجانوۆ، وبلىستىق «اتامەكەن» كاسىپكەرلەر پالاتاسىنىڭ ٴتوراعاسى اسقار ابۋباكىروۆتەر ٴسوز الىپ، ەلباسى جولداۋىنىڭ ۇتىمدى ۇسىنىستارى تۋرالى پىكىرلەرىن ورتاعا سالدى.

جيىن سوڭىندا جولداۋدى حالىققا ٴتۇسىندىرۋ جانە ىسكە اسىرۋ شارالارىن بەكىتكەن قارار قابىلداندى. ەندى ۇگىت-ناسيحات توپتارى حالىق اراسىندا جولداۋدى كەڭىنەن ٴتۇسىندىرۋ جۇمىستارىن جۇرگىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي