BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولداۋدا الەۋمەتتىك جاۋاپكەرشىلىك باستى نازارعا الىنعان – ساراپشى

ەلباسى بيىلعى جولداۋىندا دا زەينەتاقى، جاردەماقى تولەمدەرىن كوبەيتۋدى ۇكىمەتكە تاپسىردى. «قازاقستان - 2050» جالپىۇلتتىق قوزعالىسى كەڭەسىنىڭ ٴتوراعاسى مۇحتار مانكەەۆتىڭ ايتۋىنشا، پرەزيدەنتتىڭ كەزەكتى جولداۋىندا الەۋمەتتىك جاۋاپكەرشىلىك باستى نازارعا الىنعان، دەپ حابارلايدى baq.kz ٴتىلشىسى.

«ەلباسىنىڭ جولداۋىمەن تولىق تانىسىپ شىقتىق. پرەزيدەنتتىڭ «قازاقستاننىڭ ٴۇشىنشى جاڭعىرۋى» اتتى جولداۋىندا الەۋمەتتىك جاۋاپكەرشىلىك باستى نازارعا الىنعان. ناقتىراق ايتساق، انالارعا، زەينەتكەرلەرگە تاعى دا قولداۋ كورسەتىلەتىن بولادى. 1 شىلدەدەن باستاپ بالا تۋعاندا بەرىلەتىن ٴبىر رەتتىك جاردەماقى كولەمى 20%-عا وسىرىلەدى. زەينەتاقى دا ٴدال سولاي. ارينە، الەۋمەتتىك سالاعا مۇنداي قولداۋ كورسەتۋ قوماقتى قارجىنى قاجەت ەتەدى. الايدا سالىق تۇسىمدەرى، بيزنەس ت.ب تەتىكتەر ارقىلى بارلىعى رەتتەلىپ وتىرادى دەپ ويلايمىن. سوندىقتان ۇكىمەت الداعى ۋاقىتتا ٴداستۇرلى سالالاردى عانا ەمەس، جاڭا سالالاردى دا دامىتادى دەپ ۇمىتتەنەمىن»، – دەيدى مۇحتار مانكەەۆ.

ايتا كەتەيىك، ەلباسىنىڭ «قازاقستاننىڭ ٴۇشىنشى جاڭعىرۋى» اتتى جولداۋى بۇگىن باق ارقىلى حالىققا كەڭىنەن تارالىپ ۇلگەردى. جولداۋدا اگروونەركاسىپ، لوگيستيكالىق ينفراقۇرىلىمدى دامىتۋ، ەڭبەك نارىعى، بيزنەس-ورتانى تۇبەگەيلى جاقسارتۋ، جاڭا تەحنولوگيا تۋرالى كەڭىنەن باياندالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي