BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولداۋ: ۇكىمەت 2025 جىلعا دەيىنگى دامۋدىڭ ستراتەگيالىق جوسپارىن ازىرلەيدى

ۇكىمەت ەلدى ٴۇشىنشى جاڭعىرتۋ بويىنشا 2025 جىلعا دەيىنگى دامۋدىڭ ستراتەگيالىق جوسپارىن ازىرلەيدى. بۇل تۋرالى ەلباسى رەسپۋبليكالىق تەلەارنالار ارقىلى ارنايى جاساعان مالىمدەمەسىندە جەتكىزدى، دەپ حابارلايدى baq.kz ٴتىلشىسى.

«ۇكىمەتكە ەلدى ٴۇشىنشى جاڭعىرتۋ بويىنشا 2025 جىلعا دەيىنگى دامۋدىڭ ستراتەگيالىق جوسپارىن ازىرلەۋ تاپسىرىلادى. وسىعان بايلانىستى ۇكىمەتتىڭ الدىندا اۋقىمدى جۇمىستار تۇر. بۇل جاڭا جانە ايقىن ماقساتتار، ولاردى جۇزەگە اسىرۋ ٴۇشىن كادرلار، مينيسترلىكتەر، ۆەدومستۆولار بار. ٴارقايسىسى ٴوز ورنىندا العا قويىلعان مىندەتتەردى ورىنداۋى ٴتيىس. مۇنىڭ ٴبارى ەل ەكونوميكاسى دامۋىنىڭ تۇراقتى ٴوسىمىن قامتاماسىز ەتەدى. جاقىندا مەملەكەتتى ساياسي جاڭعىرتۋدىڭ جوباسى جاريالاندى. بۇل ەكى باستاما ٴبىرىن-بىرى تولىقتىرادى»، - دەدى ەلباسى.

ايتا كەتەيىك، ەرتەڭ، 31 قاڭتاردا پرەزيدەنتتىڭ قازاقستان حالقىنا جولداۋى بۇقارالىق اقپارات قۇرالدارىندا جاريالانادى. ەلباسى بيىلعى جولداۋىمدا ەل دامۋىنا تىڭ قارقىن بەرەتىن جاڭا باعداردى ۇسىنباقشى.

«باستى تاقىرىپ «قازاقستاننىڭ ٴۇشىنشى جاڭعىرۋى» دەپ اتالادى. ول ەلىمىزدىڭ ەكونوميكالىق دامۋىنىڭ يننوۆاسيالىق وزەگىنە اينالىپ، باسەكەلىك قابىلەتىن ارتتىرا ٴتۇسۋى ٴتيىس. ٴبىز ساندىق تەحنولوگيالارعا نەگىزدەلگەن بولاشاعى زور باعىتتارعا ايىرىقشا ٴمان بەرەتىن بولامىز. ال ٴبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ جانە باسپانامە قامتاماسىز ەتۋ سياقتى ماڭىزدى سالالار قاشاندا باستى نازاردا قالا بەرمەك»، - دەدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي