BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جولداۋ: 1 شىلدەدەن باستاپ زەينەتاقى 20%-عا ارتادى

2017 جىلعى 1 شىلدەدەن باستاپ 2،1 ميلليون زەينەتكەر ٴۇشىن زەينەتاقى 2016 جىلعى دەڭگەيدەن 20%-عا دەيىن ارتتىرىلادى. بۇل تۋرالى مەملەكەت باسشىسى نۇرسۇلتان نازاربايەۆ قازاقستان حالقىنا جولداۋىندا ايتتى، دەپ حابارلايدى baq.kz.

«مەنىڭ تاپسىرمام بويىنشا 2017 جىلعى 1 شىلدەدەن باستاپ 2،1 ميلليون زەينەتكەر ٴۇشىن زەينەتاقى 2016 جىلعى دەڭگەيدەن 20%-عا دەيىن ارتتىرىلادى.

بۇدان بولەك، بازالىق زەينەتاقى تاعايىنداۋ 2018 جىلعى 1 شىلدەدەن باستاپ جاڭا ادىستەمە بويىنشا جۇزەگە اسىرىلادى. ونىڭ كولەمى زەينەتاقى جۇيەسىنە قاتىسۋ وتىلىنە بايلانىستى بەلگىلەنەدى»، - دەدى مەملەكەت باسشىسى.

نۇرسۇلتان نازاربايەۆتىڭ ايتۋىنشا، وسى ٴوسىمنىڭ بارلىعى 2018 جىلى بازالىق زەينەتاقىنىڭ جاڭا مولشەرىن 2017 جىلمەن سالىستىرعاندا 1،8 ەسە ارتتىرۋعا مۇمكىندىك بەرەدى.

«ەلىمىزدە جىل سايىن 400 مىڭعا جۋىق بالا تۋادى، بۇل – 1999 جىلعى دەڭگەيدەن 2 ەسە دەرلىك جوعارى. مۇنداي جاقسى ٴۇردىستى الداعى ۋاقىتتا دا ساقتاۋ كەرەك.

مەنىڭ تاپسىرمام بويىنشا 2017 جىلعى 1 شىلدەدەن باستاپ بالا تۋعاندا بەرىلەتىن ٴبىر رەتتىك جاردەماقى كولەمى 20%-عا وسىرىلەدى»، - دەپ تولىقتىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي