BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل سوڭىنا دەيىن 600 شاقىرىم جول سالىنادى – جولداۋ

جىل سوڭىنا دەيىن كەم دەگەندە 600 شاقىرىم جول پايدالانۋعا بەرىلىپ، كەزەڭ-كەزەڭىمەن اقىلى جۇيە ەنگىزىلەدى. بۇل تۋرالى مەملەكەت باسشىسى نۇرسۇلتان نازاربايەۆ قازاقستان حالقىنا ارناعان جولداۋىندا ايتتى، دەپ حابارلايدى baq.kz.

ەلباسى 2015 جىلى «نۇرلى جول» ينفراقۇرىلىمدىق دامۋ باعدارلاماسىن ۇسىنعان بولاتىن. وتكەن 2 جىل ىشىندە باعدارلاما ٴوزىن تولىق اقتادى.

«بيىل رەسپۋبليكالىق ماڭىزى بار 4400 شاقىرىم اۆتوجول قۇرىلىسى مەن قايتا جاڭعىرتۋ جۇمىستارى جۇرگىزىلەدى. جىل سوڭىنا دەيىن سونىڭ كەم دەگەندە 600 شاقىرىمى پايدالانۋعا بەرىلىپ، كەزەڭ-كەزەڭىمەن اقىلى جۇيە ەنگىزىلەدى»، - دەدى پرەزيدەنت.

نۇرسۇلتان نازاربايەۆتىڭ ايتۋىنشا، ەلىمىزدىڭ كولىك جانە ترانزيت الەۋەتىن تولىق اشۋ ٴۇشىن كورشى ەلدەرمەن ۇيلەسىمدى ٴىس-قيمىل قاجەت.

«جۇكتەردىڭ ەركىن ٴترانزيتىن، كولىك دالىزدەرىن قۇرۋ مەن ولاردى جاڭعىرتۋ ٴىسىن قامتاماسىز ەتۋ كەرەك. كولىك ينفراقۇرىلىمىن باسقارۋعا، قىزمەت كورسەتۋ دەڭگەيىن ارتتىرۋعا جانە اكىمشىلىك كەدەرگىلەردى جويۋعا ەرەكشە كوڭىل اۋدارۋ قاجەت»، - دەپ اتاپ ٴوتتى مەملەكەت باسشىسى

ترانسكاسپيي ٴدالىزى بويىنشا تاسىمالداۋ كولەمىنىڭ ۇلعايۋىنا بايلانىستى قۇرىق پورتىن سالۋدىڭ ەكىنشى كەزەڭى – اۆتوموبيل وتكەلى قۇرىلىسىن ىسكە اسىرۋ دا ماڭىزدى مىندەتتىڭ ٴبىرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي