سىرتقى ىستەر مينيسترلىگى «ديپلوماتيا جارشىسى» ۆەدومستۆولىق جۋرنالدىڭ باسىلىمىن قايتا شىعارا باستادى، دەپ حابارلايدى baq.kz اقپارات اگەنتتىگى.
3590
0 
استانا: 
2635 
0
سىرتقى ىستەر مينيسترلىگى «ديپلوماتيا جارشىسى» ۆەدومستۆولىق جۋرنالدىڭ باسىلىمىن قايتا شىعارا باستادى، دەپ حابارلايدى baq.kz اقپارات اگەنتتىگى.
2018 جىلدىڭ باسىندا جاريالىنىمنىڭ جاڭا نىسانى مەن تۇجىرىمداماسى بەكىتىلدى. جۋرنالدا، ەڭ الدىمەن، مەملەكەت باسشىسىنىڭ قاتىسۋىمەن وتەتىن ماڭىزدى حالىقارالىق وقيعالار مەن ٴىس-شارالاردىڭ تالداماسىنا ەرەكشە نازار اۋدارىلادى.
«1996 جىلى نەگىزىن سالعان جۋرنال ٴوزىنىڭ باستى ماقساتىنا سەنىمدى بولىپ قالا بەرمەك، ياعني سىرتقى ساياسات ماسەلەلەرى بويىنشا وزەكتى جانە قۇزىرەتتى پۋبليسيستيكاسىن ۇسىنۋ. قازاقستان ٴسىم باسىلىمى استانانىڭ رەسمي پىكىرىنىڭ جاريالانىمىن عانا ەمەس، سونداي-اق ەلىمىزدىڭ، شەتەل ساياساتكەرلەرىنىڭ، ديپلوماتتار مەن ساراپشىلاردىڭ ماقالالارىن قامتيتىن بولادى. جۋرنال قازاقستانداعى سىرتقى ساياسي ويلاردى دامىتۋدىڭ ماڭىزدى الاڭىنا اينالادى دەگەن سەنىمدەمىز»، – دەپ اتاپ ٴوتتى سىرتقى ىستەر ٴمينيسترى قايرات ٴابدىراحمانوۆ ٴوزىنىڭ كىرىسپە ماقالاسىندا.
2018 جىلدىڭ №1 شىعارىلىمىندا پرەزيدەنت نۇرسۇلتان نازاربايەۆتىڭ اقش-قا رەسمي ساپارى مەن قازاقستاننىڭ بۇۇ قاۋىپسىزدىك كەڭەسىندەگى قاڭتارداعى ٴتوراعالىعىنىڭ قورىتىندىلارىنا ەرەكشە نازار اۋدارىلدى. قازاقستان مەن ەۋروپالىق وداق اراسىنداعى قارىم-قاتىناستار، ەلىمىزدىڭ ۇجىمدىق قاۋىپسىزدىك تۋرالى شارت ۇيىمىنا ٴتوراعالىق ەتۋى، قارۋسىزداندىرۋ ماسەلەلەرى، سيريا جونىندەگى استانا پروسەسىنىڭ سەگىز كەزەڭىنىڭ قورىتىندىسى تاقىرىبىنا ارنالعان.
سونىمەن قاتار، ٴبىرقاتار اۆتونىڭ ماقالالارى «رۋحاني جاڭعىرۋ» باعدارلاماسىن جۇزەگە اسىرۋ، سيفرلىق ديپلوماتيانىڭ كەلەشەگى، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتى مەن قازاقستان ديپلوماتتارى قاۋىمداستىعىنىڭ قىزمەتىنە قاتىستى. «تاريح بەتتەرىنەن» بولىمىندە مەملەكەت قايراتكەرى، ديپلومات ٴنازىر تورەقۇلوۆقا ارنالعان ماتەريال جارىق كوردى.
«ديپلوماتيا جارشىسى» قازاق، ورىس تىلدەرىندە جانە اعىلشىن تىلىندە («the diplomatic herald of kazakhstan» ) شىعارىلادى. جۋرنالدىڭ ەلەكتروندى نۇسقاسى وسى سايتتا قولجەتىمدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
