BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا جولداۋ شاعىن جانە ورتا بيزنەسكە جول اشادى - مينيستر

ۇلتتىق ەكونوميكا مينيسترلىگى بيزنەستى باقىلاۋدان بوساتۋ تۋرالى اۋقىمدى شارالار تىزبەگىن ىسكە اسىرادى. ول ٴوز كەزەگىندە شاعىن جانە ورتا بيزنەستىڭ ەكونوميكاداعى ۇلەسىن ارتتىرادى. بۇل تۋرالى مينيسترلىك باسشىسى تيمۋر سۇلەيمەنوۆ مالىمدەدى، دەيدى baq.kz ٴتىلشىسى.

قازاقستان پرەزيدەنتى نۇرسۇلتان نازاربايەۆ حالىققا جولداۋىندا بيزنەس ورتانى كەڭەيتۋ مەن كۇشەيتۋدىڭ تۇبەگەيلى قاجەتتىلىگىن اتاپ ٴوتتى. نەگىزگى ستراتەگيالىق ماقساتتاردىڭ ٴبىرى 2050 جىلعا دەيىن ٴشوب-تىڭ ٴىجو-دى 50%-عا جەتكىزۋ. پرەزيدەنت "بيزنەستىڭ باسىنداعى قازىرگى جۇكتەمە جاڭا ٴوسىم مودەلىن قۇرۋعا جول بەرمەيدى" - دەدى. ۇكىمەتتىڭ مىندەتى 1 شىلدەگە دەيىن بيزنەستى باقىلاۋدان بوساتۋعا باعىتتالعان جۇيەلى جۇمىس اتقارۋ.

«جولداۋدا ەكونوميكانى باقىلاۋدان بوساتۋعا باسىمدىق بەرىلگەن. بۇدان ورتا جانە شاعىن بيزنەس كوپ پايدا تابادى. ٴىرى بيزنەس زاڭ جانە سالىق بويىنشا بىرنەشە كەڭەسشىلەر، باسقا دا كونسۋلتانتتاردىڭ كومەگىنە جۇگىنىپ، باقىلاۋ نورمالارىنان جالتارىپ كەتە الادى»،- دەدى سۇلەيمەنوۆ.

1 شىلدەگە دەيىن باقىلاۋدان بوساتۋدىڭ ناقتى شارالار تىزبەگى جاريا بولادى.

«ٴقازىر مۇنىمەن اينالىسىپ جاتىرمىز»،- دەدى مينيستر.

ونىڭ ايتۋىنشا، شەكتەن تىس باقىلاۋ مەن تابيعي مونوپوليالار قىزمەتىن قاداعالاۋ ارقىلى بيزنەستىڭ شىعىندارىن ازايتۋ جۇمىستارى جۇرگىزىلەدى.

وعان قوسا، «بيۋدجەت باسىمدىعى قايتا قارالۋى مۇمكىن. ٴتيىمسىز باعدارلامالارعا كەتەتىن شىعىن، جاڭا جوبالارعا اۋىستىرىلادى» دەپ اتاپ ٴوتتى مينيستر.

سۇلەيمەنوۆتىڭ ايتۋىنشا پرەزيدەنتتىڭ بيۋدجەتتىك پروسەدۋرالاردى جەتىلدىرۋ تۋرالى ايتقانى ماڭىزدى.

«ٴقازىر مەملەكەت ەكونوميكاعا تىم كوپ ارالاسادى. ٴبىز ەكونوميكاعا وتە كوپ اقشا قۇيامىز. ٴبىراق بيۋدجەتتىك زاڭناما، مەملەكەتتىك ساتىپ الۋ زاڭناماسى بيۋروكراتيالانعان. اقشا ەكونوميكاعا، شىنايى مەردىگەرلەرگە، مەكتەپ، بالا-باقشا، جولدار سالاتىن كومپانيالارعا كەش جەتەدى. بۇل ساپانىڭ تومەندەۋىنە، يگەرۋ كولەمىنە جانە شىن مانىندە كورسەتىلگەن قىزمەتتەر كولەمىنە كەرى اسەر ەتەدى» - دەدى مينيستر.

وسى ورايدا، بيۋدجەت كودەكسىنە وزگەرىستەر ەنگىزىلۋى مۇمكىندىگىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي