BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ٴۇشىنشى جاڭعىرۋ - تىڭ باستامالاردى جۇزەگە اسىرۋعا جەتەلەيدى

«قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» دەپ اتالاتىن ماڭىزدى قۇجات ەل ەكونوميكاسىنداعى جاڭا باعىت-باعدارلاردى ايقىنداپ بەردى. ەندى ونى ناتيجەلى جۇزەگە اسىرۋ نەگىزگى مىندەت سانالادى. «جەتىسۋ» اۋەكومپانياسى» اق پرەزيدەنتى قالمۇحامەت دوڭەسبايەۆ وسىنداي پىكىردە، دەپ حابارلايدى baq.kz ٴتىلشىسى.

ەلباسى ٴوزىنىڭ جولداۋىندا ەل ەكونوميكاسىن دامىتۋ باعىتىنداعى قازاقستاننىڭ ٴبىرىنشى، ەكىنشى جاڭعىرۋى جولىندا جۇزەگە اسىرىلعان جۇمىستار مەن قول جەتكىزگەن تىڭ تابىستارىمىزدى تىزبەكتەي كەلىپ، تابىستى وتكەن وسى جاڭعىرۋلار ارقىلى باعا جەتپەس تاجىريبە جيناقتاپ، ٴۇشىنشى جاڭعىرۋدى باستاۋعا ٴتيىس ەكەنىمىزدى اتاپ ٴوتتى. وسىعان بايلانىستى پرەزيدەنت: «بۇل جاڭعىرۋ – قازىرگى جاھاندىق سىن-قاتەرلەرمەن كۇرەس جوسپارى ەمەس، بولاشاققا، «قازاقستان –2050» ستراتەگياسى ماقساتتارىنا باستايتىن سەنىمدى كوپىر بولماق. ول ۇلت جوسپارى – «100 ناقتى قادام» بازاسىندا وتكىزىلەدى»، – دەيدى جەتىسۋ اۋەكومپانياسىنىڭ باسشىسى.

جولداۋدىڭ العاشقى باعىتىندا ەكونوميكا سالالارىن جاپپاي ساندىق مودەلگە كوشىرۋ كوزدەلگەن. وسى رەتتە ەلباسى ۇكىمەتكە «سيفرلىق قازاقستان» دەگەن اتاۋمەن جاڭا باعدارلاما ازىرلەۋدى جانە قابىلداۋدى تاپسىردى. ونەركاسىپ، اگروونەركاسىپتىك كەشەن، كولىك، لوگيستيكا، قۇرىلىس سەكتورى مەن باسقا دا سالالارداعى ەڭبەك ونىمدىلىگىن ارتتىرۋعا باسا ٴمان بەرىلدى.

قالمۇحامەت دوڭەسبايەۆ: جاڭا ەۋرازيالىق لوگيستيكالىق ينفراقۇرىلىمدى دامىتۋ – ماڭىزدى باسىمدىقتاردىڭ ٴبىرى. وسىلاي دەگەن مەملەكەت باسشىسى ۇكىمەتكە 2020 جىلعا دەيىن ترانزيتتىك الەۋەتتى ارتتىرۋدى جۇكتەدى. ماسەلەن، كونتەينەرلىك جانە اۋە كولى¬گىمەن جولاۋشىلار تاسىمالىن ەسەلەۋ ارقىلى ودان تۇسەتىن پايدانى ٴتورت ميلليارد دوللارعا دەيىن جەتكىزۋ مىندەتتەلدى. ەل دامۋىنا سەرپىن بەرەتىن ماڭىزدى قۇجات بولاشاققا سەنىم ۇيالاتىپ، تىڭ باستامالاردى جۇزەگە اسىرۋعا جەتە¬لەي¬دى. ەكونوميكامىزدى بيىك بەلەسكە كوتەرەتىن ەلباسىنىڭ جاڭا جولداۋى الپاۋىت مەملەكەتتەردى مويىنداتۋعا جاسالعان ۇلى قادام دەپ ويلايمىن.

ەستەرىڭىزگە سالىپ وتسەك، 31 قاڭتار كۇنى بۇقارالىق اقپارات قۇرالدارىندا مەملەكەت باسشىسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى ەل حالقىنا ارناعان جولداۋى جاريالاندى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي