BAQ.kz - Қазақстан жаңалықтары USD 379.19 BAQ.kz - Қазақстан жаңалықтары EUR 426.63 BAQ.kz - Қазақстан жаңалықтары RUB 5.92
استانا:

«سيفرلىق قازاقستان» باعدارلاماسى ەلباسىنىڭ قاراۋىنا جولدانادى

فوتو: Бауыржан Жуасбаев

«سيفرلىق قازاقستان» باعدارلاماسىنىڭ تيىمدىلىگى 2،2 ترلن تەڭگەنى قۇرايدى. بۇل تۋرالى ۇكىمەت وتىرىسىندا قر پرەمەر-مينيسترى باقىتجان ساعىنتايەۆ مالىمدەدى، دەپ حابارلايدى baq.kz ٴتىلشىسى.

«سيفرلىق قازاقستان» مەملەكەتتىك باعدارلاماسىنىڭ جوباسى قىركۇيەك ايىندا ەلباسىعا تانىستىرىلعان. الايدا مەملەكەت باسشىسىنىڭ تاراپىنان ٴبىرقاتار سىن ەسكەرتپە ايتىلدى. وسىنىڭ ٴبارى بۇگىن ۇسىنىلىپ وتىرعان باعدارلامامىزدا ەسكەرىلىپ، ٴتيىستى قورىتىندى شىعارىلدى. اسىرەسە، باعدارلامانىڭ تيىمدىلىگى، ورىسشا ايتقاندا «ەكونوميچەسكيي ەففەكت» 2،2 ترلن تەڭگەنى قۇرايدى ەكەن. بۇل – ٴبىزدىڭ ەسەپتەۋىمىز. الداعى ۋاقىتتا بۇل سيفر جوعارىلاپ، ٴوز تيىمدىلىگىن كورسەتەتىنىنە كۇمان جوق. قازىرگى تاڭدا ۇلكەن جولدىڭ باسىندا تۇرمىز»، - دەدى ول.

وسى ورايدا باقىتجان ساعىنتايەۆ اتالعان باعدارلامانى جۇزەگە اسىرۋ ٴۇشىن ٴتيىستى مەملەكەتتىك ورگاندار اراسىندا كەلىسىم بولۋ قاجەتتىگىن جەتكىزدى.

«اتالعان باعدارلامانى تولىق ىسكە اسىرۋ ٴۇشىن مينيسترلىكتەر تاراپىنان ٴىس-شارالار اتقارىلۋى قاجەت. ٴبىرىنشى كەزەكتە، ٴبىر ايدا بىرنەشە مينيسترلىك ٴتيىستى ٴىس-شارالار تىزبەسىن جاساپ، ٴوز ارالارىندا بەكىتەدى. ونىڭ ىشىندە اتالعان مەملەكەتتىك باعدارلاماعا كىمدەر جاۋاپتى ەكەنى، ٴارى جۇزەگە اسىرۋ مەرزىمى كورسەتىلۋى كەرەك»، - دەدى ول.

سونىمەن قاتار ۇكىمەت باسشىسى اتالعان باعدارلامانى حالىق پەن كاسىپكەرلەرگە ٴتۇسىندىرۋ قاجەتتىگىن اتاپ ٴوتتى.

«ەكىنشىدەن، اسقار قۋانىش ۇلى (قر پرەمەر-مينيسترىنىڭ ورىنباسارى اسقار جۇماعاليەۆ – اۆتور) ايتقانداي، وكىلەتتى مەملەكەتتىك ورگاندار حالىق پەن بيزنەس ٴۇشىن ٴاقپاراتتىق-تۇسىندىرۋ ٴىس-شارالار كەشەنىن بەكىتۋ كەرەك. ۇلتتىق ەكونوميكا مينيسترلىگى جارتى جىل ەسەبىندە اتالعان باعدارلامانىڭ جۇزەگە اسۋىنا ساپالى مونيتورينگ جۇرگىزۋى ٴتيىس. بۇگىن اتالعان تاسىلدەردى قولداۋعا شاقىرامىن»، - دەدى باقىتجان ساعىنتايەۆ.

ۇكىمەت وتىرىسىندا پرەمەر-مينيستر اتالعان قۇجات مەملەكەت باسشىسى نۇرسۇلتان نازاربايەۆتىڭ قاراۋىنا جىبەرىلەتىنىن جەتكىزدى.

«سونداي-اق اتالعان قۇجاتتى ەلباسىنىڭ قاراۋىنا جىبەرۋ قاجەت. ٴتيىستى قولداۋ العاننان كەيىن باعدارلامانى بەكىتەمىز»، - دەپ تۇيىندەدى ٴسوزىن ۇكىمەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي