BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ت.سۇلەيمەنوۆ «بايتەرەك» جانە «قازاگرونىڭ» قايتا قۇرىلۋىنا قاتىستى پىكىر ٴبىلدىردى

بۇگىن ۇكىمەت وتىرىسىنان كەيىنگى ٴباسپاسوز ماجىلىسىندە ۇلتتىق ەكونوميكا ٴمينيسترى تيمۋر سۇلەيمەنوۆ ەلباسىنىڭ جولداۋىندا ايتىلعان «بايتەرەك» جانە «قازاگرو» حولدينگتەرىنىڭ قايتا قۇرىلۋى مۇمكىندىگىنە قاتىستى پىكىر ٴبىلدىردى، دەپ حابارلايدى baq.kz ٴتىلشىسى.

«ەلباسى ٴوزىنىڭ جولداۋىندا «بايتەرەك» جانە «قازاگرو» حولدينگتەرىن دە قايتا قۇرۋ قاجەت. ولار مەملەكەتتىك دامۋ باعدارلامالارىن ىسكە اسىرۋ جونىندەگى وپەراتورلار بولۋعا ٴتيىس. سوعان وراي ولاردىڭ فۋنكسيالارىن وڭتايلاندىرۋ كەرەك. جەكە سەكتور جۇزەگە اسىرا الاتىن نارسەنىڭ بارلىعى بيزنەسكە بەرىلۋى قاجەت» دەپ ايتقانىن وقىعان شىعارسىزدار. سوندىقتان ەندى كەيبىر نىساندار قايتا قۇرىلۋى مۇمكىن. نەمەسە مۇلدەم جويىلۋى دا ىقتيمال. الداعى ۋاقىتتا مەملەكەتكە پايداسى جوق نىساندار زاڭ جۇزىندە جويىلاتىن بولادى»، – دەيدى تيمۋر سۇلەيمەنوۆ.

ايتا كەتەيىك، ەلباسى سونداي-اق، ولارعا باعدارلامالاردى ىسكە اسىرۋ ٴۇشىن مەملەكەتتىك ەمەس قارجى كوزدەرى ارقىلى قور قالىپتاستىرۋمەن اينالىسۋ كەرەك دەپ ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي