BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سيفرلىق قازاقستان: وڭتۇستىكتە جەر قاتىناستارى سالاسىنداعى ٴبىرقاتار نىسان ەلەكتروندى بازاعا ەنگىزىلەدى

2017 جىلى اۋىل شارۋاشىلىعى ماقساتىنداعى ەگىستىك جەرلەر 2016 جىلمەن سالىستىرعاندا 30 مىڭ گەكتارعا ارتقان. بۇل تۋرالى جەر قاتىناستارى باسقارماسىنىڭ باسشىسى سوزاقباي ٴابدىقۇلوۆ ٴمالىم ەتتى، دەپ حابارلايدى baq.kz اقپارات اگەنتتىگى.

وڭتۇستىك قازاقستان وبلىسىنىڭ جالپى جەر قورى 11725،8 مىڭ گەكتاردى قۇرايدى. ونىڭ ىشىندە وڭىردەگى اۋىل شارۋاشىلىق ماقساتىنداعى جەرلەر 6 680،2 مىڭ گەكتار كولەمىندە. سونداي-اق، ەگىستىك جەر - 939،6 مىڭ گەكتار، جايىلىمدىق جەر - 5626،4 مىڭ گەكتاردى اۋماقتى الىپ جاتىر.

ونىڭ ايتۋىنشا، اۋىل شارۋاشىلىعى جەرلەرىن نىسانالى ماقساتىنا ساي پايدالانىلۋىنا جۇرگىزىلگەن تۇگەندەۋ جۇمىستارى ناتيجەسىندە جالپى 248،8 مىڭ گەكتار جەر پايدالانىلماي جاتقاندىعى انىقتالعان.

«ەسەپتىك مەرزىمدە اتالعان جەرلەردەن 76،4 مىڭ گەكتار جەر مەملەكەت مەنشىگىنە قايتارىلسا 83،2 مىڭ گەكتار جەر ٴتۇسىندىرۋ شارالارىنان كەيىن قايتا يگەرىلە باستادى. ياعني 159،6 مىڭ گەكتار اۋىل شارۋاشىلىعى جەرلەرى قايتادان پايدالانۋعا قوسىلدى. جەر قاتىناستارى باسقارماسى جانە جەر كاداسترى مەكەمەسىنىڭ وكىلدەرى ٴتيىستى اۋدان، قالا اكىمدىكتەرىمەن بىرلەسىپ سىرداريا، ارىس وزەندەرى مەن بوگەن سۋ قويماسى جانە كوكساراي سۋ رەتتەگىشى ماڭىنداعى جەرلەردى يگەرۋ ماسەلەسى بويىنشا جەرلەردىڭ باسىنا بارىپ، زەردەلەۋ جۇمىستارىن جۇرگىزدى. ناتيجەسىندە اۋدان، قالالار بويىنشا اۋىل شارۋاشىلىعى ماقساتىنداعى 62502 گەكتار جەرلەردى سۋارمالى ەگىستىك جەرگە ۇلعايتۋعا مۇمكىندىك بار ەكەنى انىقتالدى»، - دەدى سوزاقباي يسا ۇلى.

ايتا كەتەرلىگى، 2017 جىلى وبلىستىق جەر كوميسسياسىنىڭ شەشىمى بويىنشا 95 جوبا ماقۇلدانىپ، 90 كاسىپكەرلىك سۋبەكتىسىنە 1982،3 گەكتار جەر تەلىمى پايدالانۋعا بەرىلگەن.

«سيفرلىق قازاقستان» مەملەكەتتىك باعدارلاماسى اياسىندا وبلىستاعى جەر قاتىناستارى سالاسىنداعى ەڭ وزەكتى 8 كورسەتكىشتى ەلەكتروندى بازاعا ەنگىزىپ، وبلىس اكىمدىگىندەگى احۋالدىق ورتالىقپەن ىقپالداستىرۋ قاراستىرىلىپ وتىر.

سونداي-اق، جەر قاتىناستارى سالاسىندا مەملەكەتتىك قىزمەتتىڭ 7 ٴتۇرى بويىنشا ستاندارتتار بەكىتىلىپ، 2017 جىلى اۋدان، قالا اكىمدىكتەرى تاراپىنان جالپى 1190 مەملەكەتتىك قىزمەت كورسەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي