BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سيفرلىق قازاقستان» باعدارلاماسىنىڭ قورىتىندى نۇسقاسى ازىرلەندى – داۋرەن ابايەۆ

فوتو: Бауыржан Жуасбаев

«سيفرلىق قازاقستان» باعدارلاماسىنىڭ سوڭعى، قورىتىندى نۇسقاسى ازىرلەندى. بۇل تۋرالى ۇكىمەت وتىرىسىندا قر اقپارات جانە كوممۋنيكاسيالار ٴمينيسترى داۋرەن ابايەۆ مالىمدەدى، دەپ حابارلايدى baq.kz ٴتىلشىسى.

«بيىلعى جولداۋىندا ەلباسى قازاقستاننىڭ ٴۇشىنشى جاڭعىرۋى اياسىندا ەكونوميكانىڭ جەدەل تەحنولوگيالىق دامۋىن قامتاماسىز ەتۋ مىندەتىن العا قويعانى بەلگىلى. دامىعان جانە سەرپىندى ەلدەردىڭ وزىق تاجىريبەسى it-سالاسىن دامىتۋ مەملەكەتتىك ساياساتتىڭ باسىم ستراتەگيالىق باعىتى بولۋى قاجەت ەكەنىن كورسەتتى. وسىعان ساي اقپارات جانە كوممۋنيكاسيالار مينيسترلىگىنە «سيفرلىق قازاقستان» مەملەكەتتىك باعدارلاماسىن ازىرلەۋ تاپسىرىلعان بولاتىن. مينيسترلىك بۇعان دەيىن مەملەكەت باسشىسى ايتقان ماسەلەلەردى قاراستىرا وتىرىپ، بۇگىنگى كۇنى باعدارلامانىڭ سوڭعى، قورىتىندى نۇسقاسىن ازىرلەپ، نازارلارىڭىزعا ۇسىنىپ وتىر»، - دەدى ول.

سونىمەن قاتار اقپارات ٴمينيسترى اتالعان باعدارلامانى دايىنداۋعا شەتەلدىك ساراپشىلار تارتىلعانىن اتاپ ٴوتتى.

«باعدارلامانى دايىنداۋعا شەتەلدىك جانە جەرگىلىكتى ساراپشىلار كەڭىنەن تارتىلدى. شەتەلدىك ساراپشىلار رەتىندە دۇنيەجۇزىلىك بانك، boston consulting group، گارتنەر جانە تاعى باسقا كومپانيالار قاتىسسا، قازاقستاننان «اتامەكەن» ۇلتتىق كاسىپكەرلەر پالاتاسى، it كومپانيالار اسسوسياسياسى جانە ينتەرنەت قاۋىمداستىعى ۇلەسىن قوستى. سونىمەن قاتار، بارلىق مەملەكەتتىك ورگاندار بەلسەنە اتسالىستى»، - دەدى داۋرەن ابايەۆ.

وسى ورايدا ول «سيفرلىق قازاقستان» باعدارلاماسىنىڭ باسقا سالالاردىڭ دامۋىنا سەرپىن بەرەتىنىن تىلگە تيەك ەتتى.

«ەلباسى اتاپ وتكەندەي، سيفرلىق يندۋستريانى دامىتۋ بارلىق سالالارعا سەرپىن بەرەدى. وسى ورايدا، جاھاندىق سيفرلىق ەكوجۇيەدە بولىپ جاتقان وزگەرىستەردى ەسكەرە وتىرىپ، قازاقستاننىڭ ەكونوميكاسىن سيفرلاندىرۋ باستاماسىنىڭ ومىرلىك ماڭىزى زور بولماق. مەملەكەت باسشىسىنىڭ تاپسىرماسى بويىنشا، «سيفرلىق قازاقستان» مەملەكەتتىك باعدارلاماسىنىڭ ماتىنىنە ونى جۇزەگە اسىرۋ بولىگى بويىنشا ٴبىرقاتار تولىقتىرۋلار ەنگىزىلدى. وسىلايشا، باعدارلاما 2018 جىلدان 2022 جىلدارعا دەيىنگى كەزەڭدى قامتي وتىرىپ، ەل ەكونوميكاسىنىڭ تەحنولوگيالىق جاڭعىرۋىنا سەرپىن بەرمەك. سونىمەن قاتار، ەڭبەك ونىمدىلىگىنىڭ ۇزاقمەرزىمدىك ٴارى اۋقىمدى ٴوسىمى ٴۇشىن جاعداي جاساۋى ٴتيىس»، - دەدى ۆەدومستۆو باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي