BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سيفرلاندىرۋ كومپانيالاردىڭ تابىسىن ارتتىرادى – جەڭىس قاسىمبەك

بۇل تۋرالى ينۆەستيسيالار جانە دامۋ ٴمينيسترى جەڭىس قاسىمبەك قازاقستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى اسقار ٴماميننىڭ توراعالىعىمەن وتكەن كولىك جانە لوگيستيكالىق ينفراقۇرىلىمنىڭ تيىمدىلىگىن ارتتىرۋ جونىندەگى رەسپۋبليكالىق كەڭەس بارىسىندا مالىمدەدى، دەپ حابارلايدى baq.kz اقپارات اگەنتتىگى.

ٴمينيستردىڭ ايتۋىنشا، باسەكەلەستىك جاعدايىندا قازاقستان قازىرگى قولدا بار كولىك-لوگيستيكالىق ينفراقۇرىلىمنىڭ ٴتيىمدى جۇمىس ىستەۋىن قامتاماسىز ەتۋى كەرەك.

«مەملەكەت باسشىسىنىڭ «ٴتورتىنشى يندۋستريالدى رەۆوليۋسيا جاعدايىندا دامۋدىڭ جاڭا مۇمكىندىكتەرى» اتتى جولداۋىندا كولىك جانە لوگيستيكا سالاسىنا جاپپاي زاماناۋي سيفرلىق تەحنولوگيالاردى ەنگىزۋ مىندەتى قويىلدى. مينيسترلىك كولىك جانە جولاۋشىلار اعىندارىن باسقارۋدى جاقسارتاتىن، قوزعالىس قاۋىپسىزدىگى مەن قوزعالىس جىلدامدىعىن ارتتىراتىن زاماناۋي جۇيەلەردى ەنگىزۋ بويىنشا جۇمىستار جۇرگىزىپ جاتىر. وسىلايشا، «ينتەللەكتۋالدى كولىك جۇيەسى» كوپكومپونەنتتى جوباسى اياسىندا كولىك قۇرالدارىن، ينفراقۇرىلىمدى، پايدالانۋشىلار مەن اقپاراتتىق-كوممۋنيكاسيالىق تەحنولوگيالاردى بىرتىندەپ ىسكە اسىرۋ قولعا الىندى. اۆتوموبيل جولدارى سالاسىنا جول اكتيۆتەرىن باسقارۋ جۇيەسىن ەنگىزۋ اقاۋلاردى باستاپقى كەزەڭدە جويۋ ارقىلى جولدىڭ بارلىق پايدالانۋ كەزەڭىندەگى شىعىندارىن وڭتايلاندىرۋعا قاجەت. اۆياسيا سالاسىنا اۋە جولاۋشىلار تۋرالى دەرەكتەردى جيناۋ مەن وڭدەۋ جۇيەسى جانە جۇك تاسىمالىندا e-freight قاعازسىز قۇجات اينالىمى ەنگىزىلەدى»، - دەيدى ج.قاسىمبەك.

مينيستر بيزنەستىڭ بەلسەندى ارالاسۋىنسىز كولىك سالاسىن سيفرلاندىرۋ مۇمكىن بولمايتىنىن اتاپ ٴوتتى. زەرتتەۋگە سايكەس، سيفرلاندىرۋ كومپانيانىڭ تابىسىن شامامەن ۇشتەن بىرگە ارتتىرادى.

وسىعان وراي، كومپانيالار جەلىلىك ينفراقۇرىلىمدى دامىتۋعا جانە ٴىت الدىڭعى قاتارلى مۇمكىندىكتەرىنە بيزنەس-ستراتەگيانى بەيىمدەۋ ٴۇشىن قارقىندى تۇردە قارجى سالادى. كولىك ۇيىمدارى ٴداستۇرلى تاسىلدەر مەن قولمەن باسقارۋ ادىستەرىن قوسپاعاندا، بيزنەس-پروسەستەرگە ساندىق تەحنولوگيالاردى بارىنشا ەنگىزۋلەرى كەرەك.

سونداي-اق، الداعى ۋاقىتتا ينفراقۇرىلىمنىڭ ساپاسىنا بايلانىستى فيزيكالىق كەدەرگىلەردى جويۋ ٴۇشىن ترانزيتتىك الەۋەتتى بەلسەندى تۇردە ىسكە اسىرۋدى جالعاستىرامىز.

«قازاۆتوجول» ۇك» اق باسقارما ٴتوراعاسى ەرمەك قيزاتوۆ ينتەلەكتۋالدى كولىك جۇيەسىن ەنگىزۋدىڭ ەكونوميكالىق پايداسى 2021 جىلعا دەيىن 450 ملرد تەڭگەنى قۇرايتىنىن اتاپ ٴوتتى.

«قازاۆتوجول» كولىك-لوگيستيكالىق كەشەندى سيفرلاندىرۋعا باعىتتالعان ٴبىرقاتار شارالاردى ىسكە اسىرۋعا كىرىسىپ تە كەتتى. اتاپ ايتقاندا، جول قوزعالىسىنىڭ قارقىندىلىعىن، قوزعالىس جىلدامدىعىن باقىلاۋدى جانە رەتتەۋدى، سيفرلىق گەولوكاسيانى، قوزعالىستى بەينە باقىلاۋدى، اۆتوماتتاندىرىلعان سالماق باقىلاۋدى، اۋا-رايى مەن جولدارداعى اۋا رايى بولجامدارىن، جولداردى جوندەۋ مەن كۇتىپ ۇستاۋعا ارنالعان جوسپارلاۋ ۇدەرىستەرىن اۆتوماتتاندىرۋدى قامتاماسىز ەتۋ جونىندەگى شارالار قولعا الىندى. تولىق سيفرلىق ترانسفورماسيالاۋ جۇمىسىن جاساۋ ٴۇشىن ۇسىنىلعان ينتەلەكتۋالدى كولىك جۇيەسىن قولدانۋ كەرەك. ول مىناداي جۇيەلەر: جول اكتيۆتەرىن باسقارۋ جۇيەسى، ارنايى اۆتوماتتاندىرىلعان ولشەۋ قۇرالدارى جۇيەسى، اپات بولعان جاعدايدا شۇعىل شاقىرۋ جۇيەسى جانە iru، googlemap پەن yandexmaps حالىقارالىق ساندىق پلاتفورما»، - دەدى ەرمەك قيزاتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي