BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

سيفرلاندىرۋ ەكونوميكاعا پايدا اكەلەدى – داۋرەن ابايەۆ 

قازاقستاندى سيفرلاندىرۋدان شىنايى ەكونوميكالىق پايدا الۋعا بولمادى. بۇل تۋرالى قر اقپارات جانە كوممۋنيكاسيالار ٴمينيسترى داۋرەن ابايەۆ استانادا وتكەن «iot forum astana-2017» فورۋمىندا مالىمدەدى، دەپ حابارلايدى baq.kz ٴتىلشىسى.

«وسىدان 8 جىل بۇرىن ينتەرنەت جەلىسىنە قوسىلعان قۇرىلعىلاردىڭ سانى سول ينتەرنەتتى پايدالانا الاتىن ادامداردىڭ سانىمەن بىردەي بولدى. فۋتۋرولوگتاردىڭ بولجاۋىنشا 2030 جىلعا قاراي ينتەرنەتتەگى زاتتاردىڭ ينفراقۇرىلىمىنىڭ الەۋەتى 1 ترلن. قۇرىلعى مەن 100 ملن. ٴموبيلدى قوسىمشا بولماق. mackenzie ساراپشىلارىنىڭ باعالاۋىنشا ينتەرنەت زاتتارى 2025 جىلعا قاراي جاھاندىق ەكونوميكاعا 11 ترلن. دوللار ۇلەس قوسادى»، - دەدى داۋرەن ابايەۆ.

سونىمەن بىرگە ول ينتەرنەت ينفرقۇرىلىمىن دامىتۋعا الەمنىڭ بارلىق ەلى ۇمتىلىپ وتىرعانىن اتاپ ٴوتتى.

«سينگاپۋر، قىتاي، دانيا، وڭتۇستىك كورەيا سەكىلدى ەلدەر وسى باعىتتا باسقالارعا قاراعاندا وتە جىلدام جۇمىس ىستەيدى. بۇل ەلدەردەن قالىپ قويماۋ، دەربەس سيفرلىق لاندشافتى جۇيەلى دامىتۋ ٴبىز ٴۇشىن وتە ماڭىزدى. وسى ماقساتتا ٴبىزدىڭ ەلىمىزدە ينفراقۇرىلىمدى، ادامي كاپيتالدى، مەملەكەتتىك قىزمەتتەردى دامىتۋ مەن يننوۆاسيالىق ەكوجۇيەنى جانە ەكونوميكامىزداعى سالالاردى سيفرلاندىرۋدى قامتيتىن «سيفرلىق قازاقستان» مەملەكەتتىك باعدارلاماسى ازىرلەندى. حالىقتى، مەملەكەت پەن بيزنەستى سيفرلاندىرۋدان ناتيجەلى ەكونوميكالىق ٴوسىم الامىز دەپ ۇمىتتەنەمىز»، - دەدى ول.

مينيستر مەملەكەت باسشىسىنىڭ وسى باعدارلاما ارقىلى الدىمىزعا زور ماقسات قويعانىن جانە باعدارلاما ناتيجەسىنەن ەكونوميكالىق تيىمدىلىك تە كورۋگە بولاتىنىن ايتتى.

«كەشە عانا يندۋستريالاندىرۋ كۇنىندە ٴسوز سويلەگەن مەملەكەت باسشىسى قوعامنىڭ سيفرلاندىرۋدىڭ ٴمانىن، ول نەگە اپارادى جانە قانداي جولدارمەن جەتۋگە بولاتىنىن ٴتۇسىنۋى ماڭىزدى ەكەنىن اتاپ ٴوتتى. ەگەر ٴبىز قازاقستاندى ەڭ جوعارى ساياسي دەڭگەيدە سيفرلاندىرۋعا نيەتتى بولساق، وندا سيفرلاندىرۋدان شىنايى ەكونوميكالىق پايدا الا الاتىنىمىزعا سەنىمدىمىن. بۇگىنگى وسى باعىتتا وتكەن شارا دا جاقسى قادام دەپ بىلەمىن»، - دەدى داۋرەن ابايەۆ.

«iot forum astana-2017» فورۋمىندا قر اقپارات جانە كوممۋنيكاسيالار مينيسترىنەن بولەك «قازاقتەلەكوم» اق باسقارما ٴتوراعاسى قۋانىشبەك ەسەكەەۆ، iot سالاسىنداعى ساراپشىلار توني ا. ۆەرب، دۋگلاس كورلي سەكىلدى سپيكەرلەر قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي