BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ستراتەگيالىق جوسپار-2025: ٴۇشىنشى جاڭعىرۋدىڭ مىندەتتەرىن شەشەتىن كەشەندى جوسپار

فوتو: janubiy.kz

قازاقستاننىڭ 2025 جىلعا دەيىنگى دامۋىنىڭ ستارتەگيالىق جوسپارى مەملەكەتتىك جوسپارلاۋ جۇيەسىنىڭ نەگىزگى قۇجاتى بولىپ تابىلادى جانە ەلىمىزدىڭ دامىعان 30 ەلدىڭ قاتارىنا كىرۋ جولىنداعى «قازاقستان-2050» ۇزاقمەرزىمدى ستراتەگياسىن جۇزەگە اسىرۋدىڭ ورتامەرزىمدى دامۋ جوسپارى.

2025 جىلعا دەيىنگى ستراتەگيالىق جوسپار 2020 جىلعا دەيىنگى ستارتەگيالىق دامۋ جوسپارىنىڭ ورنىنا الىندى. جوسپار قابىلدانعان ساتتەن باستاپ ۇلتتىق ەكونوميكانىڭ ناقتى كولەمىن ۇشتەن بىرىنە دەيىن ارتتىرۋ بويىنشا باستى ماقساتقا قول جەتكىزىلدى. وسىلايشا، 2020 جىلعا دەيىنگى ستراتەگيالىق جوسپار جاھاندىق قارجى داعدارىسىنىڭ سالدارىن جويىپ، ەكونوميكانىڭ ٴارتاراپتاندىرىلعان تۇراقتى وسىمىنە كوشۋدى جىلدامداتتى.

2025 جىلعا دەيىنگى ستارتەگيالىق جوسپاردىڭ ۇسىنىلىپ وتىرعان جوباسى ٴۇشىنشى جاڭعىرۋدىڭ مىندەتتەرىن شەشۋدىڭ كەشەندى جوسپارى بولىپ تابىلادى. ول ەكونوميكالىق جاڭعىرتۋمەن عانا ەمەس، سونىمەن قاتار ينستيتۋتتىق جانە الەۋمەتتىك جاڭعىرتۋمەن بايلانىستى ماسەلەلەردى قامتيدى.

2025 جىلعا دەيىنگى ستراتەگيالىق جوسپار نەگىزىنە ەكونوميكالىق ٴوسىمنىڭ جاڭا ۇلگىسى الىندى، ول ونىمدىلىك پەن ۇيلەسىمدى ارتتىرۋ، ادام كاپيتالىن دامىتۋ جانە باسەكەلەستىكتىڭ ارتۋى جاعدايىندا جەكە قارجىلاردى تارتۋ، جەكەمەنشىك سەكتوردىڭ كوشباسشىلىق ٴرولى، ەل وڭىرلەرىنىڭ دامۋ الەۋەتىن ىسكە اسىرۋ ەسەبىنەن ەكسپورتقا باعدارلانعان ٴوندىرىستى ىنتالاندىرۋعا نەگىزدەلەدى.

جاڭا ەكونوميكالىق ۇلگىگە كوشۋ اعىمداعى مەملەكەتتىك ساياساتتا كەلەسى باستى وزگەرىستەردى تالاپ ەتەدى. بۇل:

  • ونىمدىلىك پەن ساپاعا جاپپاي باعدارلانۋ: ٴوندىرىستى ونىمدىلىگىن ارتتىرۋ، ٴارتاراپتاندىرۋ جانە تاۋارلار مەن قىزمەتتەر ساپاسى ەسەبىنەن ىنتالاندىرۋ;
  • ادامداردىڭ، كاسىپورىندار مەن سالالاردىڭ تەحنولوگيالىق باعدارلانۋى: تەحنولوگيالاردى جاپپاي ەندىرۋ جانە جاپپاي سيفرلاندىرۋ بويىنشا بارلىق ساتىلاردا كرەاتيۆتى، كوگنيتيۆتى داعدىلاردى دامىتۋ;
  • باسەكەلەستىك ٴوسىم ستيمۋلياتورى رەتىندە: سالالاردى مونوپولياسىزداندىرۋ، ەكسپورتتى ىلگەرىلەتۋ، تەحنولوگيالىق كومپانيالاردى جەرگىلىكتەندىرۋ جانە تالانتتاردى تارتۋ ەسەبىنەن باسەكەلەستىكتى كوتەرمەلەۋ;
  • جەكە سەكتوردىڭ باسىم ٴرولى: جەكە سەكتور ٴوسىم لوكوموتيۆىنە اينالۋى ٴتيىس: كەدەرگىلەردى جويۋ، ينۆەستيسيالاردى ىنتالاندىرۋ، ىسكە اسىرۋ ٴۇشىن بىرلەسىپ جاۋاپكەرشىلىك الۋ;
  • وڭىرلەردىڭ بەلسەندى ۇستانىمى جانە وڭىرلەردىڭ تەڭگەرىلىمدى دامۋى: وڭىرلەر اراسىندا ەكونوميكالىق دەربەستىگى، جاۋاپكەرشىلىگى، باسەكەلەستىگى، كووپەراسيا.

اتالعان وزگەرىستەر وتپەلى يدەولوگيانى كوزدەيدى جانە رەفورمالاردىڭ، جوسپاردىڭ باسىمدىقتارى مەن مىندەتتەرىنىڭ نەگىزىنە الىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي